ແຕ່ງໜ້າແບບໃດບໍ່ຄວນເຮັດ ສາວໆທີ່ແຕ່ງໜ້າຢູ່ທຸກມື້ຮູ້ ຫລື ບໍ່ວ່າ ການແຕ່ງໜ້າແບບໃດທີ່ບໍ່ຄວນເຮັດ ຖ້າຍັງບໍ່ຮູ້ມາເບິ່ງກັນເພື່ອບໍ່ໃຫ້ພາດໃນການແຕ່ໜ້າ
- ໃຊ້ຮອງພື້ນຜິດເບີ ຈື່ໄວ້ວ່າສາວໆ ບໍ່ແມ່ນທຸກຄົນຈະໃຊ້ຮອງພື້ນອັນດຽວສີດຽວກັນໄດ້ ຊຶ່ງການເລືອກຮອງພື້ນຜິດເບີຈະເຮັດໃຫ້ໜ້າເບິ່ງຟູ ແລະ ຕັດກັນກັບສີຜິວ ຊຶ່ງສາມາດເຫັນໄດ້ຊັດເຈນ ລະວັງຈະເປັນຈູອອນ
- ແຕ້ມສະໂມກກີ້ອາຍຜິດວິທີ ການຂຽນຕາແບບສະໂມກກີ້ອາຍ ອາດເຮັດໃຫ້ຕາຂອງສາວໆ ເບິ່ງໜ້າຢ້ານໄດ້ເມື່ອເຮົາແຕ່ງຜິດວິທີເຊັ່ນ ເຮັດອາຍແຊໂດຈົນຕາດຳ ແທນທີ່ຈະງາມອາດກັບກາຍເປັນວ່າເບິ່ງເກີນໄປ
- ປັດແກ້ມຫລາຍເກີນໄປ ການປັດແກ້ມຈະຊ່ວຍເຕີມເຕັມໃຫ້ໃບໜ້າເບິ່ງງາມຂຶ້ນໄດ້ ແຕ່ຖ້າເລືອກຜິດສີໄປ ຫລື ລົງສີຫລາຍເກີນໄປ ລະວັງຈະເປັນຕົວຕະຫລົກໄດ້ເດີ້ ເພາະແກ້ມມັນຈະຟູເດັ່ນມາແຕ່ໄກ ເບິ່ງແລ້ວບໍ່ງາມເລີຍ
- ທາລິບສະຕິກສີຄ້ຳ ສາວໆບໍ່ຄວນທາລິບສະຕິກສີຄ້ຳໂດຍເດັດຂາດ ເພາະຈະເຮັດໃຫ້ເຈົ້າເບິ່ງໂຫດຮ້າຍ ແລະ ຍິ່ງຖ້າສາວຄົນໃດມີຜິວສີຊີດໆຍິ່ງໜັກເຂົ້າໄປໃຫຍ່ເລີຍ ເພາະຄົນອື່ນອາດຈະຄິດວ່າເຮົາເປັນຜີດິບ ຫລື ຊອມບີ້ໄດ້
- ເຕີມແປ້ງຕະຫລອດ ຖືເປັນຄວາມຜິດພາດຫລາຍ ສຳລັບສາວໜ້າມັນທັງຫລາຍ ເພາະການເຕີມແປ້ງເລື້ອຍໆ ໃນຂະນະທີ່ໜ້າມັນໆ ຈະເຮັດໃຫ້ໜ້າເລະໄດ້ ເພາະຄາບມັນເທິງໃບໜ້າຈະປາກົດໃຫ້ເຫັນຊັດເຈນຫລາຍຂຶ້ນ ທາງແກ້ກໍຄືຄວນໃຊ້ເຈ້ຍຊັບຄວາມມັນເທິງໃບໜ້າອອກໄປດີກວ່າ ເພາະນອກຈາກຈະຊ່ວຍກຳຈັດຄວາມມັນສ່ວນເກີນໄດ້ແລ້ວ ຍັງບໍ່ເຮັດໃຫ້ເຄື່ອງສຳອາງຫລຸດອີກດ້ວຍ
ແຕ່ງໜ້າບໍ່ສົມໄວ ເມື່ອອາຍຸຫລາຍຂຶ້ນ ສະໄຕການແຕ່ງຕົວ ແຕ່ງໜ້າກໍຕ້ອງປ່ຽນແປງຕາມໄປນຳ ເພາະໃນຂະນະທີ່ເຮົາອາຍຸປະມານຫລັກ 40-50 ປີແລ້ວ ແຕ່ຍັງຄົງແຕ່ງໜ້າຄືເດັກອາຍຸ 20 ກໍຄົງຈະເບິ່ງບໍ່ເໝາະ ຫລື ສາວໆ ບາງຄົນແຕ່ງໜ້າເຂັ້ມຈັດເກີນໄປກໍອາດເຮັດໃຫ້ເບິ່ງແກ່ກວ່າໄວໄດ້ຄືກັນ