ໃນວັນທີ 25 ພະຈິກຜ່ານມານີ້ ສານນະຄອນຫລວງວຽງຈັນ ໄດ້ຕັດສິນລົງໂທດ ທ້າວ ເລ້ ອາຍຸ 29 ປີຢູ່ບ້ານຈັນສະຫວ່າງ
ເມືອງສີໂຄດຕະບອງ ນະຄອນຫລວງວຽງຈັນ ໃຫ້ຈຳຄຸກເປັນເວລາ 14 ປີ, ພ້ອມປັບໃໝເງິນ 4 ລ້ານກີບ ໃນຂໍ້ຫາຄາດຕະ
ກຳ.
ເລື່ອງມີຢູ່ວ່າ: ໃນວັນທີ 4 ມັງກອນ 2011 ທ້າວ ເລ້ ໄດ້ເອົາແກ້ວທີ່ມີນ້ຳມັນສອງແກ້ວ, ໃນນັ້ນແກ້ວໜຶ່ງແມ່ນເຮັດຄືຕະ
ກຽງມີໄຟລຸກ ໄປແກວ່ງໃສ່ ນາງ ຄຳພອນ ທີ່ຢູ່ເຮືອນໃກ້ ຈົນເຮັດໃຫ້ໄຟລຸກໄໝ້ຖ້ວມຮ່າງກາຍ ນາງ ຄຳພອນ ແລະ ລູກ
ສາວໄດ້ຖືກໄຟລວກບາດເຈັບສົມຄວນ, ຈາກນັ້ນ ຜົວຂອງ ນາງ ຄຳພອນ ທີ່ຢູ່ໃນເຮືອນຈຶ່ງຟ້າວອອກມາມອດໄຟ ແລະ
ຟ້າວນຳສົ່ງເມຍ ແລະ ລູກໄປໂຮງໝໍ ແລະ ຕົກມາຮອດວັນ ທີ 12 ມັງກອນ 2011 ນາງ ຄຳພອນ ຈຶ່ງເສຍຊິວີດ, ສ່ວນລູກ
ສາວແມ່ນປິ່ນປົວຢູ່ໂຮງໝໍເປັນເວລາ 8 ເດືອນ, ຫລັງເກີດເຫດ ທ້າວ ເລ້ ໄດ້ເອົາຕົວຫລົບໜີ ແລະ ຕົກມາຮອດວັນທີ
18 ມັງກອນ 2014 ທ້າວ ເລ້ ໄດ້ກັບມາເຮືອນ ຈຶ່ງຖືກເຈົ້າໜ້າທີ່ຈັບຕົວມາດຳເນີນຄະດີຕາມລະບຽບກົດໝາຍ, ໂດຍ
ທ້າວ ເລ້ ຮັບສາລະພາບວ່າ: ຕົນເອງໄດ້ພົວພັນກັບຢາເສບຕິດມາແຕ່ປີ 2008 ແລະ ສາເຫດການລົງມືຄາດຕະກຳຄັ້ງ
ນີ້ ແມ່ນຍ້ອນມີຄວາມແຄ້ນໃຫ້ຜູ້ຕາຍ ມັກເວົ້າສຽດສີໃຫ້ຕົນວ່າເປັນຄົນຂີ້ຢາ ຈຶ່ງລົງມືຄາດຕະກຳດັ່ງກ່າວ.
ແຫລ່ງຂ່າວ: ລາວພັດທະນາ