ປະຕິບັດການໂຈມຕີທາງກາກາດ ໃສ່ເປົ້າໝາຍກຸ່ມກໍ່ການຮ້າຍລັດອິດສະລາມ ຫລື ກຸ່ມໄອເອັສ ໃນພື້ນທີ່ພາກເໜືອ
ຂອງຊີເຣຍ ເຮັດໃຫ້ມີຜູ້ເສຍຊີວິດເກືອບ 100 ຄົນ.
ສຳນັກຂ່າວຕ່າງປະເທດລາຍງານ ໃນວັນທີ 27 ພະຈິກນີ້ວ່າ ລັດຖະບານຊີເຣຍ ໄດ້ປະຕິບັດການໂຈມຕີຖານທີ່ໝັ້ນ
ຂອງກຸ່ມກໍ່ການຮ້າຍໄອເອັສ ໃນພື້ນທີ່ເມືອງຣັກກະ ທາງຕອນເໜືອ ແລະ ທາງພາກຕາເວັນອອກຂອງປະເທດ ໂດຍ
ໃນມື້ວານນີ້ (26 ພະຈິກ) ເຮັດໃຫ້ມີລະເບີດລູກຫລົງຕົກລົງໃສ່ຕະຫລາດ ໃກ້ກັບພິພິທະພັນ ແລະ ໂຮງງານອຸດສາຫະ
ກຳຂອງປະເທດເພື່ອນບ້ານ ເປັນເຫດເຮັດໃຫ້ປະຊາຊົນເສຍຊີວິດເປັນຈຳນວນຫລວງລາຍ ເຊິ່ງລ່າສຸດກຸ່ມນັກເຄື່ອນ
ໄຫວດ້ານສິດທິມະນຸດ ທີ່ໄດ້ເຝົ້າລະວັງເຫດການໃນພື້ນທີ່ໄດ້ລະບຸວ່າ ມີຜູ້ເສຍຊີວິດເພີ່ມຂຶ້ນເປັນ 95 ຄົນແລ້ວ ໂດຍ
ມີຜູ້ບາດເຈັບອີກຈຳນວນບໍ່ໜ້ອຍກ່ວາ 120 ຄົນ.
ຢ່າງໃດກໍຕາມ ການໂຈມຕີໃນມື້ວານນີ້ ນັບເປັນຄັ້ງທີ 10 ສຳລັບການໂຈມຕີທາງອາກາດ ແລະ ຍັງສົ່ງຜົນເຮັດໃຫ້ຕະ
ຫລາດແຫ່ງອື່ນໆໃນພື້ນທີ່ປິດການຊື້ຂາຍ ແລະ ເຮັດໃຫ້ໂຮງໝໍໃນພື້ນທີ່ເກີດຄວາມວຸ້ນວາຍທັນທີ ເພາະອຸປະກອນ
ການແບດ ແລະ ບຸກຄະລາກອນແພດໝໍເລີ່ມຂາດແຄນ ບໍ່ພຽງພໍໃນການຊ່ວຍເຫລືອປິ່ນປົວຜູ້ໄດ້ຮັບບາດເຈັບທີ່
ເຂົ້າຮັບການຮັກສາ.