ສະມາຄົມເກມອັນດັບຕົ້ນໆຂອງຈີນ ສາມາດແກ້ໄຂບັນຫາການຕິດເກມໃນກຸ່ມເຍົາວະຊົນຂອງປະເທດໄດ້ແລ້ວ ຄາດວ່າເປັນໜ່ວຍງານບັງຄັບໃຊ້ກົດໝາຍທີ່ກ່ຽວຂ້ອງ.
ສຳນັກຂ່າວ ຣອຍເຕີ ໄດ້ລາຍງານວ່າ: ວັນທີ 23 ພະຈິກ ທີ່ນະຄອນຊ່ຽງໄຮ້ ປະເທດຈີນ ໄດ້ມີຄວາມຄິດເຫັນດັ່ງກ່າວມາຈາກ ຄະນະກຳມະການກຸ່ມອຸດສາຫະກຳເກມແຫ່ງຈີນ (CGIGC) ສະຖາບັນວິໄຈອຸດສາຫະກຳເກມແຫ່ງຈີນ ແລະ ຜູ້ບໍລິການຂໍ້ມູນ CNG.
ໃນເດືອນກັນຍາ 2021 ໜ່ວຍງານກຳກັບດູແລຂອງຈີນຫຼາຍແຫ່ງ ໄດ້ອອກກົດລະບຽບໃໝ່ ເຊິ່ງຫ້າມຜູ້ທີ່ມີອາຍຸຕ່ຳກວ່າ 18 ປີ ຫຼິ້ນເກມເກີນ 3 ຊົ່ວໂມງຕໍ່ອາທິດ ນັບເປັນການແຊກແຊງທາງສັງຄົມຢ່າງເຂັ້ມງວດ ທີ່ລັດຖະບານຈີນກ່າວວ່າ ມັນຈຳເປັນຕ້ອງຢຸດພຶດຕິກຳຕິດເກມດັ່ງກ່າວ.
ການເຄື່ອນໄຫວດັ່ງກ່າວ ເປັນສ່ວນໜຶ່ງຂອງການປາບປາມພາກສ່ວນເຕັກໂນໂລຊີຂອງຈີນ ແລະ ມັນເບິ່ງຄືເປັນການຍົກລະດັບການຄວບຄຸມອຸດສາຫະກຳເກມ.
ນອກນີ້ ຍັງພົບວ່າ ຜູ້ຫຼິ້ນທີ່ມີອາຍຸຕ່ຳກວ່າ 18 ປີ ຫຼາຍກວ່າ 75% ຫຼິ້ນເກມໜ້ອຍກວ່າ 3 ຊົ່ວໂມງຕໍ່ອາທິດ.