spot_img
Homeຂ່າວອຸບັດຕິເຫດອຸບັດຕິເຫດ ຕຳຄົນເສຍຊີວິດ ແລ້ວເອົາຕົວຫຼົບໜີ

ອຸບັດຕິເຫດ ຕຳຄົນເສຍຊີວິດ ແລ້ວເອົາຕົວຫຼົບໜີ

Published on

ໃນຄັ້ງວັນທີ 21 ສິງຫາ 2023 ຜ່ານມາ, ເວລາ 11 ໂມງ 00 ນາທີ, ເຈົ້າໜ້າທີ່ຕຳຫຼວດຈະລາຈອນ ໄດ້ຮັບແຈ້ງຄວາມຈາກພົນລະເມືອງດີ ວ່າມີອຸບປະຕິເຫດ ລົດໃຫຍ່ຕຳລົດຈັກ ແລະ ມີຄົນເສຍຊີດວິດ ຄາທີ່ 01 ຄົນ ຢູ່ສະຖານທີ່ເກີດເຫດ, ເສັ້ນທາງເລກທີ 15A, ຂອບເຂດບ້ານໜອງໃສ, ເມືອງສາລະວັນ, ແຂວງສາລະວັນ, ເຊິ່່ງຫ່າງຈາກເທດສະບານແຂວງປະມານ 20 ກິໂລແມັດ.

ພາຍຫຼັງໄດ້ຮັບແຈ້ງເຫດ ທາງເຈົ້າໜ້າທີ່ຕຳຫຼວດຈະລາຈອນ ກໍໄດ້ຮີບດ່ວນລົງໄປກວດກາຊັນນະສູດວັດແທກສະຖານທີ່ເກີດເຫດ ເກັບກຳຂໍ້ມູນຫຼັກຖານເບື້ອງຕົ້ນ ຕາມຫຼັກການວິຊາສະເພາະ ພົບເຫັນຄົນເສຍຊີວິດຄາທີ່ 01 ຄົນ ພ້ອມລົດຈັກ 01 ຄັນ, ສີດຳແດງ, ຍີ່ຫໍ້ຮອນດ້າ, ໝາຍເລກທະບຽນ ຈຕ 1343 ເອກະຊົນລາວ ອອກຊື່ ທ້າວ ລາຍ, ອາຍຸ 33 ປີ, ອາຊີບປະຊາຊົນ, ບ້ານໜອງໂງ່ງ, ເມືອງວາປີ, ແຂວງສາລະວັນ, ສ່ວນລົດໃຫຍ່ (ຄູ່ກໍລະນີ) ແມ່ນໄດ້ຫຼົບໜີຈາກສະຖານທີ່ເກີດເຫດ.

ເມື່ອຊາບດັ່ງນັ້ນ, ທາງເຈົ້າໜ້າທີ່ຈຶ່ງໄດ້ຮີບຕິດຕາມ ແລະ ປະສານກັບພາກສ່ວນຕ່າງໆ ເພື່ອຊອກຫາລົດຕ້ອງສົງໃສດັ່ງກ່າວ ຈາກນັ້ນ ບໍ່ດົນໄດ້ຮັບແຈ້ງວ່າ ພົບລົດຕ້ອງສົງໃສ ເປັນປະເພດລົດບັນທຸກ ແລ່ນມາຈອດປະໄວ້ ຫ່າງຈາກສະຖານທີ່ເກີດເຫດ ປະມານ 10 ກິໂລແມັດ ສ່ວນຜູ້ຂັບຂີ່ແມ່ນ ບໍ່ພົບເຫັນ ໄດ້ເອົາຕົວຫຼົບໜີ.

ມາຮອດຕອນເຊົ້າຂອງວັນທີ 22 ສິງຫາ ທາງເຈົ້າໜ້າທີ່ວິຊາສະເພາະຂໍ້ມູນຮູ້ຂໍ້ມູນເບື້ອງຕົ້ນແລ້ວ ໄດ້ແຈ້ງແຕ່ລະພາກສ່ວນກ່ຽວຂ້ອງ ຈຶ່ງໄດ້ວ່າ ລົດບັນທຸກທີ່ເກີດອຸບປະຕິເຫດນັ້ນແມ່ນລົດ ຂອງບໍລິສັດ ໄຊຊະນະ ຄອນກີດ ເປັນລົດບັນທຸກ 10 ລໍ້, ຍີ່ຫໍ້ຮຸນໄດ, ສີຂາວ, ໝາຍເລກທະບຽນ ບຂ 4077 ທຸລະກິດ 1% ກຳແພງນະຄອນ ໂດຍບໍລິສັດດັ່ງກ່າວມີສາຂາ ຕັ້ງຢູ່ແຂວງຈຳປາສັກ ພາຍຫຼັງກວດຄົ້ນຂໍ້ມູນ ພົບວ່າຜູ້ຂັບຂີ່ລົດຄັນດັ່ງກ່າວນັ້ນ ຊື່ ທ້າວກົດ, ອາຍຸ 33 ປີ, ອາຊີບຂັບລົດ, ບ້ານຢູ່ລົມສັກເໜື, ເມືອງບາຈຽງ, ແຂວງຈຳປາສັກ.

ຈາກນັ້ນທາງເຈົ້າໜ້າທີ່ຕຳຫຼວດຈະລາຈອນ ປກສ ແຂວງສາລະວັນ ຈຶ່ງປະສານຫາ ເຈົ້າໜ້າທີ່ຕຳຫຼວດຈະລາຈອນ ປກສ ແຂວງຈຳປາສັກ ເພື່ອຕິດຕາມເປົ້າໝາຍຊ່ວຍ.
ຕົກມາຮອດ ເວລາ 15 ໂມງ 00 ນາທີ, ຂອງວັນທີ 22 ສິງຫາ 2023 ທາງເຈົ້າໜ້າທີ່ ຈຶ່ງສາມາດກັກຕົວຜູ້ກ່ຽວເອົາໄວ້ໄດ້ ຢູ່ພາຍໃນແຂວງຈຳປາສັກ ແລະ ຈາກນັ້ນຈຶ່ງໄດ້ປະສານງານ ນຳຕົວຜູ້ກ່ຽວມາດຳເນີນຄະດີຕາມລະບຽບກົດໝາຍ ຢູ່ທີ່ກອງບັນຊາການ ປກສ ແຂວງສາລະວັນ.

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...