spot_img
Homeຂ່າວກິລາກະຊວງປ້ອງກັນຄວາມສະຫງົບ ກວາດໄດ້ເຖິງ 6 ຫຼຽນຄຳ

ກະຊວງປ້ອງກັນຄວາມສະຫງົບ ກວາດໄດ້ເຖິງ 6 ຫຼຽນຄຳ

Published on

ການແຂ່ງຂັນກິລາຍິງປືນ ງານມະຫາກຳກິລາຊາດ ຄັ້ງທີ 11 ຫຼື “ຊຽງຂວາງ ເກມ” ທີ່ແຂວງຊຽງຂວາງ ຮັບກຽດເປັນເຈົ້າພາບ ຈັດຂຶ້ນທີ່ສະໜາມກິລາຝຶກຊ້ອມ 5 ເມສາ ລະຫວ່າງວັນທີ 14-20 ພະຈິກ 2022 ມາຮອດປັດຈຸບັນທັບນັກແມ້ນປືນກະຊວງປ້ອງກັນຄວາມສະຫງົບ ຫຼື ປກສ ສາມາດກວາດໄດ້ເຖິງ 6 ຫຼຽນຄຳ ພ້ອມນຳເປັນເຈົ້າຫຼຽນຄຳ. ຂະນະທີ່ ກະຊວງປ້ອງກັນປະເທດ ແຊ໋ມຫຼຽນຄຳ ປີ 2014 ກໍບໍ່ນ້ອຍໜ້າເຊັ່ນກັນຍາດມາໄດ້ແລ້ວ 4 ຫຼຽນຄຳ ຈີ້ຫຼັງຢ່າງຕິດໆ.

ພາຍຫຼັງທີ່ໄດ້ມີການແຂ່ງຂັນມາແຕ່ວັນທີ 14 ພະຈິກ ຜ່ານມາ ຮອດປັດຈຸບັນ ກໍສາມາດແຂ່ງຂັນສຳເລັດໄປແລ້ວບາງລາຍການ, ໃນນັ້ນນັກກິລາແມ້ນປືນ ປກສ ສາມາດສ້າງຜົນງານຢ່າງໂດດເດັ່ນ ກວາດໄປ 6 ຫຼຽນຄຳ ຈາກປະເພດ ປືນສັ້ນອັດລົມ ໄລຍະ 10 ແມັດດ່ຽວຍິງ, ປືນສັ້ນອັດລົມ ໄລຍະ 10 ແມັດທີມຍິງ, ປືນສັ້ນອັດລົມ ໄລຍະ 10 ແມັດດ່ຽວຊາຍ, ປືນສັ້ນອັດລົມ ໄລຍະ 10 ແມັດທີມຊາຍ, ປືນສັ້ນຍິງຊ້າ 50 ແມັດດ່ຽວຊາຍ ແລະ ປືນຍາວອັດລົມ ໄລຍະ 10 ແມັດດ່ຽວຊາຍ. ສ່ວນກອງທັບ ໄລ່ມາເປັນອັນດັບທີ 2 ຍາດໄດ້ແລ້ວ 4 ຫຼຽນຄຳ ຈາກປືນຍາວອັດລົມ ໄລຍະ 10 ແມັດທີມຊາຍ 1 ຫຼຽນຄຳ, ປືນຍາວອັດລົມ ໄລຍະ 10 ແມັດດ່ຽວຍິງ 2 ຫຼຽນຄຳ ແລະ ປືນສັ້ນຍິງຊ້າ 50 ແມັດທີມຊາຍ 1 ຫຼຽນຄຳ.

