ວັນທີ 16-17 ກຸມພາ 2023 ຕໍາຫຼວດ ກະຊວງປ້ອງກັນຄວາມສະຫງົບ ສົມທົບກັບພະແນກກວດກາ ແລະ ຄວບຄຸມຢາເສບຕິດ ຫ້ອງຕໍາຫຼວດ ກອງບັນຊາການ ປກສ ແຂວງບໍ່ແກ້ວ, ກອງບັນຊາການ ປກສ-ປກຊ ເມືອງເມິງ ແລະ ເມືອງຕົ້ນເຜິ້ງ ລົງທໍາລາຍສວນຝິ່ນ ທີ່ປະຊາຊົນລັກລອບປູກຢູ່ເຂດລ້ອງພະບາດຊາຍແດນລະຫວ່າງ ເມືອງເມິງ ກັບ ເມືອງຕົ້ນເຜິ້ງ ເຊິ່ງໄດ້ພົບເຫັນສ່ວນຝິ່ນທັງໝົດ ຈໍານວນ 9 ສວນ ມີເນື້ອທີທັງໝົດ 3,5 ເຮັກຕາ ແຕ່ບໍ່ພົບເຫັນເຈົ້າຂອງສວນ.
ດັ່ງນັ້ນ ທາງທີມງານຈິ່ງໄດ້ພາກັນທໍາລາຍສວນຝິ່ນ ແລະ ຕູບພັກເຊົ່າ ທີ່ຕັ້ງຢູ່ພາຍໃນສວນນັ້ນຖີ້ມ ໂດຍການນໍາພາຂອງ ສະຫາຍ ພັຕ ຄໍາເງິນ ສອນປະດິດ ຫົວໜ້າພະແນກກວດກາ ແລະ ຄວບຄຸມຢາເສບຕິດ ຫ້ອງຕໍາຫຼວດ ກອງບັນຊາການ ປກສ ແຂວງບໍ່ແກ້ວ.
