spot_img
Homeຂ່າວພາຍ​ໃນຮອງປະທານປະເທດ ພ້ອມຄະນະ ເຄື່ອນໄຫວຢ້ຽມຢາມ ເຂດເສດຖະກິດ ໃໝ່ ສີທັນດອນ

ຮອງປະທານປະເທດ ພ້ອມຄະນະ ເຄື່ອນໄຫວຢ້ຽມຢາມ ເຂດເສດຖະກິດ ໃໝ່ ສີທັນດອນ

Published on

ທ່ານນາງ ປານີ ຢາທໍ່ຕູ້ ຮອງປະທານປະເທດ ແຫ່ງ ສປປ ລາວ ພ້ອມຄະນະ ໄດ້ເຄື່ອນໄຫວຢ້ຽມຢາມ ເຂດເສດຖະກິດ ໃໝ່ ສີທັນດອນ, ເມືອງໂຂງ, ໃນຕອນບ່າຍວັນທີ 17 ມັງກອນ 2023, ໂດຍມີ ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ພ້ອມຄະນະນຳຂອງແຂວງ, ມີ ທ່ານເຈົ້າເມືອງເມືອງໂຂງ ແລະ ບັນດາ ພະແນກການກ່ຽວຂ້ອງ ເຂົ້າຮ່ວມຕິດຕາມ.

ໂອກາດນີ້, ທ່ານ ຮອງປະທານປະເທດ ແລະຄະນະ ໄດ້ຮັບຟັງການລາຍງານ ຈາກທ່ານ ອຸໄທ ແກ້ວໃຈຍົມ ຮອງອຳນວຍການໃຫຍ່ ບໍລິສັດ ຮ່ວມພັດທະນາສີທັນດອນ ຈຳກັດ ກ່ຽວກັບການຈັດຕັ້ງປະຕິບັດ ແລະ ແຜນການດໍາເນີນການກໍ່ສ້າງໂຄງການພັດທະນາເສດຖະກິດໃໝ່ ສີທັນດອນ ເຊິ່ງໄດ້ມີການພັດທະນາ ຄຽງຄູ່ກັບການອະນຸລັກທໍາມະຊາດ ແລະ ຈັດສັນພື້ນທີ່ໃຫ້ມີຄວາມເປັນລະບຽບ ມີຄວາມກົມກືນກັບສິ່ງປຸກສ້າງ, ໂຄງການໄດ້ເລີ່ມລົງມືກໍ່ສ້າງໃນກາງປີ 2018 ມາຮອດປັດຈຸບັນ, ອັນພົ້ນເດັ່ນ ໂຄງການໄດ້ສໍາເລັດ ການກໍ່ສ້າງຊ່ວຍເຫຼືອລ້າ ເສັ້ນທາງຄອນກຼີດອ້ອມດອນໂຂງ ມີຄວາມຍາວ 43.5 ກິໂລແມັດ; ຊ່ວຍເຫຼືອລ້າ ກໍ່ສ້າງ ອາຄານຫ້ອງຮຽນຫຼັງໃໝ່ ແລະ ສະໂມສອນໂຮງຮຽນປະຖົມສົມບູນບ້ານຂີ້ນາກ; ໂຄງການກໍ່ສ້າງກັນເຈື່ອນແມ່ນໍ້າຂອງ ແລະ ເສັ້ນທາງພູມສັນຖານ ທີ່ສຳເລັດແລ້ວລວມທັງໝົດ1.2 ກິໂລແມັດ. ດ້ານການທ່ອງທ່ຽວ ໄດ້ເຂົ້າພັດທະນາ 2 ແຫຼ່ງທ່ອງທ່ຽວ ໂຄງການອຸທິຍານນໍ້າຕົກຕາດຄອນພະເພັງ ແລະ ອຸທິຍານນໍ້າຕົກຕາດສົມພະມິດ ແລະ ສໍາເລັດການກໍ່ສ້າງ ໂຮງແຮມ ເມສ ເວ ດອນ (ລາວ) ເຂດວິນລາ 21 ຫຼັງ ທີ່ ຕັ້ງຢູ່ແຄມແມ່ນໍ້າຂອງ ທີ່ຈະເປີດໃຫ້ບໍລິການ ໃນໄວໆນີ້.

ໂອກາດດັ່ງກ່າວ, ທ່ານ ຮອງປະທານປະເທດ ໄດ້ສະແດງຄວາມຍ້ອງຍໍຊົມເຊີຍ ຕໍ່ ຄະນະນໍາຂອງ ບໍລິສັດ ຮ່ວມພັດທະນາສີທັນດອນ ຈໍາກັດ ພ້ອມທັງເນັ້ນໃຫ້ ບໍລິສັດ STD ສືບຕໍ່ເພີ່ມທະວີໃນການພັດທະນາພື້ນຖານໂຄງລ່າງຕາມແຜນການ ແລະ ວຽກງານທີ່ຍັງຄົງຄ້າງ ຂອງໂຄງການ ຄຽງຄູ່ກັບການການຊຸກຍູ້ສົ່ງເສີມການພັດທະນາທ້ອງຖິ່ນ, ແລະໃນມື້ດຽວກກັນ ທ່ານຮອງປະທານປະເທດ ແລະຄະນະ ຍັງໄດ້ເຄື່ອນໄຫວຢ້ຽມຢາມ ດ່ານສາກົນໜອງນົກຂຽນ – ຕຣາປຽງກຣຽນ ຊາຍແດນ ລາວ-ກຳປູເຈຍ, ໂດຍມີ ຄະນະຄຸ້ມຄອງດ່ານດັ່ງກ່າວ ໃຫ້ການຕ້ອນຮັບ.

ແຫຼ່ງຂ່າວ: MediaLAOS

ບົດຄວາມຫຼ້າສຸດ

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...

ຣັດເຊຍເກີດແຜ່ນດິນໄຫວຮຸນແຮງລະດັບ 8.7 ຣິກເຕີ ທາງດ້ານຍີ່ປຸ່ນກຽມຮັບມືກັບຄຶ້ນໃຫຍ່ສຶນາມິ

ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ. ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025,...

ເສຍຫາຍຫຼາຍສົມຄວນ! ປະເມີນຜົນກະທົບຈາກໄພພິບັດ ແລະ ແນວທາງການຊ່ວຍເຫຼືອຟື້ນຟູ

ລາວໄດ້ຮັບຜົນກະທົບທັງໝົດ 34 ເມືອງ ແລະ ເສຍຊີວິດ 4 ຄົນ ຈາກຜົນກະທົບຈາກພາຍຸວິພາ ຄະນະກຳມະການຄຸ້ມຄອງໄພພິບັດຂັ້ນສູນກາງ ຈັດກອງປະຊຸມເພື່ອປຶກສາຫາລືກ່ຽວກັບການປະເມີນຜົນກະທົບ, ຜົນເສຍຫາຍ ແລະ ແນວທາງຟື້ນຟູສຸກເສີນ ບັນດາແຂວງທີ່ໄດ້ຮັບຜົນກະທົບຈາກພາຍຸວິພາ ໃນວັນທີ...