ຜົມ ລົ່ນເປັນບັນຫາສຳຄັນອີກຢ່າງໜຶ່ງທີ່ເຮັດໃຫ້ຄົນເກືອບ 100% ຕ້ອງວິຕົກກັງວົນກັບບັນຫານີ້ ບາງຄົນຕ້ອງເສຍຄ່າໃຊ້ຈ່າຍຫລາຍໃນການຊື້ຜະລິດຕະພັນ ຫລື ຢາມາໃຊ້ເພື່ອແກ້ບັນຫາ ແຕ່ໃນຂະນະດຽວກັນກໍມີວິທີແກ້ບັນຫາຜົມລົ່ນໂດຍບໍ່ຕ້ອງເສຍຄ່າໃຊ້ຈ່າຍເລີຍ ຫລື ຖ້າເສຍກໍ່ບໍ່ເສຍຫລາຍ ລອງເຮັດຕາມວິທີນີ້ເບິ່ງ…
- ເກືອແກ້ບັນຫາຜົມລົ່ນ
ຫາກຜົມລົ່ນຜິດປົກກະຕິໃນຂະນະທີ່ຫວີຜົມ ຫລື ເວລາເອົາມືລູບຜົມກໍລົ່ນຕິດມືມາໃຫ້ເອົາເກືອປະສົມນ້ຳອຸ່ນໃສ່ໃຫ້ທົ່ວຫົວ ນວດໃຫ້ຮູ້ສຶກຫົວຮ້ອນແລ້ວຈິ່ງລ້າງອອກ ກ່ອນໃສ່ຄວນສະຜົມເສຍກ່ອນເດີ ຈະເຫັນໄດ້ວ່າພຽງແຕ່ເກືອທີ່ມີຢູ່ກັນທຸກຄົວເຮືອນ ສາມາດແກ້ບັນຫາໄດ້ຢ່າງບໍ່ໜ້າເຊື່ອ ແລະ ຍັງປະຫຍັດຄ່າໃຊ້ຈ່າຍອີກດ້ວຍ
![73BB22C16FD3E03E241A4C0E9CB2[7]](http://www.laopost.com/wp-content/uploads/2014/11/73BB22C16FD3E03E241A4C0E9CB27.jpg)
2. ຂິງແກ້ບັນຫາຜົມລົ່ນ
ຂິງ ຖືເປັນສະໝຸນໄພຊະນິດໜຶ່ງ ທີ່ມີສາລະພັດປະໂຫຍດ ແລະ ໜຶ່ງໃນປະໂຫຍດຂອງຂິງ ຄື ສາມາດແກ້ຜົມລົ່ນໄດ້ ວິທີການ ຄື ນຳເຫງົ້າຂິງຂະໜາດໃຫຍ່ມາຂາງໄຟໃຫ້ອຸ່ນຈັດ ແລ້ວນຳໄປບົດໃຫ້ລະອຽດ ຈາກນັ້ນກໍນຳມາທາໃຫ້ທົ່ວໜັງຫົວ ນ້ຳມັນໃນຂິງຈະຊ່ວຍກະຕຸ້ນການງອກຂອງເສັ້ນຜົມ ເຮັດໃຫ້ຜົມທີ່ຂຶ້ນມາໃໝ່ມີຄວາມແຂງແຮງນຳ ຮູ້ແບບນີ້ແລ້ວ ໃຜທີ່ຢາກແກ້ບັນຫາຜົມລົ່ນກໍ່ລອງນຳວິທີທີ່ແນະນຳໄປປະຕິບັດກັນໄດ້.