spot_img
Homeຂ່າວພາຍ​ໃນສະຫວັນນະເຂດ ຈັດຄາຣາວານລົດຖີບ 2 ຝັ່ງຂອງ ເຊື່ອມໂຍງການທ່ອງທ່ຽວລາວ-ໄທ ສະຫວັນນະເຂດ-ມຸກດາຫານ

ສະຫວັນນະເຂດ ຈັດຄາຣາວານລົດຖີບ 2 ຝັ່ງຂອງ ເຊື່ອມໂຍງການທ່ອງທ່ຽວລາວ-ໄທ ສະຫວັນນະເຂດ-ມຸກດາຫານ

Published on

ໃນຕອນເຊົ້າວັນທີ 13 ພະ ຈິກ 2022 ທີ່ຂົວມິດຕະພາບ ລາວ-ໄທ ແຫ່ງທີ 2 ແຂວງສະຫວັນນະເຂດ ໄດ້ມີພິທີຕ້ອນຮັບຂະ ບວນຄາຣາວານລົດຖີບ 2 ຝັ່ງຂອງ ເຊື່ອມໂຍງການທ່ອງທ່ຽວ ລາວ-ໄທ ສະຫວັນນະ ເຂດ-ມຸກ ດາຫານ ໂດຍການໃຫ້ກຽດຕ້ອນຮັບຂອງ ທ່ານ ນາງ ຫຼິງທອງ ແສງຕາວັນ ຮອງເຈົ້າ ແຂວງສະຫວັນນະເຂດ, ທ່ານ ປະສົງສິນ ຈະເລີນສຸກ ເຈົ້ານະຄອນໄກສອນພົມວິຫານ, ທ່ານ ພຕວ ສົມໝາຍ ພົມມະຈັນ ຫົວໜ້າກອງ ບັນຊາການ ປກສ ແຂວງ, ທ່ານ ໂພສີສ້ອຍ ກຸທິລາດ ຫົວໜ້າ ພະແນກ ຖວທ ແຂວງ, ຝ່າຍແຂວງມຸກດາຫານນຳ ໂດຍ ທ່ານ ວະໄລພັນ ນ້ອຍສັນເທ໊ຍ ຮອງຜູ້ວ່າຣາຊະການແຂວງມຸກ ດາຫານ, ທ່ານ ອະທິປັດ ໂຣດ ຈະນະໄພບູນ ກົງສຸນໃຫຍ່ແຫ່ງ ຣາຊາອານາຈັກໄທປະຈຳແຂວງ ສະຫວັນນະເຂດ, ຄະນະຊີ້ນຳ ຄາຣາວານລົດຖີບ 2 ຝັ່ງຂອງ ເຊື່ອມໂຍງການທ່ອງທ່ຽວລາວ-ໄທ ບັນດານັກທ່ຽວທ່ຽວ ຈາກ ປະເທດໄທ-ລາວ ແລະ ຊື່ມວນຊົນ ເຂົ້າຮ່ວມ.

ທ່ານ ໂພສີສ້ອຍ ກຸທິລາດ ຫົວໜ້າພະແນກ ຖວທ ແຂວງ ໄດ້ລາຍງານວ່າ: ກິດຈະກໍາຄາ ຣາວານລົດຖີບ 2 ຝັ່ງຂອງ ເຊື່ອມ ໂຍງການທ່ອງທ່ຽວລາວ-ໄທ ເພື່ອແນໃສ່ການຟື້ນຟູ ແລະ ການສົ່ງເສີມການທ່ອງທ່ຽວລະຫວ່າງ ສະຫວັນນະເຂດ-ມຸກດາຫານທັງ ເປັນການກະຕຸ້ນເສດຖະກິດພາຍຫຼັງ ການແຜ່ລະບາດຂອງພະຍາດໂຄວິດ-19, ການກະກຽມແມ່ນ ເລິ່ມແຕ່ເດືອນກັນຍາຫາເດືອນ ຕຸລາ ໄດ້ມີການສຳຫຼວດເສັ້ນທາງ ແລະ ປະຊຸມວາງແຜນຈັດ ກິດຈະກຳການທ່ອງທ່ຽວຮ່ວມກັນ 5 ຄັ້ງ, ມີການໂຄສະນາປະຊາສຳພັນທົ່ວສັງຄົມໃນແຂວງສະຫວັນນະເຂດ ແລະ ແຂວງມຸກດາຫານ ແລະ ຮັບລົງທະບຽນດ້ວຍຫຼາຍຮູບແບບ, ທັງແບບອອນລາຍ ແລະ ແບບສະໝັກດ້ວຍຕົນເອງ, ການເຂົ້າຮ່ວມຄາຣາວານຄັ້ງ ນີ້ມີຜູ້ເຂົ້າຮ່ວມ 580 ຄົນ, ໃນນີ້ແຂວງມຸກດາຫານ ມີ 430 ຄົນ ແລະ ແຂວງສະຫວັນນະເຂດ 150 ຄົນ.

ໂອກາດນີ້, ທ່ານ ນາງ ຫຼິງທອງ ແສງຕາວັນ ຮອງເຈົ້າແຂວງສະຫວັນນະເຂດ ກໍ່ໄດ້ກ່າວຕ້ອນຮັບ ຂະບວນຄາຣາວານລົດຖີບ 2 ຝັ່ງ ຂອງເຊື່ອມໂຍງການທ່ອງທ່ຽວ ລາວ-ໄທ, ສຳລັບຄາຣາວານລົດ ຖີບ 2 ຝັງຂອງເຊື່ອມໂຍງການ ທ່ອງທ່ຽວລາວ-ໄທ ສະຫວັນນະເຂດ-ມຸກດາຫານ ແມ່ນໄດ້ເລີ່ມຂີ່ຈາກຂົວມິດຕະພາບລາວ-ໄທ ແຫ່ງທີ່ 2 ໄປຫາ ພຣະທາດອີງຮັງແລ້ວກັບເຂົ້າມາກົງສຸນໃຫຍ່ ແຫ່ງຣາຊະອານາຈັກໄທປະຈຳ ແຂວງສະຫວັນນະເຂດ, ຂີ່ມາເສັ້ນແຄມຂອງຕໍ່ໜ້າຮູບປັ້ນພະຍານາກໃຫຍ່ ໜ້າວັດໃຫຍ່ໄຊຍະພູມກັບມາຮັບປະທານອາຫານທ່ຽງ ແລະ ຈັດກິດຈະກຳທີ່ຫໍພິພິທະພັນແຂວງ, ນອກນີ້ ໃນຕອນແລງກໍ່ໄດ້ມີພິທີບາສີສູ່ຂວັນ ທີ່ໂຮງໜັງເກົ່າລາວຈະເລີນສະແຄ ພ້ອມຮັບຊົມກິດຈະກຳຕ່າງໆ, ໃນຕອນເຊົ້າວັນທີ 14 ພະຈິກ 2022 ກໍມີພິທີຕັກບາດທີ່ແຄມ ຂອງຕໍ່ໜ້າຮູບປັ້ນພະຍານາກ ໃຫຍ່ໜ້າວັດໃຫຍ່ໄຊຍະພູມ ໂດຍມີ ພຣະສົງ 39 ອົງ.

ຂ່າວຈາກ ສະຫວັນພັດທະນາ ຂ່າວ

ພາບຈາກ ກົງສູນໃຫຍ່ສະຫວັນນະເຂດ

 

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...