Homeຂ່າວພາຍ​ໃນຈັບຜູ້ກໍ່ເຫດລັກສາຍໄຟ-ໝໍ້ແປງໄຟຟ້າ ມູນຄ່າ 45 ລ້ານກີບ

ຈັບຜູ້ກໍ່ເຫດລັກສາຍໄຟ-ໝໍ້ແປງໄຟຟ້າ ມູນຄ່າ 45 ລ້ານກີບ

Published on

ວັນທີ 6 ກໍລະກົດ 2023 ນີ້ເຈົ້າໜ້າທີ່ປ້ອງກັນຄວາມສະຫງົບ ແຂວງອຸດົມໄຊ ລາຍງານວ່າ: ໄດ້ນໍາຕົວເປົ້າໝາຍທີ່ເຄື່ອນໄຫວກໍ່ເຫດລັກຊັບ (ສາຍໄຟ, ໝໍ້ແປງໄຟຟ້າ) ທົດສະກໍາຄືນເຫດການລັກຊັບ ເພື່ອທໍາແຜນປະກອບຄໍາສາລະພາບ ໂດຍມີເຈົ້າໜ້າທີ່ວິຊາສະເພາະ ປກສ ແຂວງພ້ອມດ້ວຍພະນັກງານຈາກລັດວິສາຫະກິດໄຟຟ້າ ປະຈໍາແຂວງອຸດົມໄຊເຂົ້າຮ່ວມ.

ເຊິ່ງມີ (ສາຍໄຟ ໝໍ້ແປງໄຟຟ້າ) ເສຍຫາຍຈໍານວນ 4 ຈຸດຄື: ຈຸດ 4 ແຍກໂຮງພິມ ບ້ານປ່າສັກ, ຈຸດເສັ້ນທາງເຂດບ້ານພູຂຽວ ແລະ ຈຸດເສັ້ນທາງບ້ານນາເລົາເມືອງໄຊ ແຂວງອຸດົມໄຊ ອີກ 2 ຈຸດ. ໃນນີ້ມີສາຍໄຟຟ້າປະເພດກາບທອງ ຂະໜາດ 4×50 ຈໍານວນ 16 ແມັດ ແລະ ຂະໜາດ 4×35 ຈໍານວນ 23 ແມັດ ລວມມູນຄ່າເສຍຫາຍທັງໝົດ 45.641.874 ກີບ.

ພັຕ ບຸນເມກ ສຸດາຈັນ ຫົວໜ້າພະແນກຕໍາຫຼວດ ສືບສວນ-ສອບສວນ ປກສ ແຂວງອຸດົມໄຊໄດ້ໃຫ້ຮູ້ວ່າ: ໃນເວລາປະມານ 3 ໂມງເຊົ້າ ຂອງວັນທີ 25 ກຸມພາ 2023 ໄດ້ມີຄົນຮ້າຍເຄື່ອນໄຫວລັກຕັດເອົາສາຍໄຟຢູ່ໝໍ້ແປງໄຟຟ້າເຂດເທດສະບານເມືອງໄຊ, ພາຍຫຼັງຮັບແຈ້ງເຫດການຈາກພົນລະເມືອງດີ ດັ່ງນັ້ນຄະນະບັນຊາຫ້ອງຕໍາຫຼວດ ປກສ ແຂວງຈຶ່ງໄດ້ແຕ່ງຕັ້ງພະນັກງານວິຊາສະເພາະສົມທົບກັບພາກສ່ວນກ່ຽວຂ້ອງລົງກວດກາສະຖານທີ່ເກີດເຫດເຫັນວ່າມີມູນຄວາມຈິງແທ້, ຈາກການເກັບກໍາຂໍ້ມູນຫຼັກຖານ ແລະ ສືບຫາເປົ້າໝາຍທີລົງມືກໍ່ເຫດ.

