spot_img
Homeນານາສາລະສິ່ງ​ທີ່​ມັກ​ພາດ..... ໃນ​ການ​ແຕ່ງ​ຕົວ​ຂອງ​ທ່ານຍິງ

ສິ່ງ​ທີ່​ມັກ​ພາດ….. ໃນ​ການ​ແຕ່ງ​ຕົວ​ຂອງ​ທ່ານຍິງ

Published on

page3

1. ໃສ່​ເສື້ອ​ຄໍ​ເລິກ ໂຊໜ້າ​ເອິກ​ຫລາຍ​ເກີນ​ໄປ ຍິ່ງ​ເປັນ​ເສື້ອ​ຄໍ​ເລິກ ທີ່​ລົງ​ຈົນ​ເຫັນ​ຮ່ອງ​ເອິກ ຫລື ​ທັງ​ເລິກ​ທັງ​ກວ້າງ​ຈົນ​ໂຊເ​ອິກ​ແລ້ວ​ເກືອບ​ເຄິ່ງ​ໜຶ່ງ ເບິ່ງ​ແນວໃດກໍ​ບໍ່​ເຫັນ​ງາມ
2. ແຟ​ຊັ່ນ​ລ້າ​ສະໄໝ ບໍ່​ໄດ້​ວ່າ​ຫຍັງ​ຖ້າ​ເຈົ້າ​ເປັນ​ຄົນ​ບໍ່​ຕາມ​ກະ​ແສ​ແຟ​ຊັ່ນ (ອັນ​ທີ່​ຈິງ​ນັບ​ວ່າ​ເປັນ​ເລື່ອງ​ດີ​​ທີ່​ບໍ່​ບ້າ​ແຟ​ຊັ່ນ) ແຕ່​ຢ່າງ​ນ້ອຍ​ກໍ​ຕ້ອງ​ເບິ່ງ​ໃຫ້​ມັນ​ເໝາະ​ສົມ​ກັບ​​​ສັງຄົມ​ນຳ ບາງ​ຄົນ​ຢຶດ​ຕິດ​ກັບ​ການ​ແຕ່ງ​ຕົວ​ສະ​ໄຕ​ເກົ່າໆ ຫລາຍ​ເກີນ​ໄປ​ບໍ່​ວ່າ​ຈະ​ອາ​ຍຸ​ເທົ່າ​ໃດ ​ຫລື ​ເວລາ​ຜ່ານ​ໄປ​ຫລາຍ​ປີ​ແລ້ວ​ກໍ​ຕາມ ເຮັດໃຫ້​ເບິ່ງ​ເຊີຍ​ແບບສຸດໆ ລອງ​ປ່ຽນ​ເປັນ​ໃສ່​ເສື້ອ​ຜ້າ​ຕາມ​ປົກກະຕິ ແລ້ວ​ແຊກ​ເສື້ອ​ຜ້າ​ແຟ​ຊັ່ນ​ຍຸກ​ເກົ່າ​ສະ​ໄຕ​ທີ່​ເຈົ້າ​ມັກ​ລົງ​ໄປ​ນຳ ແບບ​ນີ້​ຈະ​ໜ້າ​ເບິ່ງ​ກວ່າ​
3. ເສື້ອ​ຜ້າ​ບໍ່​ພໍ​ດີ​ຕົວ ເສື້ອ​ຜ້າ​ທີ່​ຄັບ​ເກີນໄປ ຫລື ​ຫລົມເກີນ​ໄປ ໃສ່​ແລ້ວ​ກໍ​ຍິ່ງ​ເຮັດໃຫ້​ບຸກຄະລິກ​ເບິ່ງ​ບໍ່ງາມ​​ ແຖມ​ເຄື່ອນ​ໄຫວ​ຕົວ​ກໍ​ບໍ່​ສະ​ດວກ​ອີກ​ຕ່າງ​ຫາກ
4. ໃສ່​ເຄື່ອງ​ປະ​ດັບ​ຫລາຍເກີນ​ໄປ ນອກ​ຈາກ​ຈະ​ໃສ່ສາຍຄໍເສັ້ນ​ໜາ​ຢູ່​ແລ້ວ ຍັງ​ໃສ່ປອກແຂນ​ເປັນ​ພວງ,ໃສ່​ແຫວນ ເຮັດໃຫ້ມັນຫລາຍ​ເກີນ​ໄປ
