Homeຂ່າວຕ່າງປະເທດແມ່ຕູ້ອາຍຸ 64 ປີ ສູ້ກັບໝີເພື່ອຊ່ວຍໝາ ຕົນເອງໄດ້ຮັບບາດເຈັບເລັກໜ້ອຍ

ແມ່ຕູ້ອາຍຸ 64 ປີ ສູ້ກັບໝີເພື່ອຊ່ວຍໝາ ຕົນເອງໄດ້ຮັບບາດເຈັບເລັກໜ້ອຍ

Published on

ແມ່ຕູ້ອາຍຸ 64 ປີ ຕໍ່ສູ້ກັບໝີດຳດ້ວຍການເອົາມືສົກ ເພື່ອຫວັງຊ່ວຍໝາຂອງຕົນເອງ.

ເລື່ອງຂອງ ລິນ ເຄລລີ່ (Lynn Kelly) ແມ່ຕູ້ອາຍຸ 64 ປີ ອາໄສຢູ່ລັດເມນ ສະຫະລັດອາເມຣິກາ ໄດ້ກາຍເປັນຂ່າວດັງໄປທົ່ວໂລກ ເພາະວ່າລາວໄດ້ສູ້ກັບໝີດຳດ້ວຍມື ແລະ ໄດ້ຮັບບາດເຈັບພຽງເລັກໜ້ອຍ.

ໃນຂະນະທີ່ລາວກຳລັງເຮັດວຽກຢູ່ສວນຫຼັງບ້ານ ຢູ່ດີໆໝາຂອງລາວກໍເລີ່ມເຫົ່າ ແລະ ແລ່ນເຂົ້າໄປໃນປ່າ ຫຼັງຈາກນັ້ນໄດ້ບໍ່ດົນ ໝາກໍແລ່ນອອກມາຈາກປ່າໂດຍມີ ໝີດຳ ແລ່ນໄລ່ຕາມມາ.

ເຄລລີ່ ໄດ້ເລົ່າວ່າ: “ໝີເບິ່ງມາຫາຂ້ອຍ ແລະ ຂ້ອຍກໍເບິ່ງໝີ ຂ້ອຍຄິດວ່າເຮົາຕ່າງຢ້ານກັນ”.

ເມື່ອໝີລຸກຂຶ້ນ ແມ່ຕູ້ຄົນນີ້ຈຶ່ງພະຍາຍາມຢືນໃຫ້ສູງເທົ່າທີ່ຈະເຮັດໃຫ້ ເຊິ່ງໂຕໝີກໍສູງກວ່າລາວ 30 ຊັງຕີແມັດ ໂດຍເຄລລີ່ບອກວ່າ ທີ່ຕົນເອງຕ້ອງສູ້ ແລະ ບໍ່ແລ່ນໜີ ເພາະຄິດວ່າເຮັດຈັງໃດໝີກໍໄລ່ຕາມມາຄືເກົ່າ.

ໃນຂະນະນັ້ນ ເຄລລີ່ ໄດ້ໃຊ້ມືສົກໄປທີ່ດັງຂອງໝີ ແລະ ໝີກໍກັດມືເບື້ອງຂວາຂອງລາວ ຈາກນັ້ນກໍປ່ອຍມື ແລະ ຟ້າວແລ່ນກັບເຂົ້າໄປໃນປ່າ ໂດຍທີ່ໝາຂອງລາວບໍ່ໄດ້ຮັບອັນຕະລາຍ ສ່ວນເຄລລີ່ຖືກນຳສົ່ງເຂົ້າໂຮງໝໍເພື່ອຮັກສາ ແລະ ສາມາດກັບບ້ານໄດ້.

ທາງເຈົ້າໜ້າທີ່ດ້ານສັດປ່າ ເປີດເຜີຍວ່າ: ກ່ອນໜ້ານີ້ບໍ່ເຄີຍພົບໝີ ຫຼັງຈາກທີ່ເກີດເຫດກັບເຄລລີ່ ກໍບໍ່ມີໃຜພົບໝີໂຕນັ້ນອີກເລີຍ ທັ້ງນີ້ໜ່ວຍງານທີ່ກ່ຽວຂ້ອງກໍວາງກັບດັກໄວ້ເພື່ອພະຍາຍາມຈັບໝີດັ່ງກ່າວ.

ແຫຼ່ງຂ່າວ cbsnews

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...