spot_img
Homeຂ່າວພາຍ​ໃນຂົວມິດຕະພາບລາວ-ໄທແຫ່ງທີ 1 ເລັ່ງຕິດຕັ້ງຕູ້ຈ້ຳແຈ້ງເອກະສານເພີ່ມ

ຂົວມິດຕະພາບລາວ-ໄທແຫ່ງທີ 1 ເລັ່ງຕິດຕັ້ງຕູ້ຈ້ຳແຈ້ງເອກະສານເພີ່ມ

Published on

ປັດຈຸບັນການເຂົ້າ-ອອກ ຂອງຜູ້ໂດຍສານຢູ່ດ່ານສາກົນຂົວມິດຕະພາບ ລາວ-ໄທ ແຫ່ງທີ 1 ມີປະມານ 6-7 ພັນກ່ວາຄົນຕໍ່ວັນ ແລະ ມີ ພາຫະນະເຂົ້າ-ອອກປະມານ 1000 ກ່ວາຄົນຕໍ່ວັນ ທ່ານ ພັທ ກິດ່ອນ ກິວົງໄຊ ຮອງຫົວໜ້າຄະນະຄຸ້ມຄອງດ່ານ ຫົວໜ້າດ່ານຕໍາຫຼວດກວດກາຄົນ ເຂົ້າອອກເມືອງ ສາກົນຂົວມິດຕະພາບລາວ-ໄທແຫ່ງທີ 1 ໃຫ້ສໍາພາດໃນວັນທີ 1 ມີນາ 2023 ວ່າ: ສໍາລັບຂອດການບໍລິການຜູ້ໂດຍສານ ເຂົ້າ-ອອກ ຢູ່ໃນດ່ານໂດຍພື້ນຖານແລ້ວແມ່ນປະຕິບັດຕາມກົດໝາຍວ່າດ້ວຍການ ເຂົ້າ-ອອກເມືອງ ແລະ ລະບຽບການຕ່າງໆຂອງ ຂະແໜງການກ່ຽວຂ້ອງວາງອອກ ເຊິ່ງປັດຈຸບັນການເຂົ້າ-ອອກຂອງຜູ້ໂດຍສານ ແລະ ພາຫະນະແມ່ນກັບສູ່ສະພາບປົກກະຕິແລ້ວ ແລະ ການບໍລິການອໍານວຍຄວາມສະດວກແມ່ນມີຄວາມຄ່ອງຕົວຫຼາຍກ່ວາເກົ່າ ແລະ ຫຼຸດຜ່ອນການອັ່ງອໍ ແອອັດຂອງຄົນເຂົ້າອອກຫຼາຍພໍສົມຄວນຖ້າ ທຽບໃສ່ເມື່ອກ່ອນ ການເຂົ້າ-ອອກຂອງຜູ້ໂດຍສານສະເລ່ຍມື້ໜຶ່ງມີປະມານ 6-7 ພັນກ່ວາຄົນ ສ່ວນພາຫະນະເຂົ້າ-ອອກແມ່ນມີປະມານ 1000 ກ່ວາຄົນຕໍ່ວັນ ໂດຍສະເພາະວັນພັກລັດຖະການ ຫຼື ເທສະການຕ່າງໆ.

ໃນໄລຍະ 1 ປີ ຜ່ານມາໄດ້ປັບປຸງພື້ນຖານໂຄງລ່າງຂອງດ່ານຕາມມະຕິຕົກລົງຂອງອົງການປົກຄອງ ນວ ຄັ້ງທີ 34 ແລະ ແຜນການປັບປຸງ ພື້ນຖານໂຄງລ່າງດ່ານຕາມແຜນແມ່ບົດການປັບປຸງດ່ານໃນແຕ່ລະໄລຍະ ມາຮອດປັດຈຸບັນໄດ້ເຮັດສໍາເລັດບາງໜ້າວຽກໂດຍພື້ນຖານເຊັ່ນ ໄດ້ເລີກຮື້ບັນດາຫ້າງຮ້ານຢູ່ພາຍໃນຕຶກອາຄານໄດ້ 95% ຕິດຕັ້ງຕູ້ຈ້ຳແຈ້ງເອກະສານຂອງຂະແໜງການປິ່ນອ້ອມຢູ່ພາຍໃນດ່ານສໍາເລັດປະມານ 85% ລວມມີທັງໝົດ ຖ້າສໍາເລັດການຕິດຕັ້ງຈະມີຜູ້ໃຫ້ບໍລິການຈ້ຳແຈ້ງເອກະສານທັງໝົດ 24 ຕູ້ ເພີ່ມຂຶ້ນ 12 ຕູ້ ຈະສາມາດອໍານວຍຄວາມ ສະດວກໃຫ້ແກ່ຜູ້ເຂົ້າອອກຫຼາຍພໍສົມຄວນ ການຕິດຕັ້ງຕູ້ດັ່ງກ່າວຄາດວ່າຈະໃຫ້ສໍາເລັດກ່ອນບຸນປີໃໝ່ລາວ ພ້ອມກັນນັ້ນກໍໄດ້ປັບປຸງຈັດສັນ ສະຖານທີ່ຈອດລົດພາຍໃນດ່ານຄືນໃໝ່ທັງໝົດ ປັບປຸງທັດສະນີຍະພາບຂອງດ່ານໃຫ້ສອດຄ່ອງກັບ 6 ສ ຂອງ ນວ ວາງອອກໂດຍສະເພາະ ສ ສີຂຽວ ປັດຈຸບັນພວມເລັ່ງໃສ່ການແຕ້ມເສັ້ນຈາລາຈອນ ເພື່ອກໍານົດທິດທາງການ ເຂົ້າ-ອອກ ຂອງພາຫະນະໃຫ້ມີຄວາມຄ່ອງຕົວ.

ນອກຈາກນີ້ ໄດ້ກະກຽມຕ້ອນຮັບນັກທ່ອງທ່ຽວທີ່ຈະເພີ່ມຂຶ້ນໃນຕໍ່ໜ້າ ເຊິ່ງທາງຄະນະຄຸ້ມຄອງດ່ານສາກົນຂົວມິດຕະພາບລາວ-ໄທ ແຫ່ງ ທີ 1 ໄດ້ມີແຜນລະອຽດແລ້ວໂດຍມອບໃຫ້ຂະແຫນງການກ່ຽວຂ້ອງເປັນຜູ້ອໍານວຍຄວາມສະດວກໃນການຕ້ອນຮັບນັກທ່ອງທຽວ ໂດຍໄດ້ ກຽມຄວາມພ້ອມດ້ານສະຖານທີ່ ບຸກຄະລາກອນ ພາຫະນະຕ່າງໆລວມທັງຂອດບໍລິການອື່ນໆ ຄາດວ່າຈະມີນັກທ່ອງທ່ຽວ ເຂົ້າ-ອອກ ຜ່ານດ່ານເພີ່ມຂຶ້ນປະມານ 8 ພັນ ຫາ 10 ພັນຄົນຕໍ່ວັນ.

ແຫຼ່ງຂ່າວ ວຽງຈັນໃໝ່

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...