spot_img
Homeຄວາມງາມກ້ວຍເຮັດໃຫ້ຈ່ອຍໄດ້

ກ້ວຍເຮັດໃຫ້ຈ່ອຍໄດ້

Published on

734029-topic-ix-8

ສູດ​ຫລຸດຮູບຮ່າງ​ຈາກ​ຊີວິດ​ແທ້

ສູດ​ລົດຮູບຮ່າງ​ຕ່າງໆ ມັກ​ຈະ​ມີ​ທີ່​ມາ​ຈາກ​ຜູ້​ຊ່ຽວຊານ ເຊັ່ນ ນັກ​ໂພດ​ສະນາ​ການ ນັກ​ກຳນົດ​ອາຫານ ຫລື ​ແພດ ແຕ່​ຈຸດ​ເລີ່ມ​ຕົ້ນ​ຂອງ “Banana Breakfast Diet” ເກີດ​ຈາກ “ຮາ​ມາ​ຈິ” ຜູ້​ຊາຍຕຸ້ຍໆ ຊາວ​ຍີ່​ປຸ່ນ​ຄົນ​ໜຶ່ງ​ທີ່​ພະຍາຍາມ​ເຮັດ​ທຸກ​ທາງ​ເພື່ອ​ຄວາມ​ຈ່ອຍ ທັງ​ອອກ​ກຳ​ລັງ​ກາຍ​ໜັກໆ ແລ່ນມື້​ລະ​ຫລາຍ​ຊົ່ວ​ໂມງ ໄປ​ຈົນ​ອົດອາຫານ​ດື່ມ​ແຕ່​ນົມ​ຖົ່ວ​ເຫລືອງ ແຕ່​ກັບ​ບໍ່​ໄດ້​ຜົນ​ຢ່າງ​ທີ່​ຄາດ​ຫວັງ ແຖມ​ຍັງ​ຮູ້ສຶກ​ເໜື່ອຍ​ຫລາຍ​ ໆ
ແຕ່​ຫລັງ​ຈາກ​ກິນ​ກ້ວຍ​ຕາມ​ຄຳ​ແນະ​ນຳ​ຂອງ “ສຶ​ມິ​ໂກະ” ເພ​ດສາທາລະນະສຸກ​ທີ່​ສຶກ​ສາ​ດ້ານ​​ບຳ​ບັດ ​ແລະ ​​ການ​ປ້ອງ​ກັນ ພາຍ​ໃນ 6 ເດືອນ ນ້ຳ​ໜັກ​ຂອງລາວ​ກໍ​ຫາຍ​ໄປ​ເຖິງ 13 ກິ​ໂລ​ກຣາມ ທັງ​ 2 ຈຶ່ງ​ພັດທະນາ​ແນວ​ຄິດ​ເປັນ​ສູດ​ຫລຸດນໍ້າໜັກ ແນະ​ນຳ​ລົງ​ MIXI ຊຸມ​ຊົນ​ອອນ​ລາຍ​ຂອງ​ຍີ່​ປຸ່ນ ກາຍ​ເປັນ​ກະ​ແສ​ຍອດ​ຮິດ​ທີ່​ເຮັດໃຫ້​ສະມາຊິກ​ຫລຸດ​ນ້ຳ​ໜັກ​ໄດ້​ກວ່າ 300 ຄົນ ຈົນ​ໄດ້ຮັບ​ການ​ຕີ​ພິມ​ເປັນ​ຫນັງສື ມີ​ຍອດ​ຂາ​ຍ​ກາຍ 1 ລ້ານຫົວ​​ໃນ  ​ຍີ່​ປຸ່ນ
ກ້ວຍ​ນີ້​ມີ​ດີ​ບ່ອນໃດ
ກ້ວຍ​ເປັນ​ຫມາກໄມ້​ທີ່​ຫາ​ກິນ​ໄດ້​ງ່າຍ ລາ​ຄາ​ບໍ່​ແພງ ແຖມ​ຍັງ​ອຸດົມ​ໄປ​ດ້ວຍ​ສານ​ອາຫານ​ຫລວງຫລາຍ​ທີ່​ກ່ຽວ​ຂ້ອງ​ກັບ​ການຫລຸດ​ຄວາມ​ຕຸ້ຍກໍ​ຄື
ວິ​ຕາ​ມິນ​ບີ 1 ແລະ​ ບີ 2 ທີ່​ຊ່ວຍ​ເລັ່ງ​ການ​ເຜົາ​ຜານ​ນ້ຳ​ຕານ​ ແລະ ​ໄຂ​ມັນ ປ້ອງ​ກັນ​ໂຕ​ບວມ ແລະ ​ຟື້ນ​ຟູ​ຮ່າງກາຍ​ຈາກ​ຄວາມ​ເໝື່ອຍ​ລ້າ
ໂພ​ແທດ​ຊຽມ ຊ່ວຍ​ໃນ​ການ​ຂັບ​ໂຊ​ດຽມ​ອອກ​ທາງ​ຍ່ຽວ
ເສັ້ນ​ໃຍ​ອາຫານ ຊ່ວຍ​ໃນ​ການ​ຂັບ​ຖ່າຍ ບັນ​ເທົາ​ອາການ​ຖ່າຍຍາກ​
ເຊ​ໂລ​ໂທ​ນິນ ຊ່ວຍ​ຫລຸດ​ອາການ​ຫງຸດ​ຫງິດ ​ແລະ ​ຄວາມ​ຢາກ​ອາຫານ
ເອນ​ໄຊຊ່ວຍ​ຍ່ອຍ​ອາຫານ​ທີ່​ຈະ​ຊ່ວຍ​ເຮັດໃຫ້​ສານ​ອາຫານ​ດູດ​ຊຶມ​ໄປ​ໃຊ້​ໄດ້​ທັນ​ທີ
ນ້ຳ​ຕານ​ທີ່​ຫລາກ​ຫລາຍ ທັງ ​ກູ​ໂຄດ ​ຮັກ​ໂທດ ຊູ​ໂຄດ ແລະ​ ແປ້ງ ເຮັດໃຫ້​ອີ່ມ​ທ້ອງ​ໄດ້​ດົນ ຫລຸດ​ຄວາມ​ຖີ່ ​ແລະ ​ປະລິມານ​ບໍ​ລິ​ໂພກ​ນ້ຳ​ຕານ​ໃນ​ລະຫວ່າງ​ມື້​ໄດ້​

