spot_img
Homeຂ່າວພາຍ​ໃນເຊັນສັນຍາເຊົ່າດິນປະຊາຊົນ 150 ເຮັກຕາ ປູກຖົ່ວເຫຼືອງຟັກສົດຢູ່ແຂວງໄຊຍະບູລີ

ເຊັນສັນຍາເຊົ່າດິນປະຊາຊົນ 150 ເຮັກຕາ ປູກຖົ່ວເຫຼືອງຟັກສົດຢູ່ແຂວງໄຊຍະບູລີ

Published on

ລັດຖະບານລາວ ຮ່ວມມືກັບບໍລິສັດຈາກ ສປ ຈີນ ເຊັນສັນຍາເຊົ່າດິນນາຂອງປະຊາຊົນ ເພື່ອເຮັດໂຄງການປູກຖົ່ວເຫຼືອງຟັກສົດ ສົ່ງອອກໄປ ສປ ຈີນ.

ວັນທີ 9 ພຶດສະພາ 2023, ຫ້ອງວ່າການເມືອງ ເມືອງເງິນ ແຂວງໄຊຍະບູລີ ຈັດພິທີເຊັນສັນຍາໂຄງການປູກຖົ່ວເຫຼືອງຝັກສົດລະດູແລ້ງ ໃນຮູບແບບເຊົ່າດິນນາຂອງປະຊາຊົນ ເພື່ອເປັນສິນຄ້າສົ່ງອອກໄປ ສປ ຈີນ ລະຫວ່າງ ອົງການປົກຄອງເມືອງເງິນ ຕາງໜ້າໂດຍ ຫ້ອງການແຜນການ ແລະ ການລົງທຶນກັບ ບໍລິສັດ ຈູນລຽນໄຊນາ-ລາວ ຈຳກັດ; ມີ ທ່ານ ທອງພັນ ສຸກສະຫວັດ ຮອງເຈົ້າເມືອງໆເງິນ ຜູ້ຊີ້ນຳວຽກງານຂົງເຂດເສດຖະກິດຂັ້ນເມືອງ, ມີບັນດາຫົວໜ້າ-ຮອງຫົວໜ້າຫ້ອງການບັນດາຂະແໜງການທີ່ກ່ຽວຂ້ອງຂອງເມືອງ, ນາຍບ້ານເທດສະບານເມືອງ ແລະ ຕາງໜ້າ ບໍລິສັດ ຈູນລຽນໄຊນາ-ລາວ ຈຳກັດ ເຂົ້າຮ່ວມ.

ທ່ານ ປິ່ນແກ້ວ ປ້ອງຄຳ ຫົວໜ້າຫ້ອງການແຜນການ ແລະ ການລົງທຶນເມືອງ ໄດ້ກ່າວຈຸດປະສົງ ແລະ ຜ່ານຂໍ້ຕົກລົງຂອງ ທ່ານເຈົ້າເມືອງໆເງິນ ສະບັບເລກທີ 188/ຈມ,ມງ ລົງວັນທີ 9 ພຶດສະພາ 2023 ວ່າດ້ວຍ ການອະນຸຍາດໃຫ້ ບໍລິສັດ ຈູນລຽນໄຊນາ-ລາວ ຈຳກັດ ປູກຖົ່ວເຫຼືອງຝັກສົດລະດູແລ້ງ ໃນທ້າຍປີ 2023 ຫາຕົ້ນປີ 2024 ໃນຮູບແບບເຊົ່າດິນນາຂອງປະຊາຊົນ ເພື່ອເປັນສິນຄ້າສົ່ງອອກໄປ ສປ ຈີນ.

ພ້ອມນັ້ນ, ກໍໄດ້ຮ່ວມກັນຄົ້ນຄວ້າປຶກສາຫາລືປະກອບຄຳຄິດເຫັນໃສ່ຮ່າງສັນຍາ ໃນການສຳປະທານເຊົ່າເນື້ອທີ່ນາຂອງປະຊາຊົນ ຢູ່ໃນ 7 ບ້ານເທດສະບານເມືອງ ເນື້ອທີ່ທັງໝົດ 150 ເຮັກຕາ ມູນຄ່າການລົງທຶນທັງໝົດ 2.562.000 ໂດລາສະຫະລັດ, ເຊິ່ງຢູ່ໃນກໍານົດເວລາ 6 ເດືອນ (ນັບແຕ່ເດືອນຕຸລາ 2023 ຫາເດືອນ ມີນາ 2024).

ຈາກນັ້ນ, ທ່ານ ປິ່ນແກ້ວ ປ້ອງຄຳ ຫົວໜ້າຫ້ອງການແຜນການ ແລະ ການລົງທຶນ ຕາງໜ້າອົງການປົກຄອງເມືອງເງິນ ແລະ ທ່ານ ກິວຊີຈູນ ປະທານບໍລິສັດ ຈູນລຽນໄຊນາ-ລາວ ຈຳກັດ ກໍໄດ້ຮ່ວມກັນເຊັນສັນຍາໂຄງການປູກຖົ່ວເຫຼືອງຝັກສົດລະດູແລ້ງ ໃນຮູບແບບເຊົ່າດິນນາຂອງປະຊາຊົນ ເພື່ອເປັນສິນຄ້າສົ່ງອອກໄປ ສປ ຈີນ ຢ່າງເປັນທາງການໂດຍຊ່ອງໜ້າ ທ່ານ ທອງພັນ ສຸກສະຫວັດ ຮອງເຈົ້າເມືອງໆເງິນ ຜູ້ຊີ້ນຳວຽກງານຂົງເຂດເສດຖະກິດຂັ້ນເມືອງ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມເປັນສັກຂີພະຍານ.

ແຫຼ່ງຂ່າວຈາກ ຄວາມສະຫງົບ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...