ອີງຕາມ ໂທລະພາບແຂວງໄຊ ສົມບູນລາຍງານໃນວັນທີ 17 ເມສາ 2023 ຜ່ານມາໃຫ້ຮູ້ວ່າ: ກອງບັນຊາການ ປກສ ແຂວງ ໄຊສົມບູນ ທໍາລາຍອາວຸດລ່າເນື້ອ ແລະ ເຄື່ອງທີ່ຜິດກົດຫມາຍ ໂດຍການເປັນປະທານ ພອຍຄໍາ ຮຸ່ງບຸນ ຍວງ ເລຂາພັກແຂວງ ເຈົ້າແຂວງໄຊສົມບູນ, ທ່ານ ພັທ ອຸ ໄດ ອິນສຸວັນ ຮອງກອງບັນຊາການ ປກສ ແຂວງໄຊ ສົມບູນ.

ທ່ານ ພັທ ອຸໄດ ອິນສຸວັນ ຮອງກອງບັນຊາການ ປກສ ແຂວງໄຊສົມບູນ ຜ່ານບົດສະຫລຸບການຈັດຕັ້ງປະຕິບັດ ວິຊາສະເພາະ ໄລຍະທີ່ຜ່ານມາ, ຄະນະພັກ-ຄະນະບັນຊາ ປກສ ແຂວງໄດ້ເອົາໃຈໃສ່ ຊີ້ນໍານໍາພາ ແລະ ໄດ້ມອບໃຫ້ ຫ້ອງ 509 ເປັນເຈົ້າການໃນການຈັດຕັ້ງປະຕິບັດ, ຜ່ານການຈັດຕັ້ງປະຕິບັດສາມາດເກັບກູ້ໄດ້ທັງຫມົດ.

ມີອາວຸດ ເສິກຈໍານວນ 112 ກະບອກ, ລູກປືນ 434 ລູກ ໃນນີ້ມີ ອາວຸດລ່າເນື້ອ 280 ກະບອກ, ລະເບີດ 10 ຫນ່ວຍ, ລູກ ຫວ່ານ 15 ກິໂລ ຫມາກຟ້າ 2 ກ້ອນ ແກັບຫມາກຟ້າ 7 ດອກ, ເລົາປືນແກັບ 48 ເລົາ, ທ້າຍປືນລ່າເນື້ອ 42 ອັນ, ເລົາປືນ m16 9 ເລົາ, ລູກປືນ m16 12 ລູກ, ຈັກສະຕິນ 4 ເຄື່ອງ, ຫມໍ້ຊອດປາ 3 ຫນ່ວຍ, ຫມໍ້ດູດປາ 6 ຫນ່ວຍ ແລະ
ເຄື່ອງຂອງທີ່ຜິດກົດຫມາຍຈໍານວນຫນຶ່ງ.

ທີ່ມາ: ປ້ອງກັນຄວາມສະຫົງບ ແຂວງໄຊສົມບູນ