ວິທີ​ກິນ​ກໍ່ສໍາຄັນ
ຫລັກ​ຂອງ​ສູດ​ຫລຸດຄວາມຕຸ້ຍ​ທີ່​ ຮາ​ມາ​ຈິ ​ຄົ້ນ​ພົບ ນອກ​ຈາກ​ຈະ​ອາໄສ​ປະໂຫຍດ​ຈາກ​ກ້ວຍ​ຊ່ວຍ​ໃຫ້​ຈ່ອຍ​ແລ້ວ ການ​ກິນ​ໃຫ້​ສຳພັນ​ກັບ​ລະບົບ​ການ​ຍ່ອຍ​ກໍ​ເປັນ​ອີກ​ໜຶ່ງ​ປັດ​ໄຈ​ທີ່​ເຮັດໃຫ້​ສູດ​ນີ້ “ໄດ້​ຜົນ” ໂດຍ​ລາວບອກວ່າ ​ການ​ກິນ​ພຽງແຕ່ກ້ວຍ​ ເຊິ່ງ​ເປັນ​ຫມາກໄມ້​ຍ່ອຍ​ງ່າຍ ​ແລະ ​ນ້ຳ​ລ້າ​ໃນ​ຕອນ​ເຊົ້າ ຈະ​ເຮັດໃຫ້​ກະເພາະ ລຳ​ໄສ້ ແລະ ​ອະໄວຍະວະ​ໃນ​ລະບົບ​ຍ່ອຍ​ກໍ​ຈະ​ເຮັດວຽກ​ໄດ້​ສະ​ດວກ​ຂຶ້ນ

ເພາະ​ຕາມ​ຫລັກ​ການ​ຂອງ​ເພດ​ການ​ປ້ອງ​ກັນ ຫລັງ​ກິນ​ໄປ​ພຽງແຕ່ 15-20 ນາ​ທີ ກ້ວຍ​ຈະ​ເຄື່ອນ​ທີ່​ໄປ​ສູ່​ລຳ​ໄສ້ ແລະ​ ເລີ່ມ​ຖືກ​ດູດ​ຊຶມ​ເຂົ້າ​ສູ່​ຮ່າງກາຍ ຂະນະ​ທີ່​ ຜັກ ຄາລໂບ​ໄຮ​ເດດ ແລະ ​ໂປ​ຕີນ ຈະ​ໃຊ້​ເວລາ​ໃນ​ການ​ຍ່ອຍ​ດົນ​ກວ່າ 3-4 ຊົ່ວ​ໂມງ ສ່ວນ “ນ້ຳ” ກໍ​ຈະ​ຊ່ວຍ​ເຮັດໃຫ້​ການ​ໝຸນ​ວຽນ​ຂອງ​ເລືອດ​ ແລະ ​ຂອງ​ແຫລວ​ໃນ​ຮ່າງກາຍ​ດີ​ຂຶ້ນ ເມື່ອ​ລະບົບ​ຕ່າງໆ ດີ​ຂຶ້ນ​​ກໍ​ຈະ​ຈ່ອຍ​ລົງ ແຖມ “ກ້ວຍ” ຍັງ​ເປັນ​ຄາບເຂົ້າ​ງ່າຍໆ ເໝາະ​ກັບ​ຊີວິດ​ເລັ່ງ​ດ່ວນຂອງ​ເຮົາ​ສຸດໆ
ອອກ​ກຳ​ລັງ​ກາຍ​ເມື່ອ​ຢາກ​ອ
ແນ່ນອນ​ວ່າ ​ຖ້າ​ຢາກ​ຈ່ອຍ​ປະ​ການ​ອອກ​ກຳ​ລັງ​ໄປ​ບໍ່​ໄດ້ ແມ່ນ​ສູດ​ນີ້​ຈະ​ບໍ່​ໄດ້​ບອກ​ໃຫ້​​ອົດອາຫານ​ຈົນ​ເປັນ​ອັນຕະລາຍ​ຖ້າ​ໄປ​ອອກ​ກຳ​ລັງ​ກາຍ ຮາ​ມາ​ຈິ ບອກວ່າ ເມື່ອ​​ນ້ຳ​ໜັກ​ກາຍ​ຫລາຍ​ໆ ການ​ຝືນ​ອອກ​ກຳ​ລັງ​ແບບ​ຫັກ​ໂຫມ​ອາດ​ເຮັດໃຫ້​ບາດ​ເຈັບ​ໄດ້ ແລະ ​ການ​ທີ່​ຮ່າງກາຍ​ຮູ້ສຶກ​ທໍລະມານ​ນັ້ນ​ມີ​ສາ​ເຫດ ຫາກ​ສິ່ງ​ທີ່​ເຮັດ​ນັ້ນ​ດີ​ຕໍ່​ສຸຂະພາບ ກໍ​ຈະ​ບໍ່​ຮູ້ສຶກ​ທໍລະມານ ຖ້າ​ບໍ່​ພ້ອມ ການ​ແກວ່ງ​ແຂນ​ໄປ​ມາ​ຍັງມີ​ຜົນດີີ​ຕໍ່​ການ​ຫລຸດຮູບຮ່າງ​ຫລາຍກວ່າ​ການ​ແລ່ນ​ຈົນ​ຫອບ​ ເມື່ອ​ຮູ້ສຶກ​ແຂງ​ແຮງ​ຂຶ້ນ ຄ່ອຍ​ອອກ​ກຳ​ລັງ​ໃຫ້​ໜັກ​ຂຶ້ນ​ກໍ​ຍັງ​ບໍ່​ສວາຍ
ມາ​ເລີ່ມ​ກິນ​ກ້ວຍ​ຫລຸດຮູບຮ່າງກັນເຖາະ!
ຄອນ​ເຊັບ​ຂອງ “Banana Breakfast Diet” ກໍ​ຄື​ບໍ່​ຕ້ອງ​ອົດ ບໍ່​ຕ້ອງ​ທົນ ບໍ່​ເປືອງ​ເງີນ ບໍ່​ເປືອງ​ເວລາ ວິທີ​ເພື່ອ​ຄວາມ​ຈ່ອຍ​ກໍ​ເລີຍ​ບໍ່​ຫຍຸ້ງຍາກ
ຕື່ນ​ນອນ:  ຖ້າ​ຕື່ນ​ເອງ​ໂດຍ​ທຳມະຊາດ​ບໍ່​ຕ້ອງ​ອາໃສ​ສຽງ​ໂມງ​ປຸກ​ຈະ​ຍິ່ງ​ດີ​ຕໍ່​ລະບົບ​ຂັບ​ຖ່າຍ