  5. ເສື້ອ-ກະ​ໂປງ ຂໍ້​ຜິດ​ພາດ​ທີ່​ໜ້າ​ອາຍ​ຫລາຍ​ ສຳລັບ​ທ່ານຍິງ ຄື​ການ​ໃສ່​ເສື້ອ​ ຫລື​ ກະ​ໂປງ​ບາງໆ ຫລື ​ມີ​ເນື້ອ​ແພຕິດໂຕ​ຈົນ​ເຫັນ​ຂອບ​ສະຫລິບ (ໂດຍ​ສະເພາະ​ກັບ​​ເລກ​ກິ້ງ ) ບາງ​ທີ​ຄົງ​ຕ້ອງ​ເລືອກ​ສະຫລິບ​ທີ່​ຂອບ​ບາງໆ ຫລື​ ໃສ່​ແບບ​ເກັບ​ຂອບ​ເພື່ອ​ໃຫ້​ເໝາະ​ກັບ​ເສື້ອ​ຜ້າ​ແບບນີ້​ໂດຍ​ສະເພາະ
6. ໜ້າ​ໂຊມ ຕໍ່​ໃຫ້​ເຄື່ອງ​ສຳ​ອາງ​ທີ່​ເຈົ້າ​ໃຊ້​ນັ້ນ​ຕິດ​ທົນ​ດົນ ກັນ​ນ້ຳ ກັນ​ເຫື່ອ ດີ​ເທົ່າໃດ ການ​ເຊັກ​ຄວາມ​ຮຽບຮ້ອຍ​ຂອງ​ເມກ​ອັບ ແລະ ​ການ​ເຕີມ​ໜ້າ​ລະຫວ່າງ​ມື້​ຈັກ 1 ເທື່ອ ກໍ​ເປັນ​ເລື່ອງ​ທີ່​ທ່ານ​ຍິງ​ຜູ້​ຮັກ​ການ​ແຕ່ງ​ໜ້າ ​ແລະ ​ຕ້ອງ​ການເຮັດໃຫ້​ຕົວ​ເອງ​ເບິ່ງ​ດີ​ຕະຫລອດ​ເວລາ​ຄວນ​ຈະເຮັດ ເຊື່ອ​​ວ່າ​ຮ້ອຍ​ທັງ​ຮ້ອຍ​ຂອງ​ຜູ້ຍິງ ບໍ່​ມີ​ໃຜ​ແຕ່ງ​ໜ້າ​ເປ໊ະ​ຕັ້ງ​ແຕ່​ເຊົ້າ ແລ້ວ​ງາມ​ຕະຫລອດ​ລອດ​ຝັ່ງ​ໄປ​ເຖິງ​ຕອນ​ແລງ​ໂດຍ​ບໍ່​ຕ້ອງ​ເຕີມ​ເຄື່ອງ​ສຳ​ອາງ​ໄດ້​ດອກ
  7. ແຕ່ງ​ຕົວ​ໄປ​ເຮັດວຽກ​ຄືກັບ​ໄປ​ຍ່າງ​ແຟ​ຊັນ ການ​ແຕ່ງ​ຕົວ​ໄປ​ເຮັດວຽກ​ຢ່າງໃດ​ກໍ​ຕ້ອງ​ໃຫ້​ເບິ່ງ​ດີ​ເຂົ້າ​ໄວ້ ແຕ່​ນັ້ນ​ບໍ່​ໄດ້​ໝາຍ​ຄວາມ​ວ່າ​ເຈົ້າ​ຕ້ອງ​ເບິ່ງ​ດີ​ແຍ່ງ​ປານກັບ​ນາງ​ແບບ​ເທິງ​ເວທີ ມັນ​ເບິ່ງ​ມີ​ລູກ​ຫລິ້ນ​ຫລາຍ​ເກີນ​ໄປ​ສຳລັບ​ສາວ​ຫ້ອງການ ຍົກ​ເວັ້ນ​ເສຍ​ແຕ່​ວ່າ​ເຈົ້າ​ຕ້ອງ​ເຮັດວຽກ​ທີ່​ກ່ຽວກັບ​ແຟ​ຊັ່ນ​ ຫລື ​ການ​ແຕ່ງ​ຕົວ​ຢູ່​ແລ້ວ
