ພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ແຂວງບໍ່ແກ້ວ ອອກແຈ້ງການ ໃນວັນທີ 14 ກັນຍາ 2023 ກ່ຽວກັບ ການອະນຸຍາດ ແລະ ເຄື່ອນໄຫວສັກລາຍ ໃນຂອບເຂດທົ່ວແຂວງບໍ່ແກ້ວ.
ໂດຍລະບຸວ່າ ຫ້າມບໍ່ໃຫ້ອອກໃບອະນຸຍາດສ້າງຕັ້ງຮ້ານ ແລະ ການເຄື່ອນໄຫວບໍລິການສັກລາຍທຸກປະເພດ ໃນຂອບເຂດທົ່ວແຂວງບໍ່ແກ້ວ ຢ່າງເດັດຂາດ, ຖ້າມີການອະນຸຍາດຢູ່ເມືອງໃດກໍໃຫ້ເລີກຮື້ ແລະ ປິດກິດຈະການດັ່ງກ່າວຢ່າງບໍ່ມີເງື່ອນໄຂ.
ເຊິ່ງມອບໃຫ້ຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເມືອງເປັນເຈົ້າການ ສົມທົບ ສອງກອງບັນຊາການ ທະຫານ-ຕໍາຫຼວດເມືອງ, ຄະນະສະເພາະກິດ ແລະ ຫ້ອງການກ່ຽວຂ້ອງ ລົງກວດກາແກ້ໄຂ. ສະກັດກັ້ນການນໍາ ເຂົ້າອຸປະກອນສັກລາຍທຸກປະເພດ ພ້ອມທັງຢຶດໄວ້ຫາກມີການກວດກາພົບເຫັນ ແລະ ປະຕິບັດມາດຕະການຕໍ່ຜູ້ລະເມີດ ຕາມລະບຽບກົດໝາຍ.
