ຫຼາຍໆຄົນ ອາດຈະມັກລືມກິນຢາ ແລ້ວບໍ່ຮູ້ວ່າຖ້າລືມຄວນກິນຕອນໃດຕໍ່ໄປ ຫຼື ອາດຈະຂ້າມໄປກິນເວລາຕໍ່ໄປເລີຍ.
ຢາກ່ອນອາຫານ
ຢາທີ່ກິນກ່ອນອາຫານຄວນກິນກ່ອນ 30 ນາທີ ເພື່ອໃຫ້ຢາອອກລິດ ແລະ ຄວນກິນຕອນທ້ອງຫວ່າງສະເໝີ.
ລືມກິນຢາກ່ອນອາຫານ
ບໍ່ຄວນກິນຢາ ພ້ອມ ຫຼື ຫຼັງອາຫານ ຄວນຂ້າມຄາບນັ້ນໄປເລີຍ ແລ້ວໄປກິນຢາກ່ອນຄາບອາຫານຕໍ່ໄປ ຫຼື ຖ້າຈະກິນຢາຫຼັງຄາບອາຫານກໍໄດ້ ແຕ່ຕ້ອງຖ້າ 2 ຊົ່ວໂມງເພື່ອໃຫ້ອາຫານຍ່ອຍໝົດກ່ອນຈຶ່ງກິນ ແລະ ບໍ່ຕ້ອງກິນຢາກ່ອນອາຫານຂອງຄາບຖັດໄປ.
ຢາຫຼັງອາຫານ
ຄວນກິນຢາຫຼັງອາຫານທັນທີ ຫຼື ບໍ່ຄວນເກີນ 15 ນາທີ ແລະ ຍັງສາມາດກິນຢາພ້ອມອາຫານໄດ້.
ລືມກິນຢາຫຼັງອາຫານ
ຖ້າລືມກິນຢາຫຼັງອາຫານເກີນ 15 ນາທີ ຄວນກິນຢາໃນຄາບຖັດໄປເລີຍ.
ຢາກ່ອນນອນ
ຄວນກິນຢາກ່ອນນອນ 15-30 ນາທີ ເພາະຖ້າກິນຢາກ່ອນໜ້ານັ້ນດົນ ອາດເຮັດໃຫ້ເຮົາຢາກນອນເນື່ອງຈາກຜົນຂອງຢາ ປະສິດທິພາບຂອງຢາກໍຈະຫຼຸດລົງ ຄວນກິນຕອນທີ່ເຮົາພ້ອມຈະນອນ.
ລືມກິນຢາກ່ອນນອນ
ຖ້າລືມກິນຢາກ່ອນນອນ ແມ່ນໃຫ້ກິນໃນຄືນຕໍ່ໄປເລີຍ ບໍ່ຄວນກິນໃນຕອນເຊົ້າຂອງມື້ຖັດມາ.
ນອກນີ້ ສຳລັບຢາທີ່ກິນສະເພາະເມື່ອມີອາການເຊັ່ນ ຢາດີໄຂ້ ດີເຈັບຫົວ ສາມາດກິນຕອນທີ່ມີອາການ ແລະ ຢຸດຢາເມື່ອອາການເຊົາແລ້ວ.
ຂໍ້ມູນຈາກ pharmacy mahidol