ຖ້າເຈົ້າຖືກຕຳໜິເລື່ອງວຽກແຕ່ເຊົ້າ ຜິດກັບແຟນຈົນຮູ້ສຶກຫົດຫູ່ໄປໝົດມື້ ຈົນບໍ່ຢາກເຮັດຫຍັງເລີຍ ຫລື ເຈີບັນຫາຫຍັງກໍແລ້ວທີ່ເຮັດໃຫ້ໝົດກຳລັງໃຈ ເຮົາມີ 3 ເຄັດລັບດີໆ ທີ່ຈະເພີ່ມກຳລັງໃຈ ໃຫ້ເຈົ້າສູ້ໃນວັນທີ່ຮູ້ສຶກບໍ່ດີ
- ງຽບໄວ້ກ່ອນ Message ຕາມຫລັງ ສະຫງົບສະຕິອາລົມ ຄືສິ່ງທຳອິດທີ່ຄວນເຮັດ ແຕ່ຖ້າບໍ່ໝັ່ນໃຈວ່າອາລົມຈະລະເບີດໃສ່ຜູ້ອື່ນຫລືບໍ່ ແນະນຳວ່າຄວນແລ່ນເຂົ້າຫ້ອງນ້ຳໃຫ້ໄວທີ່ສຸດເພື່ອໃຊ້ໂທລະສັບໃຫ້ເປັນປະໂຫຍດໂດຍ ການພິມຂໍ້ຄວາມທີ່ຢາກລະບາຍເຖິງຄົົນທີ່ເຈົ້ານຶກເຖິງໃນຕອນນັ້ນ ແບບທີ່ບໍ່ຕ້ອງສົນໃຈວ່າມັນຈະຍາວຊ່ຳໃດ ແຕ່ເມື່ອພິມສຳເລັດແລ້ວ ຢ່າກົດສົ່ງໃຫ້ຍ້ອນກັບໄປອ່ານຂໍ້ຄວາມທີ່ພິມກ່ອນອ່ານຫລາຍໆຮອບ ການເຮັດແບບນີ້ເປັນການຮຽກສະຕິກັບຄືນມາຂະນະທີ່ກຳລັງຮ້າຍຢູ່ ແລະເມື່ອໄດ້ລະບາຍອາລົມໄປແລ້ວ ຈະຮູ້ສຶກໄດ້ວ່າອາລົມຮ້າຍໄດ້ເບົາລົງ ຈົນເກີດສະຕິຫລາຍພໍທີ່ຈະແຍກແຍະເລື່ອງລາວໄດ້ດີຂຶ້ນ ຊຶ່ງສຸດທ້າຍແລ້ວເຈົ້າຈະພົບວ່າບໍ່ຢາກສົ່ງຂໍ້ຄວາມພວກນີ້ແລ້ວ
- ປ່ຽນບັນຍາກາດໃຫ້ຕົວເອງ ຢ່າຄິດທີ່ຈະຈັບກະເປົ໋າກັບບ້ານ ແຕ່ໃຫ້ຈັບກະເປົ໋າອອກມາ ແລ້ວພາຕົວເອງໄປຮ້ານກາແຟປະຈຳ ຫລື ຮ້ານສະດວກຊື້ໃກ້ໆ ເລືອກຊື້ຂອງກິນຈັກຢ່າງຕິດໄມ້ຕິດມືແລ້ວຍ່າງຊົມບັນຍາກາດຂ້າງນອກ ປະມານ 15-30 ນາທີ ຂະນະທີ່ຍ່າງໃຫ້ຄິດເຖິງເລື່ອງອື່ນທີ່ບໍ່ແມ່ນເຫດການເມື່ອທີ່ເຮັດໃຫ້ອາລົມບໍ່ດີທີ່ຫາກໍ່ເກີດ ວິທີນີ້ຈະຊ່ວຍປັບອາລົມໃຫ້ເຈົ້າດີຂຶ້ນ
- ຫາຍໃຈເຂົ້າເລິກໆ ເອີ້ນສະຕິໃຫ້ກັບມາທີ່ວຽກ ຖ້າຮູ້ສຶກອາລົມບໍ່ຄ່ອຍຢູ່ກັບຮ່ອງກັບຮອຍເທົ່າໃດໃຫ້ນັ່ງຢູ່ກັບບ່ອນກ່ອນ ຢ່າຍ່າງໄປລະບາຍເລື່ອງລາວກັບເພື່ອນ ນັ່ງທີ່ໂຕະເຮັດວຽກຂອງຕົວເອງ ຫລືຈັກມຸມທີ່ຄົນບໍ່ຫລາຍ ສູບລົມຫາຍໃຈເຂົ້າລຶກໆພ້ອມນັບ 1-4 ໃນໃຈແລ້ວຄ່ອຍໆຜ່ອນລົມຫາຍໃຈຊ້າໆ ເຮັດຊ້ຳປະມານ 2-3 ຮອບ ຫລັງຈາກນັ້ນໃຫ້ບອກກັບຕົວເອງວ່າມື້ນີ້ມີເລື່ອງຫຍັງໃຫ້ຕ້ອງສະສາງນຳ ໃຫ້ຮັບຈັດການໃຫ້ສຳເລັດ