spot_img
Homeຂ່າວການພັດທະນາພິທີເຊັນສັນຍາເຊົ່າ-ສຳປະທານ ພັດທະນາແຫຼ່ງທ່ອງທ່ຽວ ນ້ຳຕົກຕາດເລາະ-ຕາດຮັງ

ພິທີເຊັນສັນຍາເຊົ່າ-ສຳປະທານ ພັດທະນາແຫຼ່ງທ່ອງທ່ຽວ ນ້ຳຕົກຕາດເລາະ-ຕາດຮັງ

Published on

ວັນທີ 25 ກັນຍາ 2023 ຜ່ານມາ, ທີ່ພະແນກແຜນການ ແລະ ການລົງທຶນ ແຂວງສາລະວັນ ໄດ້ມີພິທີເຊັນສັນຍາເຊົ່າ-ສຳປະທານ ພັດທະນາແຫລ່ງທ່ອງທ່ຽວ ນ້ຳຕົກຕາດເລາະ-ຕາດຮັງ ຢູ່ບ້ານຫົວຂົວເສັດ ເມືອງເລົ່າງາມ ແຂວງສາລະວັນ ເພື່ອພັດທະນາແຫລ່ງທ່ອງທ່ຽວນ້ຳຕົກຕາດເລາະ-ຕາດຮັງ ເປັນແຫລ່ງທ່ອງທ່ຽວ ທີ່ໄດ້ມາດຕະຖານ ໂດຍການຮ່ວມລົງນາມລະຫວ່າງ ທ່ານ ນາງ ສອນທິດາ ອຸນາພົມ ຜູ້ອຳນວຍການ ບໍລິສັດພັດທະນາແຫລ່ງທ່ອງທ່ຽວຕາດເຍືອງ ຫລັກ 40 ເມືອງປາກຊ່ອງ ຈຳກັດ, ທ່ານ ໂພສີ ແກ້ວສີພັນດອນ ຫົວໜ້າພະແນກແຜນການ ແລະ ການລົງທຶນແຂວງ, ທ່ານ ສົມສັກ ທົງຄໍາຫານ ເຈົ້າເມືອງເລົ່າງາມ, ທ່ານ ຫົງແກ້ວ ມາລີຈັນສີ ຮອງຫົວໜ້າພະແນກການເງິນແຂວງ, ທ່ານ ມະໄລວອນ ສີປະເສີດ ຫົວໜ້າພະແນກຖະແຫລງຂ່າວ-ວັດທະນະທຳ ແລະ ທ່ອງທ່ຽວແຂວງ, ທ່ານ ສຸພະໄຊ ບຸນຍົງ ຮອງຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ໂດຍມີ ທ່ານ ພູທົງ ຄໍາມະນີວົງ ຮອງເຈົ້າແຂວງ, ພາກສ່ວນກ່ຽວຂ້ອງ ເຂົ້າຮ່ວມເປັນສັກຂີພິຍານ.

ທ່ານ ນາງ ສອນທິດາ ອຸນາພົມ ກ່າວຕື່ມວ່າ: ແຫລ່ງທ່ອງທ່ຽວນໍ້າຕົກຕາດເລາະ-ຕາດຮັງ ຖືວ່າເປັນແຫລ່ງທ່ອງທ່ຽວທີ່ສໍາຄັນຂອງແຂວງສາລະວັນ ກໍຄື ພາກໃຕ້ຂອງລາວ ທັງນອນໃນວົງຈອນການທ່ອງທ່ຽວເຂດພູພຽງບໍລະເວນ ທີ່ສວຍສົດງົດງາມ ເຊິ່ງການລົງທຶນ ຄັ້ງນີ້ຈະພັດທະນາໃຫ້ກາຍເປັນແຫລ່ງທ່ອງທ່ຽວ ທີ່ໄດ້ມາດຕະຖານສາມາດດຶງດູດນັກທ່ອງທ່ຽວທັງພາຍໃນ, ອະນຸພາກພື້ນ ແລະ ສາກົນ ຕິດພັນກັບການອະນຸລັກທຳມະຊາດ ແລະ ເອກະລັກວັດທະນະທຳທ້ອງຖິ່ນ, ຊຸກຍູ້ສົ່ງເສີມອາຊີບ ແລະ ການມີສ່ວນຮ່ວມຂອງ ປະຊາຊົນທ້ອງຖິ່ນເປົ້າໝາຍ, ຍົກລະດັບແຫລ່ງທ່ອງທ່ຽວ ພາຍໃນນໍ້າຕົກຕາດເລາະ-ຕາດຮັງ ໃຫ້ກາຍເປັນແຫລ່ງທ່ອງທ່ຽວທີ່ສາມາດບໍລິການ ນັກທ່ອງທ່ຽວພາຍໃນ ແລະ ຕ່າງປະເທດ ເພື່ອຊຸກຍູ້ ແລະ ຟື້ນຟູ ເສດຖະກິດດ້ວຍການ ສ້າງວຽກເຮັດງານທຳ, ຍົກລະດັບຊີວິດການເປັນຢູ່ຂອງປະຊາຊົນທ້ອງຖິ່ນ ແລະ ປະກອບສ່ວນປົກປັກຮັກສາມໍລະດົກທາງ ວັດທະນາທຳ, ທຳມະຊາດ ແລະ ປະຫວັດສາດໃຫ້ຍືນຍົງ.

ທ່ານ ນາງ ສອນທິດາ ອຸນາພົມ ຜູ້ອຳນວຍການບໍລິ ສັດພັດທະນາແຫລ່ງທ່ອງທ່ຽວຕາດເຍືອງຫລັກ 40 ເມືອງປາກຊ່ອງ ຈຳກັດ ກ່າວວ່າ: ສຳລັບການຈັດຕັ້ງປະຕິບັດໂຄງການປະກອບມີ 3 ໄລຍະຄື: ໄລຍະທີ 1 ຟື້ນຟູປັບປຸງ ສະຖານທີ່ 2023-2026, ໂຄສະນາດຶງດູດການທ່ອງທ່ຽວແບບລາວທ່ຽວລາວ, ປັບປຸງພື້ນຖານໂຄງລ່າງ ໄຟຟ້າ-ນ້ຳປະປາ, ສວນພຶກສາ, ສິ່ງອຳນວຍຄວາມສະດວກ, ກິດຈະກຳທ່ອງທ່ຽວ, ຫ້ອງນ້ຳ ແລະ ອື່ນໆ. ໄລຍະທີ 2 ການຂະຫຍາຍພື້ນທີ່ກິດຈະກຳ ທ່ອງທ່ຽວ 2026-2030, ສະຖານທີ່ພັກແຮມ, ຫ້ອງປະຊຸມ, ຮ້ານອາຫານ ແລະ ຮ້ານຂາຍ ເຄື່ອງທີ່ລະນຶກຕ່າງໆ, ກິດຈະກຳການທ່ອງທ່ຽວທຳມະຊາດ, ວັດທະນະທຳ ແລະ ປະຫວັດສາດ ທີ່ ຫລາກຫລາຍ ແລະ ໄລຍະ ທີ 3 ການບໍລິການ ການທ່ອງທ່ຽວຄົບວົງຈອນ ມາດຕະຖານສາກົນ.
ຂ່າວ: ປະຊາຊົນ.

ບົດຄວາມຫຼ້າສຸດ

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...