spot_img
Homeຂ່າວຢາເສບຕິດເຈົ້າໜ້າທີ່ເມືອງວຽງທອງ ກັກຕົວຜູ້ຕ້ອງສົງໃສ ພ້ອມຂອງກາງຢາເສບຕິດ 3 ຖົງ

ເຈົ້າໜ້າທີ່ເມືອງວຽງທອງ ກັກຕົວຜູ້ຕ້ອງສົງໃສ ພ້ອມຂອງກາງຢາເສບຕິດ 3 ຖົງ

Published on

ອີງຕາມ ສະຖານີ-ວິທະຍຸ ເມືອງ ວຽງທອງ ລາຍງານໃນວັນທີ 24 ສິງຫາ 2023 ຜ່ານມາ, ເຈົ້າໜ້າທີ່ປະຈໍາຈຸດກວດກາ ບ້ານ ນາດີ​ ເມືອງວຽງທອງແຂວງບໍລິຄຳໄຊ ໄດ້ພົບເຫັນລົດເປົ້າໝາຍທີ່ຕ້ອງສົງໃສ (ປະເພດລົດຈັກ) ຂີ່ມາທາງບ້ານ ນາດີມຸ້ງໜ້າໄປທາງບ້ານ ທ່າສາລາ ເມືອງຄຳເກີດ ພໍມາຮອດຈຸດກວດກາເຈົ້າໜ້າທີ່ວິຊາສະເພາະຈີ່ງໄດ້ສະແດງຕົວລັດກວດກາລົດຄັນດັ່ງກ່າວ​ ຜ່ານການກວດຄົ້ນຈື່ງພົບເຫັນຂອງກາງຢາບ້າຈຳນວນ 03ຖົງ,​ ມີ 600 ເມັດ ທີ່ຊຸກເຊື່ອງໃນເບາະລົດຈັກຜູ້ກ່ຽວ.

ຫຼັງຈາກນັ້ນເຈົ້າໜ້າທີ່ວິຊາສະເພາະຈື່ງໄດ້ກັກຕົວ, ຜ່ານການສອບຖາມຈີ່ງຮູ້ວ່າເປົ້າໜາຍ ຊື່ທ້າວ ໃຢ ວ່າງ ອາຍຸ 31 ປີ ອາຊີບ ກຳມະກອນ ຢູ່ບ້ານ ໜອງປອງ ໜ່ວຍ 02 ເມືອງ ຄຳເກີດແຂວງ ບໍລິຄຳໄຊ ພ້ອມທັງກັກຕົວຜູ່ກ່ຽວ ຂື້ນມາ ປກສ ເມືອງວຽງທອງ ເພື່ອດຳເນີນການສືບສວນສອບສວນຂະຫຍາຍຫາກຸ່ມແກ້ງເປົ້າໝາຍ.

ໃນມື້ດຽວກັນນັ້ນເຈົ້າໜ້າທີ່ວິຊາສະເພາະ ປກສ ເມືອງ ວຽງທອງ, ໄດ້ສົມທົບກັບ ປກສ ກຸ່ມ ນາຊວງ, ໄອຍະການເຂດ 02 ປະຈຳເມືອງ ວຽງທອງ, ເຂົ້າມ້າງກຸ່ມເປົ້າໝາຍຄ້າ-ຂາຍຢາເສບຕິດ (ຢາບ້າ) ຢູ່ເຮືອນທ້າວ ເຢີວ່າງ ບ້ານ ຫີນໂງ່ນ ເມືອງວຽງທອງ ແຂວງບໍລິຄຳໄຊ ສາມາດຈັບຕົວເປົ້າໝາຍໄດ້03 ຄົນ, ຍິງ 01ຄົນຄື: ທ້າວ ເຢີ ວ່າງ (ຜົວ) ອາຍຸ 40 ປີ, ອາຊີບ ປະຊາຊົນ ບ້ານ ຫີນໂງ່ນ ໜ່ວຍ 06 ເມືອງ ວຽງທອງ ແຂວງ ບໍລິຄຳໄຊ, ນາງ ວື່ ຊົ່ງ (ເມຍ) ອາຍຸ 30 ປີ ອາຊີບ ປະຊາຊົນ ບ້ານ ຫີນໂງ່ນ ໜ່ວຍ 06 ເມືອງ ວຽງທອງ ແຂວງ ບໍລິຄຳໄຊ ແລະ ທ້າວ ອາລີ ວ່າງ (ລູກ) ອາຍຸ 17 ປີ ອາຊີບ ປະຊາຊົນ ບ້ານ ຫີນໂງ່ນ ໜ່ວຍ 06 ເມືອງ ວຽງທອງ ແຂວງ ບໍລິຄຳໄຊ ພ້ອມກວດຄົ້ນເຮືອນ ພົບເຫັນຂອງກາງຢາບ້າ ຈໍານວນ 2,265 ເມັດ, ປືນແຕ່ງ 02 ກະບອກ, ຈັກສະຕິນ 02 ເຄື່ອງ,ຈາກນັ້ນ ເຈົ້າໜ້າທີ່ວິຊາສະເພາະ ຈື່ງໄດ້ກັກຕົວພວກກ່ຽວທັງ 03 ມາ ປກສ ເມືອງ ເພື່ອດຳເນີນຄະດີຕາມລະບຽບກົດໝາຍ.

ບົດຄວາມຫຼ້າສຸດ

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...