ອີງຕາມເພຈພັກລວມໄທສ້າງຊາດ ລາຍງານໃນວັນທີ 11 ກໍລະກົດ 2023 ຜ່ານມາ, ທ່ານ ພົນເອກ ປະຢຸດ ຈັນໂອຊາ ປະກາດວາງມືຈາກກິດຈະກຳທາງການເມືອງທັງໝົດ ແລະ ຂໍລາອອກຈາກາກນເປັນສະມາຊິກພັກລວມໄທສ້າງຊາດ.

ທ່ານ ພົນເອກ ປະຢຸດ ຈັນໂອຊາ ເຂົ້າສູ່ວົງການທາງການເມືອງຈາກາກນຍຶດອຳນາດລັດຖະບານ ຂອງ ທ່ານນາງ ຍິ່ງລັກ ຊິນນະວັດ ເມື່ອວັນທີ 22 ພຶດສະພາ 2014 ແລະ ເປັນຜູ້ນຳປະເທດດ້ວຍອຳນາດພະເດັດການທະຫານ ຍາວນານ 5 ປີກ່ອນໄດ້ຮັບເລືອກໃຫ້ເປັນນາຍົກລັດຖະມົນຕີ ຫຼັງການເລືອກຕັ້ງເມື່ອປີ 2019.

“ຈາກ​ນີ້​ໄປ, ຂ້າພະ​ເຈົ້າຂໍ​ປະກາດ​ວາງ​ຈາກ​ການ​ເມືອງ. ໂດຍ​ການລາ​ອອກ​ຈາກ​ສະມາຊິກພັກ​ລວມໄມສ້າງຊາດ ແລະ ຂໍໃຫ້ຜູ້ນຳພັກ​ ກຳມະການບໍລິຫານ ​ແລະ ສະມາຊິກ​ພັກ​ດຳເນີນການ​ເຄື່ອນ​ໄຫວ​ທາງ​ການ​ເມືອງ ດ້ວຍອຸດົມການທີ່ເຂັ້ມແຂງ ປົກ​ປັກ​ຮັກ​ສາ​ສະ​ຖາ​ບັນ​ຂອງ​ປະ​ເທດ​ຊາດ​, ສາ​ສະ​ຫນາ​, ແລະ​ປະ​ຊາ​ຊົນ​ ແລະ​ສືບ​ຕໍ່​ເບິ່ງ​ແຍງ​ປະ​ຊາ​ຊົນ​ໄທ ແລະ ຂໍໃຫ້ພີ່ຍນ້ອງປະຊາຊົນ ໄວ້​ເນື້ອ​ເຊື່ອ​ໃຈ​ແລະ ​ສະ​ຫນັບ​ສະ​ຫນູນ​ການ​ເຮັດ​ວຽກ​ຂອງ​ພັກລວມໄທສ້າງຊາດດ້ວຍ”