ຄາບ​ເຊົ້າ :  ກິນ​ກ້ວຍ​ຫຍັງ​ກໍ​ໄດ້ ຈັກ​ໜ່ວຍ​ກໍ​ໄດ້ ແຕ່​ຕ້ອງ​ຫຍ້ຳ​ໃຫ້​ລະອຽດ​ ແລະ ​ດື່ມ​ນ້ຳ​ລ້າ​ອຸນຫະພູມ​ທໍາມະດາ ຖ້າ​ຮູ້ສຶກ​ບໍ່​ຢູ່​ທ້ອງ​ໃຫ້​ເວັ້ນ​​ຫລັງ​ກິນ​ກ້ວຍ​ປະມານ 15-30  ນາ​ທີ ກິນ​ເຂົ້າ​ປຽກ​ເຂົ້າ​ ​ຫລື ​ຫມາກໄມ້​ກໍ​ໄດ້
ຕອນກາງເວັນ:  ກິນ​ຫຍັງ​ກໍ​ໄດ້ ບໍ່​ມີ​ຂໍ້​ກຳນົດ​ຕາຍ​ໂຕ
ຫລັງ​ທ່ຽງ:  ຫລື ​ຫລັງ​​ອາຫານ​ກາງເວັນ​ປະ​ມານ​ເຄິ່ງ​ຊົ່ວ​ໂມງ ເພື່ອ​ໃຫ້​ການ​ຍ່ອຍ​ດຳ​ເນີນ​ໄປ​ໄດ້​ດ້ວຍ​ດີ
15.00  ຫາກ​ຢາກ​ກິນ​ຂອງ​ວ່າ​ງ ອະນຸຍາດພຽງແຕ່​ເວລາ​ນີ້​ເທົ່າ​ນັ້ນ ຈະ​ເປັນ​ເຂົ້າໜົມ​ ຫລື​ຫມາກໄມ້​ກໍ​ໄດ້
ຄາບແລງ:  ກິນ​ຫຍັງ​ກໍ​ໄດ້ ແຕ່​ຄວນ​ກິນ​ໃຫ້​ໄວ​ກວ່າ​ປົກກະຕິ​ປະມານເຄິ່ງ​ຊົ່ວ​ໂມງ ແລະ​ເດິກ​ທີ່ສຸດ​ບໍ່​ກາຍ​ 20.00
ຫລັງ​ຄາບແລງ:  ຖ້າ​ຕ້ອງ​ຢູ່​ເຮັດວຽກ​ຈົນ​ເດິກ​ກິນ​ໄດ້​ພຽງແຕ່ຫມາກໄມ້​ໜ່ວຍ​ໜຶ່ງ​ເທົ່າ​ນັ້ນ
ເຂົ້າ​ນອນ: ພະຍາຍາມ​ເຝິກ​ນອນ​ກ່ອນ​ທ່ຽງ​ຄືນ​ໃຫ້ເປັນ​ນິ​ໄສ ເພື່ອ​ໃຫ້​ຮ່າງກາຍ​ຟື້ນ​ຟູ​ໄດ້​ເຕັມ​ທີ່​ທີ່ສຸດ

ສູດ​ນີ້​ບໍ່​ໄດ້​ເໝາະ​ກັບ​ທຸກ​ຄົນ
ເຖິງ​ຈະ​ເບິ່ງ​ຄືເປັນ​ສູດ​ທີ່​ເຮັດ​ໄດ້​ບໍ່​ຍາກ ແຕ່​ກໍ​ບໍ່​ມີ​ສູດ​ຫລຸດຮູບຮ່າງ​ທີ່​ສົມບູນແບບຢ່າງ​ນ້ອຍ​ໆ ຄົົນທີ່​ແພ້​ກ້ວຍ ​ກໍ​ໃຊ້​ສູດ​ນີ້​ບໍ່​ໄດ້​ແນ່ນອນ ແລະ​ ໃຜ​ທີ່​ມີ​ພະຍາດ​ປະຈຳ​ຕົວ​ກໍ​ຕ້ອງ​ຖາ​ມຫາ​ໝໍ​ເສຍ​ກ່ອນ ນອກ​ຈາກ​ນີ້ ມີ​ຫລາຍ​ຄົົນທີ່​ລອງ​ສູດ​ນີ້​ເປັນ​ເດືອນ ນ້ຳ​ໜັກ​ກໍ​ຍັງ​ບໍ່​ລົງ​
ຮາ​ມາ​ຈິ ບອກວ່າ “ຄົົນທີ່​ບໍ່​ໄດ້​ຜົນ​ມັກ​ຈະ​ມີ​ເຫດ​ທີ່​ເຮັດໃຫ້​ຈ່ອຍ​ຍາກ ເຊັ່ນ ນອນ​ເດິກ ສູບ​ຢາ ດື່ມ​ເຫລົ້າ ຄຽດ​” ຖ້າ​​ເປັນ​ໜຶ່ງ​ໃນ​ຄົນ​ກຸ່ມ​ນີ້ ລອງ​ຫາ​ສູດ​ຫລຸດອັນ​ອື່ນ ຫລື ​ປັບ​ພຶດຕິກຳ​ກ່ອນ​ຈະ​ດີກວ່າ

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...