ການແຂ່ງຂັນຍິງປືນ ຊຽງຂວາງ ເກມ ໄດ້ແບ່ງການແຂ່ງຂັນອອກເປັນ 3 ໄລຍະແຂ່ງຂັນ ກໍຄື ໄລຍະທີ 1 ແລະ ໄລຍະທີ 2 ແຂ່ງຂັນ ທີ່ສະໜາມກິລາຝຶກຊ້ອມຍິງປືນ 5 ເມສາ ແລະ ໄລຍະທີ 3 ແຂ່ງຂັນ ທີ່ທີ່ໂຮງຮຽນນາຍສິບ ປກສ ແຂວງຊຽງຂວາງ ຊຶ່ງມີການຊີງໄຊທັງໝົດ 34 ຫຼຽນຄຳ, 34 ຫຼຽນເງິນ ແລະ 68 ຫຼຽນທອງ ສຳລັບໄລຍະທຳອິດ ແມ່ນແຂ່ງຂັນ ລະຫວ່າງວັນທີ 14-20 ພະຈິກ 2022 ມີການຊີງໄຊ 18 ຫຼຽນຄຳ, 18 ຫຼຽນເງິນ ແລະ 36 ຫຼຽນທອງ ປະກອບມີ ປືນສັ້ນອັດລົມ ໄລຍະ 10 ແມັດ ດ່ຽວ ແລະ ທີມຍິງ-ຊາຍ, ປືນຍາວອັດລົມ ໄລຍະ 10 ແມັດດ່ຽວ ແລະ ທີມຍິງ-ຊາຍ, ປືນສັ້ນຍິງຊ້າ 50 ແມັດໄລຍະ 10 ແມັດດ່ຽວ ແລະ ທີມຊາຍ, ປືນຍາວທ່ານອນໄລຍະ 10 ແມັດດ່ຽວ ແລະ ທີມຍິງ, ປືນຍາວ 3 ທ່າ ຊາຍ ແລະ ປືນຍາວ 3 ທ່າ ໄລຍະ 10 ແມັດ ດ່ຽວ ແລະ ທີມຍິງ-ຊາຍ.

ສ່ວນໄລຍະທີສອງ ແຂ່ງຂັນລະຫວ່າງວັນທີ 23-29 ພະຈິກ ມີການຊີງໄຊ 8 ຫຼຽນຄຳ, 8 ຫຼຽນເງິນ ແລະ 16 ຫຼຽນທອງ ຈາກປະເພດ ປືນຍາວເປົ້າເລື່ອນ ຫຼື ປະເພດປືນເທັນນິ້ງ ທາເກັດ, ໃນນັ້ນ ປະກອບມີ ລາຍການຍິງພາກຊ້າ 4 ຫຼຽນຄຳ, 4 ຫຼຽນເງິນ ແລະ 8 ຫຼຽນທອງ ຈາກດ່ຽວຍິງ-ຊາຍ ແລະ ທີມຍິງ-ຊາຍ ແລະ ຍິງພາກປະສົມ ຊ້າບວກໄວ 4 ຫຼຽນຄຳ, 4 ຫຼຽນເງິນ ແລະ 8 ຫຼຽນທອງ ຈາກດ່ຽວຍິງ-ຊາຍ ແລະ ທີມຍິງ-ຊາຍ.

ຂະນະທີ່ໄລຍະສຸດທ້າຍ ຂອງການແຂ່ງຂັນ ແມ່ນເລີ່ມລະຫວ່າງວັນທີ 14-16 ທັນວາ 2022 ທີ່ໂຮງຮຽນນາຍສິບ ປກສ ແຂວງຊຽງຂວາງ ມີການຊີງໄຊ 8 ຫຼຽນຄຳ, 8 ຫຼຽນເງິນ ແລະ 16 ຫຼຽນທອງ ຈາກປະເພດ ປືນສັ້ນ 15 ແມັດ 4 ຫຼຽນຄຳ ຈາກດ່ຽວຍິງ-ຊາຍ ແລະ ທີມຍິງ-ຊາຍ ແລະ ປືນສັ້ນ 25 ແມັດ 4 ຫຼຽນຄຳ ຈາກດ່ຽວຍິງ-ຊາຍ ແລະ ທີມຍິງ-ຊາຍ ໂດຍພິທີມອບຫຼຽນທັງໝົດ 34 ຫຼຽນຄຳ, 34 ຫຼຽນເງິນ ແລະ 68 ຫຼຽນທອງ ແມ່ນຈະຈັດຂຶ້ນໃນວັນທີ 16 ທັນວາ 2022.

ທີ່ມາ: ໜັງສືພິມສຶກສາ-ກິລາ ລາຍວັນ

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...