spot_img
Homeຂ່າວກິລາການແຂ່ງຂັນກິລາ ບານສົ່ງໃນຮົ່ມ ທົ່ວປະເທດ ຊີງຂັນປະທານ ສບສ ຄັ້ງທີ 4

ການແຂ່ງຂັນກິລາ ບານສົ່ງໃນຮົ່ມ ທົ່ວປະເທດ ຊີງຂັນປະທານ ສບສ ຄັ້ງທີ 4

Published on

ເປີດສາກຂຶ້ນຢ່າງເປັນທາງການ ການແຂ່ງຂັນກິລາບານສົ່ງໃນຮົ່ມຍິງ-ຊາຍ ທົ່ວປະເທດ ຊີງຂັນປະທານສະຫະພັນບານສົ່ງແຫ່ງຊາດລາວ ຫຼື ສບສ ຄັ້ງທີ 4 ປະຈຳປີ 2022 ພາຍຫຼັງທີ່ໄດ້ດຳເນີນແຂ່ງຂັນມາແຕ່ວັນທີ 29 ຕຸລາ ຜ່ານມາ ທີ່ສະໜາມກິລາໃນຮົ່ມ ກະຊວງປ້ອງກັນປະເທດ ຫຼື ກອງທັບ (ຫຼັກ5) ເພື່ອເປັນການທົດສອບທີມ ແລະ ຄະນະກຳມະການຕັດສິນ ກຽມຮອງຮັບງານມະຫະກຳກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງ ຮັບກຽດເປັນເຈົ້າພາບ ໃຫ້ການສະໜັບສະໜູນຫຼັກໂດຍບໍລິສັດ ເບຍລາວ ຈຳກັດ ຈຳນວນ 231 ລ້ານກີບ.

ພິທີເປີດການແຂ່ງຂັນກິລາບານສົ່ງໃນຮົ່ມຍິງ-ຊາຍ ທົ່ວປະເທດ ຊີງຂັນປະທານ ສບສ ຄັ້ງທີ 4 ປະຈຳປີ 2022 ໄດ້ມີຂຶ້ນ ເມື່ອວັນທີ 31 ຕຸລາ ຜ່ານມາ ທີ່ສະໜາມກິລາໃນຮົ່ມ ກອງທັບ (ຫຼັກ5), ໃຫ້ກຽດເຂົ້າຮ່ວມຂອງ ທ່ານ ສຸລິຍາ ແກ້ວພິລາວົງ ຫົວໜ້າຫ້ອງການ ສູນກາງຊາວໜຸ່ມປະຊາຊົນ ປະຕິວັດລາວ ທັງເປັນຮອງປະທານສະຫະພັນບານສົ່ງແຫ່ງຊາດລາວ ແລະ ທ່ານ ສີຈັນ ຈິດຕະປັນຍາ ຮອງຫົວໜ້າກົມກິລາລະດັບສູງ ກະຊວງສຶກສາທິການ ແລະ ກິລາ ພ້ອມດ້ວຍຕາງໜ້າຄະນະກຳມະການໂອແລມປິກແຫ່ງຊາດລາວ, ກົມກິລາມວນຊົນ, ພະລະ ແລະ ສິລະປະສຶກສາ, ບັນດາພາກສ່ວນທຸລະກິດໃຫ້ການສະໜັບສະໜູນ ຕະຫຼອດຄະນະນຳ, ຄູຝຶກ, ນັກກິລາ ແລະ ກອງເຊຍເຂົ້າຮ່ວມຢ່າງເປັນຂະບວນການຟົດຟື້ນ.

ໂອກາດນີ້, ທ່ານ ສຸລິຍາ ແກ້ວພິລາວົງ ກ່າວໃຫ້ຮູ້ວ່າ: ການແຂ່ງຂັນກິລາບານສົ່ງໃນຮົ່ມຍິງ-ຊາຍ ທົ່ວປະເທດ ຊີງຂັນປະທານ ສບສ ຄັ້ງທີ 4 ປະຈຳປີ 2022 ປີນີ້ ຈັດຂຶ້ນ ກໍເພື່ອສ້າງຂະບວນການສະເຫຼີມສະຫຼອງວັນສຳຄັນຕ່າງໆຂອງພັກ ແລະ ຂອງຊາດ ແລະ ເປັນການທົດສອບທີມ ແລະ ຄະນກຳມະການຕັດສິນ ກຽມຮອງຮັບມະຫະກຳກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງ ຮັບກຽດເປັນເຈົ້າພາບ ໃນທ້າຍປີນີ້.