8. ເກີບຫົວ​ແຫລມ​ ເກີບຕີນ​ຫົວ​ແຫລມ​ລຽວ​ນ້ອຍ​ອາດ​ເຮັດໃຫ້​ເຈົ້າ​ເບິ່ງ​ເປັນ​ສາວ​​ໝັ່ນໃຈ ແຕ່​ເຊື່ອ​ບໍ​ວ່າ​ທ່າມ​ກາງ​ສາຍ​ຕາ​ທີ່ເບິ່ງ​ມາ ໃນ​ໃຈ​ເຂົາ​ບໍ່​ໄດ້​ຊື່ນ​ຊົມ​ເຈົ້າ​ດອກ​ ອອກ​ຈະ​ເບິ່ງ​ດ້ວຍ​ຄວາມ​ຮູ້ສຶກ​ວ່າ “ກ້າ​ເນາະທີ່ໃສ່​ເກີບ​ແບບ​ນີ້” ທີ່​ສຳຄັນ​ມັນ​ຍັງ​ບີບ​ນິ້ວ​ຕີນ​ຂອງ​ເຈົ້າ​ໃສ່​ໄປ​ເລື້ອຍໆ ອາດ​ມີ​ບັນຫາ​ເລື່ອງ​ກະດູກ ປວດ​ນິ້ວ ຊົງ​ຕົວ​ລຳ​ບາກ ລວມ​ເຖິງ​ໜັງ​ສ່ວນ​ທີ່​ຖືກ​ບີບ​ເລື້ອຍໆ ກໍ​ຈະ​ໜາ​ຂຶ້ນ​ ແລະ ​ດ້ານ​ໄດ້
9. ເກີບເປື້ອນ ​ກໍ​ເປັນ​ອີກ​ເລື່ອງ​ໜຶ່ງ​ທີ່​ເຮັດໃຫ້​ຜູ້ຍິງ​ເສຍ​ບຸກຄະລິກ​ໄດ້​ຫລາຍ​ທີ່ສຸດ ເກີບ​ສົ້ນ​ສູງ​ຍໍ່ໆ ແຫ້ງໆ ທັງ​ດຳ​ທັງ​ໂຊມ ແຖມ​ຍັງ​ຫລຸດ​ລຸ່ຍ​ອີກ​ຕ່າງ​ຫາກ ຫລື ເກີບ​ຜ້າ​ໃບ​ເນົ່າ​ໆ ຖ້າ​ມັນ​ເປື້ອນ​ກໍ​ຊັກ​ເຮັດ​ຄວາມ​ສະ​ອາດ​ແດ່​ ແຕ່​ຖ້າ​ໂຊມ​ຈົນ​ເກີນ​ຍຽວ​ຢາ ກໍ​ຫາ​ຊື້​ຄູ່​ໃໝ່​ໃສ່
  10. ຊຸດ​ວາບ​ຫວິວ​ເກີນ​ໄປ ຊຸດ​​ໃສ່​ອອກ​ກຳ​ລັງ​ກາຍ ບໍ່​ວ່າ​ຈະ​ແລ່ນ​ຈັອກ​ກິ້ງ ຫລິ້ນ​ໂຍ​ຄະ ຫລື ​ເຕັ້ນ​ແອ​ໂລ​ບິກ ຄວນ​ໃສ່​ໃຫ້​ລັດ​ກຸມ​ແຕ່​ບໍ່​ລັດ​ຮູບ​ເວົ້າ​ແຫວກ​ເກີນ​ງາມ ມັນ​ບໍ່​ໄດ້​ເຮັດໃຫ້​ເຈົ້າ​ເບິ່ງ​ມີ​ເໜ່ຂຶ້ນ​ເລີຍ
