spot_img
Homeຂ່າວພາຍ​ໃນພາສີ ປະຈຳແຂວງເຊກອງ ເກັບລາຍຮັບເຂົ້າງົບປະມານໄດ້ເກີນແຜນການ ໃນ 6 ເດືອນຕົ້ນປີ 2023

ພາສີ ປະຈຳແຂວງເຊກອງ ເກັບລາຍຮັບເຂົ້າງົບປະມານໄດ້ເກີນແຜນການ ໃນ 6 ເດືອນຕົ້ນປີ 2023

Published on

ພາສີ ປະຈຳແຂວງເຊກອງ ແມ່ນການຈັດຕັ້ງໜຶ່ງຂອງກົມພາສີ ກະຊວງການເງິນ, ທີ່ຂຶ້ນກັບການຄຸ້ມຄອງໂດຍກົງທາງດ້ານກົງຈັກການຈັດຕັ້ງ, ບຸກຄະລາກອນ, ວິຊາສະເພາະ-ວິຊາການ, ງົບປະມານ ແລະ ການຄຸ້ມຄອງຊັບສິນລວມສູນເປັນເອກະພາບໃນຂອບເຂດທົ່ວປະເທດ, ເຊິ່ງເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ໂດຍ ສະເພາະແມ່ນການຈັດຕັ້ງປະຕິບັດເກັບລາຍຮັບເຂົ້າງົບປະມານແຫ່ງລັດ.

ທ່ານ ແກ້ວອຳພອນ ແສງນວນຈັນ ຫົວໜ້າພາສີ ປະຈຳແຂວງເຊກອງ ໃຫ້ສຳພາດວ່າ: ພາສີ ປະຈຳແຂວງເຊກອງ, ຕາມພາລະບົດບາດ, ສິດ ແລະ ຂອບເຂດຄວາມຮັບຜິດຊອບ, ປະກອບມີ 1 ຂະແໜງ (ຂະແໜງສັງລວມ, ກວດກາ ແລະ ກວດສອບຄືນການແຈ້ງພາສີ) ມີ 1 ດ່ານພາສີສາກົນ ແລະ 3 ດ່ານພາສີປະເພນີ, ມີພະນັກງານ–ລັດຖະກອນທັງໝົດ 12 ທ່ານ, ຍິງ 1 ທ່ານ.

ໃນປີ 2023 ພາສີປະຈຳແຂວງໄດ້ຮັບຕົວເລກແຜນງົບປະມານແຫ່ງລັດຈໍານວນ 10 ຕື້ກີບ, ຕາມແຈ້ງການຂອງກະຊວງການເງິນ ສະບັບເລກທີ 4132/ກງ, ລົງວັນທີ 20 ທັນວາ 2022; ໂດຍຜ່ານການຈັດຕັ້ງປະຕິບັດຕາມແຜນການຈັດເກັບລາຍຮັບໃນ 06 ເດືອນຕົ້ນປີ 2023 ສາມາດຈັດຕັ້ງປະຕິບັດລາຍຮັບໄດ້ 6,07 ຕື້ກີບ, ເທົ່າກັບ 97,99% ຂອງແຜນການ 6 ເດືອນຕົ້ນປີ ແລະ ເທົ່າກັບ 60,75% ຂອງແຜນການປີ. ໃນນັ້ນ, ພາສີ ປະຈໍາແຂວງປະຕິບັດໄດ້ 172 ລ້ານກີບ, ເທົ່າກັບ 27,84% ຂອງແຜນການ 6 ເດືອນຕົ້ນປີ ແລະ ເທົ່າກັບ 17,26% ຂອງແຜນການປີ; ດ່ານພາສີສາກົນດາກຕະອອກປະຕິບັດໄດ້ 5,9 ຕື້ກີບ, ເທົ່າກັບ 105,78% ຂອງແຜນການ 6 ເດືອນຕົ້ນປີ ແລະ ເທົ່າກັບ 65,59% ຂອງແຜນການປີ.

ຄຽງຄູ່ກັນນີ້, ຍັງພ້ອມກັນສຸມໃສ່ບັນດາມາດຕະການ, ວຽກຈຸດສຸມໃນ 06 ເດືອນທ້າຍປີ ແລະ ປະສານສົມທົບກັບຂະແໜງການທີ່ກ່ຽວຂ້ອງ…ໂດຍປະສານສົມທົບກັບພາສີປະຈຳຈຸດປະສານງານຫ້ວຍຂຽວ ໃນການສະກັດກັັ້ນ ການລັກລອບໜີພາສີທັງໃນດ່ານ ແລະ ນອກດ່ານຢ່າງເຂັ້ມງວດ; ຕິດຕາມ, ກວດກາການເຄື່ອນຍ້າຍສິນຄ້າເຄື່ອງຂອງພາຍໃນ, ຕິດຕາມການເຄື່ອນຍ້າຍນໍ້າມັນເຊື້ອໄຟທີເຄື່ອນຍ້າຍມາຈາກຕ່າງແຂວງ ຫຼື ເຄື່ອນຍ້າຍແຕ່ແຂວງເຊກອງໄປຫາຫາແຂວງອື່ນໆ.

ແຫຼ່ງຂ່າວ: ກະຊວງການເງິນ

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...