spot_img
Homeຂ່າວພາຍ​ໃນມອບລົດກະບະ 2 ຄັນ ທີ່ລັກລອບນຳເຂົ້າມາ ສປປ ລາວ ແບບຜິດກົດໝາຍກັບຄືນປະເທດໄທ

ມອບລົດກະບະ 2 ຄັນ ທີ່ລັກລອບນຳເຂົ້າມາ ສປປ ລາວ ແບບຜິດກົດໝາຍກັບຄືນປະເທດໄທ

Published on

ປັດຈຸບັນ ຍັງກຸ່ມຄົນບໍ່ດີໄດ້ມີການເຄື່ອນໄຫວລັກລອບລົດນຳເຂົ້າທີ່ຜິດກົດໝາຍ ລຽບຕາມຊາຍແດນລາວ-ໄທ ແຕ່ກໍໄປບໍ່ລອດ ຈາກການຕິດຕາມເຄື່ອນໄຫວ ໂດຍການຮ່ວມມືຂອງເຈົ້າໜ້າທີ່ທັງສອງຝ່າຍ ລາວ-ໄທ ໃນວັນທີ 11 ມັງກອນ 2023 ທີ່ດ່ານສາກົນພູດູ່ ເມືອງປາກລາຍ ແຂວງໄຊຍະບູລີ ເຈົ້າໜ້າທີ່ພາສີ ຮ່ວມກັບພາກສ່ວນກ່ຽວຂ້ອງ ໄດ້ມອບ-ຮັບພາຫານະ ປະເພດລົດກະບະ 4 ປະຕູ ຈຳນວນ 2 ຄັນ ທີ່ຖືກລັກລອບນຳເຂົ້າ ສປປ ລາວ ແບບຜິດກົດໜາຍ ໃນວັນທີ 29 ທັນວາ 2022 ຜ່ານມາ ຄືນໃຫ້ແກ່ເຈົ້າໜ້າຝ່າຍໄທ ເພື່ອສົ່ງຄືນໃຫ້ກັບເຈົ້າຂອງເດີມຕໍ່ໄປ.

ລົດຈຳນວນ 2 ຄັນ ທີ່ເຈົ້າໜ້າທີ່ຢຶດມາໄດ້ນັ້ນ ເປັນປະເພດລົດກະບະ ຍີ່ຫໍ້ຣິໂວ້ 4 ປະຕູ ສີເທົາ ໜາຍເລກທະບຽນບໍ່ມີ ແລະ ລົດກະບະ 4 ປະຕູ ຍີ່ຫໍ້ອີ່ຊູຊູ ດີແມັກ ສີຂາວ ໜາຍເລກທະບຽນບໍ່ມີ ເຊິ່ງລົດຈຳນວນດັ່ງກ່າວ ແມ່ນຖືກຄົນບໍ່ດີລັກລອບນຳເຂົ້າມາຊຸກເຊື່ອງໄວ້ໃນປ່າ ເຂດບ້ານໃໜ່ ເມືອງທົ່ງມີໄຊແຂວງໄຊຍະບູລີ ຜ່ານການສືບສວນ-ສອບສວນຂອງເຈົ້າໜ້າທີ່ ແມ່ນເຫັນໄດ້ວ່າລົດຈຳນວນດັ່ງກ່າວ ຖືກລັກລອບນຳເຂົ້າຈາກປະເທດໄທແບບຜິດກົດໜາຍບໍ່ຖືກຕ້ອງ.

ເປັນກຽດກ່າວມອບລົດຄືນໃຫ້ແກ່ເຈົ້າໜ້າທີ່ຝ່າຍໄທຄັ້ງນີ້ ໂດຍທ່ານ ກອງສີ ວົງສີ ເຈົ້າເມືອງປາກລາຍ ແລະ ກ່າວຮັບຂອງທ່ານ ສາມາດ ອິນທະປັນຍາ ນາຍອຳເພີບ້ານໂຄກ ແຂວງອຸດຕາລະດິດ ລາຊະອານາຈັກໄທ ມີພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂີພະຍານ.

ແຫຼ່ງຂ່າວ Vientiane Mai

ບົດຄວາມຫຼ້າສຸດ

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...