ໃນວັນຈັນ ທີ 19 ກຸມພາ 2023 ເວລາ 19:45 ນາທີ ທາງໜ່ວຍກູ້ໄພ ມູນນິທິ ຊ່ວຍເຫຼືອຜູ້ດ້ອຍໂອກາດ
ໄດ້ຮັບແຈ້ງເຫດ ວ່າມີຄົນໂດດນ້ຳຢູ່ກາງຂົວບ້ານໄຮ່, ເມືອງປາກງືມ, ນະຄອນຫຼວງວຽງຈັນ ເມື່ອໜ່ວຍກູ້ໄພ ໄປຮອດຈຶ່ງໄດ້ຈັດທີມຄົ້ນຫາໃຕ້ນ້ຳລົງກວດສອບ ແລະ ຄົ້ນຫາຮ່າງຂອງຜູ້ເສຍຊີວິດທັງໜ້ານ້ຳ ແລະ ໃຕ້ນ້ຳເປັນເວລາປະມານ 4 ມື້ ແຕ່ຍັງບໍ່ທັນພົບເຫັນຮ່າງຂອງຜູ້ເສຍຊີວິດເທື່ອ ເຊິ່ງຜູ້ເສຍຊີວິດຊື່ ນາງ ໃຈ ອາຍຸ 18 ປີ ບ້ານເລົາຄ່າ ເມືອງທ່າພະບາດ ແຂວງບໍລິຄຳໄຊ.

ເຊິ່ງປັດຈຸບັນໃນວັນທີ 23 ກຸມພາ 2023 ເວລາ 10:00 ທາງໜ່ວຍກູ້ໄພແມ່ນໄດ້ພົບຮ່າງຂອງຜູ້ເສຍຊີວິດແລ້ວ ຢູ່ສາມແຍກກ້ອງຂົວບ້ານໄຮ່ ເມືອງປາກງື່ມ ນະຄອນຫຼວງວຽງຈັນ. ຂໍສະແດງຄວາມເສຍໃຈຕໍ່ຄອບຄົວຜູ້ເສຍຊີວິດດ້ວຍ.