ສ່ວນຫຼາຍເຮົາຈະເຫັນແຕ່ຕຳຫຼວດທີ່ປະຕິບັດຕາມໜ້າທີ່ຄື ຮັກສາຄວາມເປັນລະບຽບຂອງການສັນຈອນເທິງຫົນທາງ ການຈັບຄົນຮ້າຍ ແລະ ອື່ນໆ ເຊື່ອວ່າຫຼາຍໆຄົນຄົງບໍ່ຄ່ອຍເຫັນຄວາມດີຂອງຕຳຫຼວດອີກມຸມໜຶ່ງຄື ຊ່ວຍເຫຼືອປະຊາຊົນໃນເລື່ອງເລັກໆໜ້ອຍໆ ທີເຮົາເຫັນກໍຕ້ອງຮູ້ສຶກດີ.
ໃນວັນທີ 11 ມັງກອນ 2023 ຜູ້ໃຊ້ເຟສບຸກຊື່ Larzoy LarZoy ໄດ້ອອກມາໂພສກ່ຽວກັບຄວາມໜ້າຮັກຂອງຕຳຫຼວດທີ່ຊ່ວຍເຫຼືອປະຊາຊົນທີ່ເດືອດຮ້ອນຕາມທາງ ໂດຍເຫດການນັ້ນມີລົດຈັກປະຊາຊົນນ້ຳມັນລົດໝົດກາງທາງ ແຕ່ກໍມີຕຳຫຼວດໄດ້ມາເຫັນ ແລ້ວດູດນ້ຳມັນລົດໃຫ້.
ນີ້ເປັນເຫດການທີ່ປະຊາຊົນຕ່າງກໍຊົມເຊີຍ ແລະ ຍ້ອງຍໍຕຳຫຼວດ 2 ຄົນນັ້ນ.