ເຫດການສະເທືອນຂວັນເກີດຂຶ້ນໃນປະເທດອິນເດຍ, ຫຼັງຈາກມີຄອບຄົວຢູ່ໃນຊຸມຊຸມຊົນ ໃນກຸງນິວ ເດລີ ໄດ້ສູນເສຍລູກຊາຍຂອງຕົນນ້ອນຖືກໝາລຸມກັດ ໂຊກຮ້າຍຊ້ຳ ຫຼັງຈາກຜ່ານໄປບໍ່ພໍເທົ່າໃດມື້, ລູກຊາຍອີກຄົນໄດ້ເສຍຊີວິດຈາກບາດແຜ ທີ່ຖືກໝາລຸມກັດອີກ.
ລາຍງານລະບຸວ່າ ຄອບຄົວຂອງທ້າວ ອານັນ ອາຍຸ 7 ປີ ໄດ້ແຈ້ງຄວາມວ່າ: ລູກຊາຍຫາຍຕົວໄປຈາກເຮືອນໃນຕອນບ່າຍວັນສຸກ ທີ 10 ມີນາ 2023 ທີ່ຜ່ານມາ ແລະ ພາຍໃນບໍ່ເທົ່າໃດຊົ່ວໂມງຕໍ່ມາກໍໄດ້ ພົບສົບຂອງ ທ້າວອານັນ ຢູ່ໃນສະພາບທີ່ມີບາດແຜເຕັມ ເຄື່ອງນຸ່ງຫົ່ມເປື້ອນເລືອດ ມີຮອຍໝາກັດຢູ່ດ້ານຫຼັງ, ສະໂພກ, ຕີນ, ຄໍ ແລະ ຫົວ.
ຈາກການກວດສອບພົບວ່າ ເດັກຊາຍເສຍຊີວິດຍ້ອນຖືກໝາກັດ ແລະ ໄດ້ມີການສັນນິຖານວ່າມີໝາທີ່ບໍ່ມີເຈົ້າຂອງ ເຊິ່ງມີຈຳນວນຫຼາຍໂຕ.
ໃນເວລາຕໍ່ມາ, ວັນອາທິດທີ 12 ມີນາ 2023 ຄອບຄົວໄດ້ຮັບຂ່າວຮ້າຍອີກຄັ້ງ ທ້າວ ອາທິດຍາ ອາຍຸ 5 ປີ, ນ້ອງຊາຍຂອງ ທ້າວ ອານັນ ຖືກໝາລຸມກັດໃນຂະນະທີ່ຍ່າງອອກໄປຍ່ຽວຢູ່ຫຍ້າໃກ້ເຮືອນ ໂດຍຍ່າງໄປກັບລູກອ້າຍລູກນ້ອງ ອີກຄົນໜຶ່ງ ແຕ່ໄດ້ພົບເຫັນຝູງໝາເຂົ້າມາລຸມກັດ ເຮັດບາດເຈັບສາຫັດ ແລະ ຍັງບໍ່ທັນໄດ້ສົ່ງໄປໂຮງຫມໍ ທ້າວ ອາທິດຍາ ບໍ່ສາມາດອົດທົນກັບບາດແຜໄດ້ແລະ ເສຍຊີວິດໃນເວລາຕໍ່ມາ.