Homeຂ່າວພາຍ​ໃນນະຄອນຫລວງວຽງຈັນ ຈະກໍານົດເອົານົກຍຸງເປັນສັດນໍາໂຊກງານມະຫະກໍາກິລາແຫ່ງຊາດ ຄັ້ງທີ XII

ນະຄອນຫລວງວຽງຈັນ ຈະກໍານົດເອົານົກຍຸງເປັນສັດນໍາໂຊກງານມະຫະກໍາກິລາແຫ່ງຊາດ ຄັ້ງທີ XII

Published on

ນະຄອນຫລວງວຽງຈັນ ຈະນໍາໃຊ້ນັກສະແດງຫລາຍ 100 ກວ່າຄົນ ເພື່ອສະແດງສິລະປະໃນໂອກາດຮັບທຸງກິລາແຫ່ງຊາດຕໍ່ຈາກແຂວງຊຽງຂວາງ ເພື່ອເປັນເຈົ້າພາບຈັດງານມະຫະກໍາກິລາແຫ່ງຊາດ ຄັ້ງທີ XII ທີ່ເບື້ອງຕົ້ນກໍານົດວ່າຈະເລືອກເອົາປະຕູໄຊເປັນສັນຍາລັກ ແລະ ຈະເລືອກເອົານົກຍຸງເປັນສັດນໍາໂຊກ.

ທ່ານ ສົມພອນ ສອນດາລາ, ຫົວໜ້າພະແນກສຶກສາທິ ການ ແລະ ກິລານະຄອນຫລວງວຽງຈັນ ໃຫ້ສໍາພາດວ່າ: ນະຄອນຫລວງວຽງຈັນ ໄດ້ກະກຽມ ແລະ ເຝິກຊ້ອມການສະແດງສິລະປະເພື່ອສະແດງໃນໂອກາດຮັບທຸງກິລາແຫ່ງ ຊາດຕໍ່ຈາກແຂວງຊຽງຂວາງ ມາໄດ້ໄລຍະໜຶ່ງ ເຮັດໃຫ້ມາ ຮອດປັດຈຸບັນມີຄວາມແລ້ວ ໂດຍໄດ້ກະກຽມບົດຟ້ອນ ດົນຕີ ແລະ ເພັງຮ້ອງ ເຊິ່ງລັກສະນະການສະແດງໄດ້ນໍາເອົາຜາສາດເຜິ້ງນໍາໜ້າ ເພື່ອໃຫ້ເຫັນວ່າບຸນທາດຫຼວງໃນແຕ່ລະປີມີການແຫ່ຜາສາດເຜິ້ງ, ເຊີ່ງເປັນການຖວາຍບຸນກຸສົນໃຫ້ແກ່ພະພຸດ ພະທໍາ ພະສົງ ກໍຄື ການປັກປັກຮັກສາຮີດຄອງປະເພນີອັນດີງາມຂອງຊາວນະຄອນຫລວງວຽງ ຈັນ ກໍຄື ຂອງຊາດທີ່ມີມາແຕ່ດົນນານ, ຫຼັງຈາກນັ້ນ ຈະມີ ການສະແດງກາຍະສິນ, ເຕັ້ນ ແລະ ມີບົດເພັງປະກອບໃຫ້ຊື່ວ່າ ຍິນດີຕ້ອນຮັບສູ່ນະຄອນຫຼວງເກມ ເຊິ່ງເປັນການສະແດງໃຫ້ເຫັນວ່າຊາວນະຄອນຫລວງວຽງຈັນ ຍິນດີຕ້ອນຮັບບັນດານັກກິລາ, ເພື່ອນມິດຈາກທົ່ວປະເທດ ກໍຄືປະເທດອ້ອມຂ້າງ ເພື່ອມາຮ່ວມງານມະຫະກໍາກິລາແຫ່ງ ຊາດ ຄັ້ງທີ XII, ເຊີ່ງຄະນະນັກສະແດງຂອງນະຄອນ ຫລວງວຽງຈັນ ໄດ້ເດີນທາງມາເຖີງແຂວງຊຽງຂວາງ ໃນວັນທີ 19 ທັນວານີ້.

ທ່ານ ສົມພອນ ສອນດາລາ ໃຫ້ຮູ້ຕື່ມວ່າ: ງານມະຫະກໍາກິລາແຫ່ງຊາດ ຄັ້ງທີ XII ທີ່ນະຄອນຫລວງວຽງຈັນ ຈະໄດ້ຮັບກຽດເປັນເຈົ້າພາບ ເບື້ອງຕົ້ນຄາດວ່າຈະຈັດຂຶ້ນໃນປີ 2025 ໂດຍຈະເລືອກເອົາປະຕູໄຊເປັນສັນຍາລັກ, ເຊີ່ງປະຕູໄຊໝາຍເຖີງໄຊຊະນະ ແລະ ການແຂ່ງຂັນກິລາແຕ່ລະປະເພດຕ້ອງມີໄຊຊະນະ. ນອກຈາກນີ້ ຈະເລືອກເອົານົກຍຸງເປັນສັດນໍາໂຊກ ເນື່ອງຈາກເປັນສັດທີ່ສວຍງາມ ແລະ ເປັນສັດທີ່ໃກ້ຈະສູນພັນ, ສັດດັ່ງກ່າວຍັງມີຢູ່ບ້ານນາຄັນທຸງ, ເມືອງໄຊທານີ, ນະຄອນຫລວງວຽງຈັນ ເພື່ອເຮັດໃຫ້ລູກຫລານ ກໍຄື ຄົນລຸ້ນຫລັງໄດ້ເຫັນ ແລະ ຮັບຮູ້ເຖີງຄວາມເປັນມາຂອງນົກຍຸງຢູ່ນະຄອນຫລວງວຽງຈັນ.

ຢ່າງໃດກໍຕາມ, ນັບແຕ່ມື້ຮັບທຸງກິລາແຫ່ງຊາດຕໍ່ຈາກແຂວງຊຽງຂວາງ ເປັນຕົ້ນໄປ, ນະຄອນຫລວງວຽງຈັນ ຈະຮ່ວມກັບກະຊວງສຶກສາທິການ ແລະ ກິລາ, ລວມທັງສະ ຫະພັນກິລາແຕ່ລະປະເພດໃນການກະກຽມຄວາມພ້ອມດ້ານຕ່າງໆ ຢ່າງຮອບດ້ານ ເພື່ອເຮັດໃຫ້ການເປັນເຈົ້າພາບຈັດງານມະຫະກໍາກິລາ ຄັ້ງທີ XII ປະສົບຜົນສໍາເລັດຕາມທີ່ຄາດໝາຍໄວ້.

ແຫຼ່ງຂ່າວ Lao National Radio

ບົດຄວາມຫຼ້າສຸດ

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...