ຊາອຸດິອາລັບບີ ປະກາດໃຫ້ວັນທີ 23 ພະຈິກ ເປັນມື້ພັກພິເສດ ເພື່ອໃຫ້ປະຊາຊົນໄດ້ສະຫຼອງໄຊຊະນະ ພາຍຫຼັງຊາອຸດິອາລັບບີ ຊະນະ ອາເຈນຕິນ່າ ໃນການແຂ່ງຂັນເຕະບານໂລກ 2022.
ໃນວັນອັງຄານ ທີ 22 ພະຈິກ 2022 ຊາອຸດິອາລັບບີໄດ້ສ້າງຄວາມແປກໃຈໃຫ້ກັບຜູ້ຄົນທົ່ວໂລກ ດ້ວຍການເອົາຊະນະ ອາເຈນຕິນ່າ 2-1 ໃນການແຂ່ງຂັນບານໂລກ 2022 ກຸ່ມ C ນັດທຳອິດ.
ໂດຍກະສັດ ຊັລມານ ບິນ ອັບດຸນອະຊິສ ແຫ່ງຊາອຸດິອາລັບບີ ໄດ້ປະກາດໃຫ້ວັນທີ 23 ພະຈິກ ເປັນມື້ພັກພິເສດ ເພື່ອສະຫຼອງໄຊຊະນະ ຊາອຸດິອາລັບບີຂອງທີມຊາດເຕະບານທີ່ຄວ້າໄຊຊະນະໃຫ້ກັບປະເທດຊາດ.
ບານໂລກ ໃນປີນີ້ ເປັນຄັ້ງທຳອິດທີ່ຈັດຂຶ້ນທີ່ພາກຕາເວັນອອກກາງ ແລະ ຍັງເໝືອນກັບຈັດຢູ່ໃນບ້ານຕົນເອງຍ້ອນວ່າ ຊາອຸດິອາລັບບີ ກັບກາຕາ ມີຊາຍແດນຕິດຈອດກັນ ເຮັດໃຫ້ສະໜາມກິລາເຕັມໄປດ້ວຍປະຊາຊົນຊາອຸດິອາລັບບີ 88,012 ບ່ອນນັ່ງ.
ໃນການສະເຫຼີມສະຫຼອງໃນຄັ້ງນີ້ ຈະມີເປີດໄຟທີ່ຕຶກອາຄານສູງ ແລະ ສາຍຮູບທຸງຊາດຢູ່ເທິງຕຶກ.
ແຫຼ່ງຂ່າວຈາກ Aljazeera
