spot_img
Homeຂ່າວພາຍ​ໃນແຂວງຈຳປາສັກສັ່ງປິດຮ້ານເກມອອນລາຍໃນຂອບເຂດນະຄອນປາກເຊ

ແຂວງຈຳປາສັກສັ່ງປິດຮ້ານເກມອອນລາຍໃນຂອບເຂດນະຄອນປາກເຊ

Published on

ຕອນເຊົ້າຂອງວັນທີ 9 ພະຈິກ 2022 ນີ້ ຄະນະສະເພາະກິດຂັ້ນແຂວງຈຳປາສັກ ເຊິ່ງນໍາໂດຍ ທ່ານ ວິໄລ ແກ້ວມະນີໄລ ກໍາມະການພັກແຂວງ ຫົວໜ້າພະແນກເຕັກໂນໂລຊີ ແລະການສື່ສານແຂວງ ພ້ອມໜ່ວຍງານທີ່ກ່ຽວຂ້ອງ ແລະ ປ.ກ.ສ ກຸ່ມ ພາຍໃນນະຄອນປາກເຊ ລົງເຄື່ອນໄຫວແກ້ໄຂປະກົດການຫຍໍ້ທໍ້ຈາກການບໍລິການຂອງຮ້ານອິນເຕີເນັດກາເຟ, ຮ້ານເກມອອນລາຍ ແລະ ການພະນັນອອນລາຍ ຢູ່ທີ່ບ້ານຫ້ວຍເລົາ, ບ້ານດອນເຂາະ, ສະໜາມໄຊ, ບ້ານຈັດສັນຫຼັກ7 ແລະ ໂນນສະຫວ່າງ.

ເຊິ່ງໃນແຕ່ລະບ້ານ ຄະນະສະເພາະກິດຂັ້ນແຂວງ ໄດ້ກວດຄົ້ນ ແກ້ໄຂຮ້ານອິນເຕີເນດກາເຟ, ຮ້ານເກມອອນລາຍ, ຮ້ານພະນັນອອນລາຍ ເພື່ອໃຫ້ອໍານາດການປົກຄອງບ້ານ ແລະ ປ.ກ.ສ ກຸ່ມບ້ານ ໄດ້ຮັບຊາບກ່ອນຈະມີການເຄື່ອນໄຫວຕົວຈິງ.

ຜ່ານການເກັບກໍາຂໍ້ມູນຢູ່ບ້ານຫ້ວຍເລົາມີ 1 ຮ້ານ ໄດ້ເຮັດບົດບັນທຶກໃຫ້ປິດ 1 ຮ້ານ, ບ້ານດອນເຂາະມີ 3 ຮ້ານ ໄດ້ເຮັດບົດບັນທຶກໃຫ້ປິດຈຳນວນ 1 ຮ້ານ ແລະ 2 ຮ້ານແມ່ນໄດ້ປິດກິດຈະການກ່ອນແລ້ວ, ບ້ານສະໜາມໄຊມີຈຳນວນ 10 ຮ້ານ ໄດ້ເຮັດບົດບັນທຶກໃຫ້ປິດຈຳນວນ 1 ຮ້ານ, 4 ຮ້ານແມ່ນໄດ້ເຮັດບົດບັນທຶກໃນການເຄື່ອນໄຫວກິດຈະການໃຫ້ສອດຄ່ອງຕາມຂໍ້ຕົກລົງຂອງລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ສະບັບເລກທີ 828/ປທສ ລົງວັນທີ 11 ມີນາ 2015 ແລະ ຈຳນວນ 5 ຮ້ານແມ່ນໄດ້ປິດກິດຈະການກ່ອນແລ້ວ, ບ້ານຈັດສັນຫຼັກ 7 ມີຈຳນວນ 14 ຮ້ານ ໄດ້ເຮັດບົດບັນທຶກໃຫ້ປິດຈຳນວນ 4 ຮ້ານ, 3 ຮ້ານແມ່ນໄດ້ເຮັດບົດບັນທຶກໃນການເຄື່ອນໄຫວກິດຈະການໃຫ້ສອດຄ່ອງຕາມຂໍ້ຕົກລົງຂອງລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ສະບັບເລກທີ 828/ປທສ ລົງວັນທີ 11 ມີນາ 2015 ແລະ ຈຳນວນ 7 ຮ້ານແມ່ນໄດ້ປິດກິດຈະການກ່ອນແລ້ວ, ບ້ານໂນນສະຫວ່າງ ມີຈຳນວນ 7 ຮ້ານໄດ້ເຮັດບົດບັນທຶກໃຫ້ປິດຈຳນວນ 4 ຮ້ານແລະ ຈຳນວນ 3 ຮ້ານແມ່ນໄດ້ປິດກິດຈະການກ່ອນແລ້ວ. ຄະນະກຳມະການດັ່ງກ່າວ ຈະໄດ້ສືບຕໍ່ໃຫ້ສຳເລັດທົ່ວນະຄອນປາກເຊ ພາຍໃນວັນທີ 11 ພະຈິກຈິກ 2022 ນີ້, ພ້ອມນັ້ນກໍ່ຈະໄດ້ຈັດກອງປະຊຸມຖອດຖອນບົດຮຽນ ແລະ ລາຍງານຂັ້ນເທີງຜົນການແກ້ໄຂໃນຄັ້ງນີ້.

ແຫຼ່ງຂ່າວຈາກ Media Laos

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...