spot_img
Homeແຈ້ງການ6 ຂໍ້ຫ້າມໃນການຫຼິ້ນບຸນປີໃໝ່ 2023 ທີ່ແຂວງຫຼວງພະບາງ

6 ຂໍ້ຫ້າມໃນການຫຼິ້ນບຸນປີໃໝ່ 2023 ທີ່ແຂວງຫຼວງພະບາງ

Published on

ແຂວງຫຼວງພະບາງອອກແຈ້ງການ ກ່ຽວກັບການເພີ່ມທະວີການປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມໃນຊ່ວງ ໄລຍະການ ສະເຫຼີມສະຫຼອງບຸນປີໃຫມ່ລາວ ພສ 2023

ເພື່ອເປັນການປົກປັກຮັກສາງານບຸນປະເພນີທີ່ສໍາຄັນຂອງຊາດເວົ້າລວມ, ເວົ້າສະເພາະຂອງຊາວແຂວງຫຼວງພະບາງ (ເມືອງ ມໍລະດົກໂລກ) ໃຫ້ຢູ່ຄຽງຄູ່ກັບວັດຖະນາທໍາຮີດຄອງປະເພນີອັນດີງາມ ທີ່ເຄີຍຮັກສາ ແລະ ສືບທອດມາແຕ່ດຶກດໍາບັນ; ງານບຸນປີໃ ຫມໍລາວແມ່ນງານບຸນທີ່ຍິ່ງໃຫຍ່ ເຊີ່ງຈະໄດ້ຈັດຂື້ນໃນທຸກໆປີ, ສະເພາະແຂວງຫຼວງພະບາງຈະມີເອກະລັກທີ່ແຕກຕ່າງກັບບ່ອນອື່ນ ເຮັດໃຫ້ແຂກພາຍໃນ ແລະ ຕ່າງປະເທດເຂົ້າມາທອ່ງທຽວຫຼາຍທີ່ສຸດ; ໃນປີນີ້ຈະໄດ້ຈັດຂື້ນລະຫວ່າງວັນທີ 11-20 ເມສາ 2023; ສະນັ້ນຈຶ່ງຮຽກຮ້ອງມາຍັງທຸກພາກສ່ວນຈົ່ງຍົກສູງສະຕິ, ຄວາມຮັບຜິດຊອບໃນການປົກປັກຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ ເຮັດໃຫ້ງານບຸນດັ່ງກ່າວດໍາເນີນໄປດ້ວຍຄວາມເບີກບານມວ່ນຊື່ນສະຫງົບປອດໄພ.

II. ບັນດາຂໍ້ຫ້າມ:
1. ຫ້າມຂັບຂີ່ລົດໃນສະພາບມືນເມົາ, ຂັບຂີ່ລົດເປັນກຸ່ມແກ້ງ ແລະ ຂີ່ລົດກວນເມືອງ, ໃຊ້ຄວາມແຮງເກີນກໍານົດ ຫຼື ຂັບຂີ່ແຊງຂວາ ເປີດສຽງດັງຕາມເສັ້ນທາງ.

2. ຫ້າມໃຊ້ພາຫະນະບັນຈຸຖັງນໍ້າ, ຄູນໍ້າ ຫຼື ທໍ່ຢ່າງຕໍ່ນໍ້າຈາກເຮືອນອອກມາ ເພື່ອຫົດນໍ້າໃສ່ຜູ້ເດີນທາງໄປ-ມາ ຕາມຖະຫນົນ ແລະ ຫ້າມລວມຕົວກັນເປັນກຸ່ມເຕັ້ນ, ຟ້ອນຕາມເສັ້ນທາງ ແລະ ແຄມທາງຢ່າງເດັດຂາດ.

3. ຫ້າມບໍ່ໃຫ້ໃຊ້ນໍ້າເປີະເປື້ອນ, ນໍ້າສີ, ນໍ້າປົນກັບພືດຄັນຄາຍ, ນໍ້າກ້ອນໃສ່ຖົງຢາງຫົດ ຫຼື ແກ່ວງໃສ່ກັນ ແລະ ບໍ່ໃຫ້ນຸ່ງເຄຶ່ອງສັ້ນ- ເຂີນຢົ້ວຍວນ ທີ່ບໍ່ຖືກຕ້ອງຕາມຮີດຄອງປະເພນີ; ບໍ່ໃຫ້ໃຊ້ພາຫະນະແຮ່ຄົບງັນຕາມທ້ອງຖະຫນົນ; ບໍ່ຂັບຂີ່ລົດເປັນພຶງເປັນແພ- ແລ່ນລົດໄວເກີນຂອບເຂດ.

4. ບັນດາຫົວຫນ່ວຍທຸລະກິດບັນເທິງ, ຮ້ານກິນດື່ມຕ່າງໆ ໃຫ້ປະຕິບັດຕາມແຈ້ງການ ແລະ ຄໍາສັ່ງຂອງພາກສ່ວນກ່ຽວຂ້ອງ ວາງ ອອກຢ່າງເຂັ້ມງວດ.

5. ການດໍາເນີນກິດຈະກໍາຕ່າງໆ ຢູ່ພາຍໃນຄອບຄົວ ຫ້າມບໍ່ໃຫ້ເປີດເຄື່ອງສຽງເນື່ອງນັນເກີນຂອບເຂດ ແລະ ຕ້ອງຍຸດເຊົາໃນເວລາ 23:30 ນາທີ (11:30 ນາທີ ຄອນຄ່ຳ).

6. ຫ້າມບໍ່ໃຫ້ຜູ້ໂດຍສານນັ່ງຫົວລົດເວລາຂັບລົດໄປຕາມເສັ້ນທາງ; ລົດບັນທຸກສິນຄ້າ-ລົດໂດຍສານບໍ່ຕ່າງເຄື່ອງເກີນຂອບເຂດ, ຜູ້ ຂັບຂີ່ພາຫະນະທຸກປະເພດຕ້ອງປະຕິບັດຕາມປ້າຍສັນຍານຈະລາຈອນ ແລະ ກົດລະບຽບການສັນຈອນຢ່າງເຄັ່ງຄັດ.

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...