ພ້ອມກັນນັ້ນ, ກໍຍັງເປັນການທົດສອບຄວາມສາມາດຂອງນັກກິລາ ເພື່ອເລືອກເຟັ້ນນັກກິລາຜູ້ມີພອນສະຫວັນດີເດັ່ນກຽມຮັບໃຊ້ທີມຊາດເຂົ້າຮ່ວມແຂ່ງຂັນລາຍການຕ່າງໆ ໃນຕໍ່ໜ້າ ລາຍການດັ່ງກ່າວມີ 16 ທີມເຂົ້າຮ່ວມ, ໃນນັ້ນ ປະເພດທີມຊາຍ ມີ 10 ສະໂມສອນ ແລະ ທີມຍິງມີ 6 ສະໂມສອນ ທັງສອງລາຍການດັ່ງກ່າວ ຈັດແບ່ງອອກເປັນ 2 ກຸ່ມ ແຕ່ລະກຸ່ມແຂ່ງຂັນພົບກັນໝົດຄັດເອົາທີ 1-2 ຜ່ານເຂົ້າໄປຫຼິ້ນໃນຮອບຕໍ່ໄປ ສະເພາະທີມຊາຍ ສາຍ ກ ປະກອບມີ ຮອງແຊ໋ມເກົ່າ ລາວສະກາຍເວ, ແຂວງບໍ່ແກ້ວ, ວິທະຍາໄລພະລະສຶກສາ, ກຣຸບ-ອັບ ວີຊີ, ສະໂມສອນ ວຽງຈັນ; ສາຍ ຂ ປະກອບມີ ກະຊວງປ້ອງກັນປະເທດ ແຊ໋ມເກົ່າ, ນະຄອນຫຼວງວຽງຈັນ, ອອດດີ້ ສະປອດ, ເລັບ ເຟັດທູຣີ ແລະ ບີແກນ ສະປອດ. ຂະນະທີ່ ທີມຍິງ ສາຍ ກ ປະກອບມີ ນະຄອນຫຼວງວຽງຈັນ, ມາດເຕີ ເຊເວັ້ນ ແລະ ສະໂມສອນ ວຽງຈັນ; ສາຍ ຂ ປະກອບມີ ກະຊວງປ້ອງກັນປະເທດ ແຊ໋ມເກົ່າ, ກົມໃຫຍ່ການເມືອງກອງທັບ ແລະ ດີເວີເກີນ.

ສ່ວນລາງວັນຊະນະເລີດ ທັງຍິງ-ຊາຍ ຈະໄດ້ຮັບຂັນລາງວັນ 1 ໜ່ວຍ ພ້ອມເງິນລາງວັນ 12 ລ້ານກີບ, ຮອງຊະນະເລີດ ໄດ້ຮັບເງິນສົດ 9 ລ້ານກີບ, ອັນດັບທີ 3 ໄດ້ຮັບເງິນສົດ 6 ລ້ານກີບ ແລະ ອັນດັບທີ ໄດ້ຮັບເງິນສົດ 4 ລ້ານກີບ ຂະນະທີ່ທີມກິລາບານສົ່ງຈາກຕ່າງແຂວງ ໄດ້ຮັບເງິນອຸດໜູນທີມລະ 3 ລ້ານກີບ.

ລາຍການນີ້ ໄດ້ຮັບການສະໜັບສະໜູນຫຼັກຈາກບໍລິສັດ ເບຍລາວ ຈຳກັດ ຈຳນວນ 231 ລ້ານກີບ, ບໍລິສັດ ລາວມິລາໂຄ ຈຳກັດ ຊຸກຍູ້ 20 ລ້ານກີບ, ລັດວິສາຫະກິດ ລາວສະກາຍເວ ຊຸກຍູ້ 5 ລ້ານກີບ ແລະ ທ່ານ ຮສ.ປອ ຄຳຜາດ ສຸຣິນພູມີ ອະດີດນັກກິລາບານສົ່ງທີມຊາດລາວ 1 ລ້ານກີບ. ນອກຈາກນັ້ນ, ກໍຍັງມີບໍລິສັດ ອິນດີ້ ຈຳກັດ, ບໍລິສັດ ເອັດພີພີ ຈຳກັດ ແລະ ບໍລິສັດ ເຄພີວາຍ (KPY) ສະໜັບສະໜູນເປັນວັດຖຸບໍລິສັດລະຫຼາຍກວ່າ 10 ລ້ານກີບ.
ຂ່າວໂດຍ: ໜັງສືພິມສຶກສາ-ກິລາລາຍວັນ

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...