ອາກາດ ໜ້າໜາວທີ່ກຳລັງຈະມາເຖິງ ນອກຈາກຈະເຮັດໃຫ້ເຮົາເຢັນສະບາຍແລ້ວ ແຕ່ມັນກໍຈະເຮັດໃຫ້ເຮົາເຢັນເກີນໄປ ຈົນໜ້າເຮົາແຫ້ງລອກເປັນຂຸຍໄດ້ ເພາະສະນັ້ນຈຶ່ງຕ້ອງມີເຄັດລັບມາບອກສາວໆ ຈະໄດ້ມີໜ້າສວຍງາມໄປທ້າລົມໜາວ
– ພະຍາຍາມໃຊ້ນ້ຳລ້າລ້າງໜ້າຕອນເຊົ້າ ໃນຊ່ວງເຊົ້າອາກາດຈະເຢັນຫລາຍກວ່າປົກກະຕິ ເພາະສະນັ້ນຄວນຫລີກລ້ຽງການໃຊ້ສະບູ່ ຫລື ໂຟມລ້າງໜ້າໃນຊ່ວງເຊົ້າ ໃຫ້ໃຊ້ເປັນນ້ຳລ້າແທນ ແລ້ວກໍຕ້ອງເປັນນ້ຳອຸນຫະພູມປົກກະຕິຈະດີກວ່າໃຊ້ນ້ຳອຸ່ນ ຫາກໃຊ້ນ້ຳອຸ່ນອາດຈະເຮັດໃຫ້ໜ້າຍິ່ງແຫ້ງແລະ ຄັນຫລາຍຍິ່ງຂຶ້ນ
– ການເລືອກໃຊ້ຜະລິດຕະພັນເຮັດຄວາມສະອາດ ຄວນເລືອກທີ່ມີຄວາມອ່ອນໂຍນຕໍ່ຜິວ ຫລືມີຄ່າ pH ທີ່ສົມດຸນ ໂດຍບໍ່ມີສ່ວນປະສົມຂອງແອນກໍຮອລ໌
– ຫ້າມຂັດໜ້າຮັບໜ້າເດັດຂາດ ເພາະການຂັດຜິວໜ້ານັ້ນຈະຍິ່ງເຮັດໃຫ້ໜ້າເຮົາແຫ້ງຫລາຍຂຶ້ນໄປກວ່າເດີມອີກ
– ບຳລຸງດ້ວຍມາສ໌ຈາກທຳມະຊາດ ດ້ວຍນ້ຳເຜີ້ງ,ໝາກແຕງ ຫລື ວ່ານຫາງແຂ້ ພອກໃຫ້ທົ່ວໃບໜ້າກ່ອນນອນເປັນປະຈຳ ຈະຊ່ວຍບຳລຸງຜິວແຫ້ງຂາດນ້ຳໃຫ້ເບິ່ງງາມເດັ້ງ ຜິວສົດຊື່ນຂຶ້ນຢ່າງເຫັນໄດ້ຊັດ
– ຕ້ອງທາຄີມກັນແດດກ່ອນອອກຈາກບ້ານ ເພາະໜ້າໜາວນັ້ນແດດຈະແຮງຫລາຍໃນຊ່ວງກາງເວັນ ຈະເຮັດໃຫ້ໜ້າເຮົາຍິ່ງຖືກທຳຮ້າຍຫລາຍຂຶ້ນກວ່າເກົ່າ
– ໃນະການແຕ່ງໜ້າ ຄວນເລືອກໃຊ້ເຄື່ອງສຳອາງໃຫ້ເໝາະກັບຄົນຜິວມັນ ອາດເປັນຮອງພື້ນ ບີບີຄີມ ຫລື ແປ້ງທີ່ມີຄຸນສົມບັດເພີ່ມຄວາມຊຸ່ມຊື້ນ ແລະ ບຳລຸງຜິວມັນ ແລະ ລຸດການກະຕຸ້ນໃຫ້ເກີດຜື່ນຜິວໜັງອັກເສບ ຈົນເກີດເປັນຜື່ນແດງ ແລະ ລອກແຫ້ງເປັນຂຸຍ
– ດື່ມນ້ຳໃຫ້ຫລາຍຍິ່ງຂຶ້ນ ເພື່ອເພີ່ມຄວາມຊຸ່ມຊື້ນແກ່ຜິວຈາກພາຍໃນ ນອກຈາກນັ້ນແລ້ວຍັງຄວນເລືອກຮັບປະທານຜັກ ແລະ ຫມາກໄມ້ ເພື່ອເຕີມວິຕາມິນເອ ຊີ ອີ ແລະ ສານອາຫານບຳລຸງໃຫ້ງາມສົດໃສຢ່າງສະມ່ຳສະເໝີອີກດ້ວຍ