ມາໃນວັນທີ 26 ກຸມພາ 2023 ສາມາດກັກຕົວຜູ້ກະທໍາຜິດໄດ້ 2 ຄົນ ຊື່ທ້າວ ຈູຊົງ ອາຍຸ 30 ປີ ອາຊີບວ່າງງານ, ຢູ່ໜ່ວຍ 17 ບ້ານດອນໄຊ ເມືອງໄຊ ແລະ ກັັກຕົວ ທ້າວ ວົງວິໄລ ຫຼື ໂຕ້ ອາຍຸ 27 ປີ ອາຊີບວ່າງງານ ຢູ່ໜ່ວຍ 02 ບ້ານນາເລົາ ເມືອງໄຊ ແຂວງອຸດົມໄຊ ໃນຂໍ້ຫາລັກຊັບຕາມປະມວນກົດໝາຍອາຍາ ມາດຕາ 231 ວັກ 1.

ຜ່ານການສືບສວນ-ສອບສວນ ທ້າວຈູຊົງ ຜູ້ກະທໍາຜິດໄດ້ຮັບສາລະພາບຕໍ່ເຈົ້າໜ້າທີ່ວ່າ: ໄລຍະຜ່ານມາແມ່ນໄດ້ເຄື່ອນໄຫວລັກຊັບຄື: ກໍລະນີດັ່ງກ່າວມາແລ້ວ 3 ຄັ້ງ, ຮ່ວມສົມຮູ້ຮ່ວມຄິດກັບ ທ້າວ ວົງວິໄລ ຫຼື ໂຕ້ ຈໍານວນ 1 ຄັ້ງ, ເມື່ອລັກໄດ້ແລ້ວ ຕົນໄດ້ປອກເອົາຢາງຫຸ້ມອອກແລ້ວເອົາໄປຂາຍໃຫ້ຄົນບໍ່ຮູ້ຊື່ ຢູ່ເຂດບ້ານຖິ່ນ ເມືອງໄຊ ໃນກິໂລລະ 70.000 ກີບ, ເງິນທີ່ໄດ້ຈາກການຂາຍຊັບໄດ້ໄປໃຊ້ຈ່າຍຫຼິ້ນກິນຟຸມເຟືອຍ ແລະ ຄັ້ງທີ 04 ເວລາ 3 ໂມງເຊົ້າຂອງວັນທີ 25 ກຸມພາ 2023 ຕົນໄດ້ຂັບຂີ່ລົດຈັກອອກຈາກຖຽງນາເຂດບ້ານຖິ່ນ ເມືອງໄຊ ບ່ອນທີ່ຕົນພັກເຊົາຢູ່ ຈຸດປະສົງແມ່ນໄປຊອກລັກຊັບ (ປະເພດສາຍໄຟ) ພໍຮອດຈຸດ 4 ແຍກໂຮງພິມ ບ້ານປ່າສັກ ຈິ່ງຈອດລົກຈັກໄວ້ແຄມທາງ ແລ້ວລົງມືກໍ່ເຫດ.

ການລັກຊັບແຕ່ລະຄັ້ງແມ່ນໃຊ້ໄມ້ປ່ອງຂະໜາດຍາວປະມານ 20 ຊັງຕີແມັດ ຊຸບໃສ່ຮູຫຼັກເສົາ ແລ້ວປີນຂຶ້ນໄປເທິງໝໍ້ແປງໄຟຟ້າແລ້ວໃຊ້ ຄີມຕັດເຫຼັກຂະໜາດຍາວ 40 ຊັງຕີແມັດ ທີ່ກຽມມາຕັດສາຍກາບທອງ ຈິ່ງຖືກໄຟຟ້າຊັອດຕົກລົງໃສ່ເຮືອນຂອງປະຊາຊົນ ຈິ່ງຖືກເຈົ້າໜ້າທີ່ກັກຕົວດໍາເນີນຄະດີຕາມລະບຽບກົດໝາຍ.

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...