ທາງການປະເທດເລບານອນ ຄວບຄຸມຕົວຍິງຕ້ອງສົງໄສ ອາດເປັນເມຍຂອງຜູ້ນຳກຸ່ມລັດອິດສະລາມ ພ້ອມດ້ວຍ
ລູກຊາຍ.
ສຳນັກຂ່າວຕ່າງປະເທດລາຍງານ ໃນວັນທີ 2 ທັນວາຜ່ານມານີ້ວ່າ ທາງການເລບານອນ ໄດ້ຄວບຄຸມຕົວຜູ້ທີ່ຄາດ
ວ່າເປັນເມຍ ແລະ ລູກຊາຍຂອງຜູ້ນຳກຸ່ມລັດອິດສະລາມ ຫລື ໄອເອັສ (IS) ໂດຍເຈົ້າໜ້າທີ່ທະຫານຂອງເລບານອນ
ໄດ້ກ່າວວ່າ ທັງ 2 ຄົນໄດ້ຖືກຄວບຄຸມຕົວ ໃນຂະນະທີ່ຖືບັດປະຈຳໂຕຜ່ານດ່ານກວດຄົນເຂົ້າເມືອງຂອງເລບານອນ
ແລະ ຊີເຣຍ ເຊິ່ງລ່າສຸດ ເຈົ້າໜ້າທີ່ຕຳຫລວດຂອງເລບານອນ ກຳລັງດຳເນີນການສືບສວນຍິງຄົນດັ່ງກ່າວ ໂດຍໃນ
ຂະນະດຽວກັນນັ້ນ ເຈົ້າໜ້າທີ່ກໍບໍ່ໄດ້ເປີດເຜີຍລາຍລະອຽດໃດໆກ່ຽວກັບເດັກນ້ອຍທີ່ຖືກຄວບຄຸມຕົວມາພ້ອມກັນ.