ກົມການຈັດຫາງານ ຂອງກະຊວງແຮງງານ ແລະ ສະຫວັດດີການສັງຄົມ ໄດ້ປ່ຽນເກັບຄ່າທຳນຽມລົງທະບຽນສອບເສັງພາສາເກົາຫຼີ ສຳລັບຜູ້ເຄີຍໄປເຮັດວຽກຢູ່ ສ. ເກົາຫຼີ ຈາກສະກຸນເງິນໂດລາມາເປັນສະກຸນເງິນກີບ ພາຍຫຼັງມີຫາງສຽງຈາກສັງຄົມອອນລາຍຈຳນວນຫຼາຍ.
ໃນວັນທີ 12 ກໍລະກົດ 2023 ທີ່ຜ່ານມາ ກົມການຈັດຫາງານ ໄດ້ປະກາດກ່ຽວກັບ ການຮັບສະໝັກສອງເສັງຮອບພິເສດສຳລັບຜູ້ທີ່ເຄີຍໄປເຮັດວຽກຢຸ່ທີ່ ສ. ເກົາຫຼີ ເຊິ່ງໃນແຈ້ງການນັ້ນທາງກົມກໍໄດ້ສະແດງຄ່າທຳນຽມເປັນເງິນຕາຕ່າງປະເທດຈຳນວນ 28 ໂດລາສະຫະລັດ ແລະ ຍັງລະບຸຕື່ມອີກວ່າຮັບເປັນເງິນສົດ ບໍ່ຮັບເງິນໂອນ.
ຈາກການປະກາດດັ່ງກ່າວເຮັດໃຫ້ ປະຊາຊົນ ແລະ ສັງຄົມອອນລາຍຕ່າງມີຫາງສຽງວິພາກວິຈານ ເນື່ອງຈາກປະເທດລາວຍັງປະເຊີນກັບພາວະເງິນເຟີ້ ແລະ ນຳໃຊ້ມາດຕະການຕ່າງໆເຊັ່ນ ໃຫ້ຂຶ້ນປ້າຍລາຄາສິນຄ້າ ແລະ ຊຳລະເປັນເງິນກີບເທົ່ານັ້ນ, ແຕ່ກົງກັນຂ້າມທາງກົມການຈັດຫາງານ ໄດ້ປະກາດເກັບຄ່າທຳນຽມເປັນເງິນຕາ ເຊິ່ງຂັດກັບມາດຕະການທີ່ລັດຖະບານວາງອອກ ຈຶ່ງເຮັດໃຫ້ປະຊາຊົນບໍ່ພໍໃຈ.
ພໍຕົກມາວັນທີ 12 ກໍລະກົດ ທາງດ້ານກົມການຈັດຫາງານ ກໍໄດ້ມາຊີ້ແຈງຕໍ່ເຫດການດັ່ງກ່າວ ໂດຍລະບຸດັ່ງລຸ່ມນີ້:
