ພົບສົບຜູ້ເສຍຊີວິດແລ້ວ! ປະຈຸບັນ ແມ່ນພົບຜູ້ສູນຫາຍ ຊື່ ທ. ເດື່ອງ ກົງລ໋ອງ ໂຊເຟີບໍລິສັດແຮງເຊີນ ສສ ຫວຽດນາມແລ້ວ ເນື່ອງຈາກວ່າໃນປະຈຸບັນກົນຈັກໜັກເຂົ້າເຖິງພື້ນທີ່ເກີດເຫດ.

ຕາມງານລາຍງານຂອງ ຫ້ອງການ ຖວທ ເມືອງຄູນຄຳ ໃຫ້ຮູ້ວ່າ ໃນຕອນເຊົ້າມື້ນີ້ 14/8/2023 ໄດ້ພົບຜູ້ສູນຫາຍ ຕັ້ງແຕ່ແຕ່ວັນທີ 3/8/2023,​ ເຊິ່ງທາງການນຳຂັ້ນແຂວງ – ການນໍາຂັ້ນເມືອງ ພະນັກງານ, ທະຫານ – ຕໍາຫລວດ, ອາສາສະໝັກ ແລະບັນດາບໍລິສັດພາຍໃນເມືອງຄູນຄຳ ແຂວງຄໍາມ່ວນ ກຳລັງປະຕິບັດການຊ່ວຍເຫຼືອຜູ້ປະສົບໄພນ້ຳຖ້ວມ ແລະ ຊອກຫາຜູ້ສູນຫາຍ ຈາກເຫດການດິນເຈື່ອນຖັບຖົມທາງ ຢູ່ເມືອງຄູນຄໍາ ເຊິ່ງຂໍ້ມູນຜູ້ສູນຫາຍແມ່ນ ຊື່ ທ້າວ ເດື່ອງ ກ໋ອງ ລ໋ອງ ພະນັກງານຂັບລົດ ຂອງບໍລິສັດແຫ່ງໜຶ່ງ ຈາກ ສສ ຫວຽດນາມ.