spot_img
Homeຂ່າວຕ່າງປະເທດນາຍົກກຳປູເຈຍຕິດໂຄວິດ ຍົກເລີກເຂົ້າຮ່ວມກອງປະຊຸມ G20 ແລະ APEC

ນາຍົກກຳປູເຈຍຕິດໂຄວິດ ຍົກເລີກເຂົ້າຮ່ວມກອງປະຊຸມ G20 ແລະ APEC

Published on

ສຳນັກຂ່າວກຳປູເຈຍ The Phnom Penh Post ໄດ້ລາຍງານວ່າ: ທ່ານ ຮຸນ ເຊນ ນາຍົກລັດຖະມົນຕີຂອງກຳປູເຈຍ ໄດ້ເປີດເຜີຍວ່າ ລາວມີຜົນກວດໂຄວິດ-19 ເປັນບວກທີ່ອິນໂດເນເຊຍ ນັ້ນຫຼາຍຄວາມວ່າລາວໄດ້ຕິດໂຄວິດ ເຊິ່ງລາວມີກຳນົດການເຂົ້າຮ່ວມກອງປະຊຸມສຸດຍອດ G20 ໃນຖານະປະທານອາຊຽນ.

ທ່ານ ຮຸນ ເຊນ ລະບຸວ່າ ກ່ອນອອກຈາກກຳປູເຈຍ ລາວກໍໄດ້ກວດໂຄວິດ-19 ຢູ່ຕະຫຼອດ ແລະ ພາຍຫຼັງອອກປະເທດ ລາວກໍໄດ້ກວດຫາເຊື້ອໂຄວິດຢ່າງຮີບດ່ວນ ຜົນປາກົດວ່າເປັນລົບ ແລະ ກໍບໍ່ຮູ້ວ່າຕິດເຊື້ອຕອນໃດ ເຊິ່ງຕອນນີ້ກໍບໍ່ມີອາການຜິດປົກກະຕິ.

ໃນວັນທີ 14 ພະຈິກນີ້ ທ່ານ ຮຸນ ເຊນ ໄດ້ມີນັດພົບປະກັບ ທ່ານ ເອັມມານູເອລ ມາຄຣົງ ປະທານາທິບໍດີຝຣັ່ງ ເຊິ່ງເປັນກິດຈະກຳໃນການປະຊຸມສຸດຍອດ G20 ແຕ່ ທ່ານ ຮຸນ ເຊນ ກໍບໍ່ສາມາດເຂົ້າຮ່ວມໄດ້.

ທັ້ງນີ້ ເພື່ອຄວາມປອດໄພສຳລັບຜູ້ອື່ນ ທ່ານ ຮຸນເຊນ ພ້ອມຄະນະຜູ້ແທນ ໄດ້ຕັດສິນໃຈເດີນທາງກັບກຳປູເຈຍ ແລະ ມອບຕຳແໜ່ງປະທານອາຊຽນໃຫ້ອິນໂດເນເຊຍ ສຳລັບກອງປະຊຸມສຸດຍອດ ເພາະອິນໂດເນເຊຍເປັນປະທານອາຊຽນຄົນຕໍ່ໄປ.

ນອກຈາກນີ້ ໃນວັນທີ 18 ພະຈິກ ຜູ້ນຳກຳປູເຈຍຈະເຂົ້າຮ່ວມຢ່າງບໍ່ເປັນທາງການໃນຜູ້ນຳອາຊຽນ-ອາຊີປາຊີຝິກ  (APEC) ຄັ້ງທີ 29 ທີ່ປະເທດໄທ  ແຕ່ຂະນະນີ້ ທ່ານຮຸນ ເຊນ ກໍໄດ້ຍົກເລີກແລ້ວ ໂດຍລາວໄດ້ກ່າວວ່າ ຍັງຈະເຮັດວຽກຕໍ່ໄປ ໂດຍການປະຊຸມແບບໂຕຕໍ່ໂຕໄດ້ຍົກເລີກ.

 

ບົດຄວາມຫຼ້າສຸດ

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...