Homeຂ່າວພາຍ​ໃນສາເຫດຂອງລົດທະຫານປີ້ນຢູ່ພູສາມສູມ ເມືອງໝອກ ແຂວງຊຽງຂວາງ

ສາເຫດຂອງລົດທະຫານປີ້ນຢູ່ພູສາມສູມ ເມືອງໝອກ ແຂວງຊຽງຂວາງ

Published on

ຕໍ່ກັບອຸບັດຕິເຫດລົດທະຫານແຂວງຊຽງຂວາງ ທີ່ຈະໄປສົ່ງນັກສຶກສາ ຢູ່ນະຄອນຫຼວງວຽງຈັນ ເສຍຫຼັກປີ້ນຂວ້ຳ ຢູ່ພູສາມສູມ ເມືອງໝອກ ແຂວງຊຽງຂວາງ ໃນວັນທີ 24 ສິງຫາ.

ໃນວັນທີ 25 ສິງຫາ 2023 ທ່ານ ພັທ ທອງພິມ ບຸນພາວົງ ຫົວໜ້າພະແນກຈະລາຈອນແຂວງຊຽງຂວາງ ໄດ້ລາຍງານຕໍ່ກັບສາເຫດທີ່ເກີດອຸບັດຕິເຫດ ພ້ອມລາຍງານສະພາບເສັ້ນທາງໃນແຂວງຊຽງຂວາງ ການນຳໃຊ້ລົດແມ່ນມີຄວາມຫຍຸ້ງຍາກ ແລະ ມີຈຸດໜຶ່ງທີ່ດິນເຈື່ອນຢູ່ ເສັ້ນທາງ 1D ເມືອງຄູນ-ເມືອງທ່າໂທມ ແຂວງຊຽງຂວາງ ເຮັດໃຫ້ລົດຕິດ ການໄປມາກໍຫຍຸ້ງຍາກ, ແຕ່ປັດຈຸບັນ ແມ່ນສາມາດໄປມາໄດ້ແລ້ວ.

ສ່ວນການເກີດອຸບັດຕິເຫດຂອງ ລົດກອງກຳລັງປ້ອງກັນຊາດ ປີ້ນຢູ່ລະຫວ່າງເສັ້ນທາງບ້ານນ້ຳເກັງ ເມືອງໝອກ ແຂວງຊຽງຂວາງ ແມ່ນລົດໄດ້ປີ້ນເອງ ເຊິ່ງລົດດັ່ງກ່າວເປັນລົດຮັບສົ່ງນັກສຶກສາທະຫານ 30 ກວ່າຄົນ ທີ່ຈະໄປຮຽນຕໍ່ຢູ່ນະຄອນຫຼວງວຽງຈັນ ພໍໄປຮອດເຂດພູສາມສູມ ບ້ານນ້ຳຈິງ ເມືອງໝອກ ລົດກໍໄດ້ປີ້ນ ຍ້ອນວ່າເປັນເສັ້ນທາງຄ້ອຍຊັນ, ທາງຄົດໂຄ້ງ, ສະພາບອາກາດມີຝົນຕົກ, ເຮັດໃຫ້ເສັ້ນທາງມື່ນ, ພາຫະນະມີການບັນທຸກເຄື່ອງ ແລະ ຈຳນວນພົນຫຼາຍພໍສົມຄວນ ເຊິ່ງເຫດການໃນຄັ້ງນີ້ ເຮັດໃຫ້ມີຜູ້ເສຍຊີວິດທັງໝົດ 2 ຄົນ ເຈັບສາຫັດ 1 ຄົນ ເຈັບພໍສົມຄວນ 3 ຄົນ ແລະ ຈຳນວນໜຶ່ງກໍເຈັບເລັກໜ້ອຍ, ປັດຈຸບັນ ຜູ້ບາດເຈັບທັງໝົດ 30 ກວ່າຄົນໄດ້ນຳສົ່ງເຖິງໂຮງໝໍເປັນທີ່ຮຽບຮ້ອຍ.

ທ້າຍນີ້ ຍັງຮຽກຮ້ອງໃຫ້ຜູ້ຂັບຂີ່ລະວັງ ເພາະໃນຊ່ວງໃນເປັນລະດູຝົນ ອາດກໍ່ໃຫ້ເກີດອຸບັດຕິເຫດໄດ້ງ່າຍ ແລະ ຄວນກວດກາລົດກ່ອນອອກເດີນທາງ.

ແຫຼ່ງຂ່າວ Lao National Radio

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...