11. ເລືອກ​ໃຊ້​ແຕ່​ຂອງ​ແບ​ນຫລູ ເຈົ້າ​ຈະ​ຄິດ​ແນວໃດ​ຖ້າ​ເຈີ​ຄົົນທີ່​ແຕ່ງ​ຕົວ​ຕັ້ງ​ແຕ່​ຫົວ​ຈຳ​ຕີນ ເຕັມ​ໄປ​ດ້ວຍ​ຂອງ​ແບ​ລນ​ເນມ​ສາລະພັດ​ຍີ່​ຫໍ້ ເບິ່ງ​ຢ່າງໜື່ງກໍ​ຄື​ຄົນ​ແຕ່ງ​ຕົວ​ບໍ່​ເປັນ​ຫລາຍກວ່າ​ຄົນ​ມີ​ລົດສະ​ນິຍົມ ລອງ​ປ່ຽນ​ເປັນ​ເລືອກ​ເອົາ​ແບ​ລນ​ຫລູ​ຈັກ​ອັນ​ມາ​ເປັນ​ຕົວ​ເອກ ແລ້ວ​ມິກ​ກັບ​ເສື້ອ​ຜ້າ​ທຳມະດາ​ໆ ບໍ່​ຕ້ອງ​ແບ​ນເນມ​ໝົດດີກວ່າ
12. ສາລະພັດ​ລາຍ​ສັດ​ໃນ​ຊຸດ​ດຽວ​ກັນ ເສື້ອ​ລາຍ​ເສືອ​ດາວ ໂສ້ງ​ໜັງ​ງູ ກະ​ເປົ໋າ​ໜັງເ​ເຂ້ ເກີບລາຍ​ມ້າ​ລາຍ.. ລອງ​ຄິດ​ເບິ່ງ​​ວ່າ​ເຈົ້າ​ຈະ​ເບິ່ງ​ຄົນ​ແຕ່ງ​ຕົວ​ແບບ​ນີ້​ແນວໃດ ເພາະ​ສະ​ນັ້ນ​ຢ່າ​ແຕ່ງ​ຕົວ​ແບບ​ນີ້​ເປັນ​ອັນ​ຂາດ
13. ເສື້ອ​ຜ້າ​ຂາດ​ໂຊມ ມີ​ຮອຍ​ເປື້ອນ ຖ້າ​ເສື້ອ​ຜ້າ​ຂາດກໍ​ຈັດການ​ຫຍິບ​ຊ່ອມ​ແຊມ​ເສຍ ຫລື ​ຖ້າ​ມີ​ຮອຍ​ເປື້ອນ​ກໍ​ຊັກ​ອອກ​ໃຫ້​ຮຽບຮ້ອຍ​ກ່ອນ​ນຳ​ມາ​ໃສ່ ຕົວ​ເຈົ້າ​ຈະ​ໄດ້​ບໍ່​ເບິ່ງ​ໂຊມ​ໄປ​ຕາມ​ເສື້ອ​ຜ້າ
14. ໝັ່ນໃຈ​ຫລາຍ​ເກີນ​ໄປ ການ​ໝັ່ນໃຈ​ໃນ​ຕົວ​ເອງ​ເປັນ​ສິ່ງ​ທີ່​ດີ ແຕ່​ຖ້າ​ໝັ້ນ​ໃຈ​ຈົນ​ບໍ່​ສົນ​ໃຈ​ຫຍັງ​ກໍ​ຄົງ​ຈະ​ບໍ່​ດີ​ປານໃດ ບາງ​ຄົນ​ໝັ່ນໃຈ​ວ່າ​ຂ້ອຍ​ຫຸ່ນ​ດີ​ຫລາຍ​ ກໍ​ເລີຍ​ໃສ່​ເສື້ອ​ຫັດຮູບ ​ໂຊວ໌​​ເຕັມ​ທີ່ ທັງໆ ທີ່​ໃນ​ສາຍ​ຕາ​ຄົນ​ຮອບ​ຂ້າງ​ບໍ່​ມີ​ໃຜ​ຄິດ​ແບບ​ນັ້ນກັບເຈົ້າ​ເລີຍ ໝັ່ນໃຈ​ຕົວ​ເອງ​ຫລາຍ​ເກີນ​ໄປ​ແບບ​ນີ້​ແລ້ວ​ຈະ​ມາ​ໂທດ​ວ່າ​ຄົນ​ອື່ນ​ມັກ​ມາ​ຕິ​ເລື່ອງ​ການ​ແຕ່ງ​ຕົວ​ເຈົ້າ​ບໍ່​ໄດ້​ເດີ້

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...