ໂຄງການອະນຸລັກ “ເສືອຊີຕາ” ໃນອິນເດຍລາຍງານວ່າ ເສືອຊີຕາ ຈາກອາຟຣິກາໃຕ້ປະມານ 12 ໂຕ ເດີນທາງຮອດອິນເດຍແລ້ວ ພາຍຫຼັງລັດຖະບານນາມິເບຍ ໄດ້ສົ່ງເສືອຊີຕາ 8 ໂຕໃຫ້ອິນເດຍເພື່ອຂະຫຍາຍສາຍພັນ ໃນປີ 2030.
ລາຍງານໄດ້ລະບຸວ່າ ວັນທີ 18 ກຸມພາ 2023 ເສືອຊີຕາເພດແມ່ 5 ໂຕ ແລະ ເພດຜູ້ 7 ໂຕ ຈາກອຸທະຍານແຫ່ງຊາດອາຟຣິກາໃຕ້ ເດີນທາງຮອດອິນເດຍ ຕາມຂໍ້ຕົກລົງທີ່ອາຟຣິກາໃຕ້ ລົງນາມໃນເດືອນມັງກອນ ທີ່ຜ່ານມາ ວ່າຈະສົ່ງເສືອຊີຕາຫຼາຍສິບໂຕໃຫ້ແກ່ອິນເດຍໃນຊ່ວງເວລາ 10 ປີ ໂດຍການນຳເຂົ້າເສືອແມ່ນໄດ້ກັກໂຕປະມານ 1 ເດືອນຕາມກົດໝາຍນຳເຂົ້າສັດ.
ເສືອຊີຕາສາຍພັນອາຊີ ທີ່ສູນພັນໄປຈາກອິນເດຍໃນ 80 ປີກ່ອນ ເພາະຖືກລ່າ ແລະ ສູນເສຍທີ່ຢູ່ອາໄສ ເຮັດໃຫ້ທາງການອິນເດຍ ສືບຕໍ່ໂຄງການເພີ່ມປະຊາກອນເສືອຊີຕາໃນປະເທດ ໂດຍໃນປີ 2020 ສານສູງອິນເດຍອະນຸຍາດໃຫ້ນຳເຂົ້າເສືອຊີຕາສາຍພັນອາຟຣິກາໄດ້ ໂດຍຕ້ອງໃຫ້ຢູ່ໃນເຂດທີ່ກຳນົດ.
ກ່ອນໜ້ານີ້ ເສືອທັງ 12 ໂຕ ໄດ້ຢູ່ໃນເຂດກັກກັນໃນອາຟຣິກາຕັ້ງແຕ່ເດືອນກໍລະກົດ ປີກາຍນີ້ ແຕ່ການເຄື່ອນຍ້າຍຊ້າມາຫຼາຍເດືອນ ເພາະຂໍ້ຕົກລົງຂັ້ນຕອນສຸດທ້າຍລະຫວ່າງປະເທດລ້າຊ້າເຮັດໃຫ້ຜູ້ຊ່ຽວຊານດ້ານສັດປ່າຢ້ານວ່າ ກັກເສືອເປັນເວລາດົນສົ່ງຜົນຕໍ່ສຸຂະພາບເສືອ.
ແຫຼ່ງຂ່າວ cnn