Homeຂ່າວພາຍ​ໃນນັກສຶກສາລາວ ໄດ້ຮັບລາງວັນ ຊະນະເລີດການວັດແທກຄວາມຊຸ່ມຂອງດິນ

ນັກສຶກສາລາວ ໄດ້ຮັບລາງວັນ ຊະນະເລີດການວັດແທກຄວາມຊຸ່ມຂອງດິນ

Published on

ຄະນະນັກສຶກສາລາວຈາກພາກວິຊາວິສະວະກໍາ ຄອມພີວເຕີ ແລະ ເຕັກໂນໂລຊີຂໍ້ມູນຂ່າວສານ, ຄະນະວິສະວະກຳສາດ, ມະຫາວິທະຍາໄລແຫ່ງຊາດ ໄດ້ຮັບລາງວັນຊະນະເລີດ “ ການວັດແທກຄວາມຊຸ່ມຂອງດິນ ”ຈາກຄະນະກໍາມາທິການແມ່ນໍ້າຂອງ ສາກົນ ພາຍໃຕ້ໂຄງການແຂ່ງຂັນເຕັກໂນໂລຊີການຕິດຕາມແມ່ນໍ້າຂອງ (MRC River Monitoring Technology Competition).

May be an image of 18 people and people standing

ພິທີມອບລາງວັນ ຈັດຂຶ້ນໃນວັນທີ 3 ເມສາ 2023 ທີ່ຫໍປະຊຸມແຫ່ງຊາດ ຫລັກ 6 ນະຄອນຫລວງວຽງຈັນ, ຄະນະນັກສຶກສາລາວ ເຂົ້າຮ່ວມແຂ່ງຂັນໂດຍໄດ້ນໍາສະເໜີນະວັດຕະກໍາປະດິດສ້າງເຂົ້າໃນໂຄງການແຂ່ງຂັນເຕັກໂນໂລຊີການຕິດຕາມແມ່ນໍ້າຂອງ (MRC River Monitoring Technology Competition) ພາຍໃຕ້ໂຄງການດັ່ງກ່າວປະກອບມີ 4 ປະເທດເຂົ້າຮ່ວມໄດ້ແກ່: ລາວ, ໄທ, ຫວຽດນາມ, ກຳປູເຈຍ.

May be an image of one or more people and people standing

ໃນນັ້ນລາຍການແຂ່ງ ຂັນປະກອບມີ 4 ໝວດ ຄື : ຄວາມຊຸ່ມຂອງດິນ (Soil Moisture) , ກວດກາລະດັບນໍ້າ, (Water Level), ລະດັບຝົນຕົກ( Rainfall), ຄຸນນະພາບນໍ້າ (Water Quality) ແລະ ມີທັງໝົດ 14 ທີມເຂົ້າຮ່ວມ ຈາກ 11 ມະຫາວິທະຍາໄລ.

ທ່ານ ພອນປະເສີດ ສີໃສແກ້ວ ຕາງໜ້າໃຫ້ກຸ່ມນັກສຶກສາລາວທີ່ໄດ້ຮັບລາງວັນໄດ້ໃຫ້ສໍາພາດວ່າ ” ພວກເຮົາໄດ້ເຫັນເຖິງຄວາມສຳຄັນ ຂອງດິນທີ່ລຽບຕາມຝັ່ງແມ່ນໍ້າຂອງ ແລະ ບັນຫາຕ່າງໆທີ່ຈະເກີດຂຶ້ນຈຶ່ງໄດ້ເລືອກຫົວຂໍ້ ຄວາມຊຸ່ມດິນ (Soil Moisture) ແລະ ຄິດຄົ້ນການສ້າງອຸປະກອນທີ່ເປັນນະວັດຕະກຳນີ້ຂຶ້ນມາໃໝ່ ເຊິ່ງໂຄງການດັ່ງກ່າວໄດ້ເລີ່ມມາແຕ່ເດືອນຕຸລາປີ 2022.

ຫລັງຈາກພວກເຮົາໄດ້ຜ່ານການຄັດເລືອກເປັນຕົວແທນຈາກປະເທດລາວ ກໍໄດ້ເຂົ້າຮ່ວມງານ MRC Pitching Workshop ທີ່ບາງກອກປະເທດໄທ ໃນເດືອນມັງກອນປີ 2023 ພາຍຫລັງກັບມາຈາກບາງກອກພວກເຮົາກໍໄດ້ເລີ່ມສ້າງນະວັດຕະກຳຂອງພວກເຮົາ ແລະ ໄດ້ຂຶ້ນນຳສະເໜີໃນວັນທີ 30-31 ມີນາ 2023 ທີ່ກອງເລຂາກໍາມາທິການແມ່ນໍ້າ Mekong River Commission Secretariat ຜ່ານການນຳສະເໜີຈົບໄປແລ້ວນັ້ນເຫັນວ່າທີມໄດ້ລາງ ວັນທີ 1 ໃນໝວດການວັດແທກຄວາມຊຸ່ມຂອງດິນ (Soil Moisture) ”

อาจเป็นรูปภาพของ 1 คน และ กำลังยืน

ທີ່ມາ laonational radio

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...