Homeຂ່າວທ້ອງຖິ່ນຕະຫຼາດກາງຄືນ ຫຼວງພະບາງ ກຽມຈັດສັນຮູບແບບການຂາຍສິນຄ້າ ໃຫ້ມີຄວາມເປັນລະບຽບຮຽບຮ້ອຍ

ຕະຫຼາດກາງຄືນ ຫຼວງພະບາງ ກຽມຈັດສັນຮູບແບບການຂາຍສິນຄ້າ ໃຫ້ມີຄວາມເປັນລະບຽບຮຽບຮ້ອຍ

Published on

ອາທິດຜ່ານມານີ້ ທີ່ສະໂມສອນໃຫຍ່ຫ້ອງວ່າການ ນະຄອນ ຫຼວງພະບາງ ໄດ້ຈັດປຶກສາຫາລືການວາງສະແດງ ແລະຂາຍສິນຄ້າໃນຮູບແບບໃໝ່ ພາຍໃນຕະຫຼາດກາງຄືນ ເພື່ອໃຫ້ມີຄວາມສະດວກ ຕໍ່ຜູ້ບໍລິການ ແລະນັກທ່ອງທ່ຽວ, ໂດຍເປັນປະທານຂອງ ທ່ານ ຄຳປະສົງ ດິດຍະວົງ ຮອງເຈົ້ານະຄອນ ຫຼວງພະບາງ, ມີ ທ່ານ ຄຳຕັນ ສົມພັນວິໄລ ຮອງຫົວໜ້າພະແນກ ອຸດສາຫະກຳ ແລະ ການຄ້າແຂວງ, ພ້ອມດ້ວຍຫົວໜ້າ-ຮອງຫົວໜ້າ ຫ້ອງການ ແລະຫົວໜ່ວຍກິດຈະການຄ້າຂາຍສີນຄ້າ ພາຍໃນຕະຫຼາດກາງຄືນ ເຂົ້າຮ່ວມ.

ພິທີ ທ່ານ ສົມຫວັງ ພົມມະກອນ ຫົວໜ້າຫ້ອງການອຸດສາຫະກຳ ແລະ ການຄ້ານະຄອນ ຫຼວງພະບາງ ໄດ້ໃຫ້ຮູ້ວ່າ: ຕະຫຼາດກາງຄືນ ໄດ້ສ້າງຕັ້ງຂື້ນ ໃນວັນທີ 28 ທັນວາ 2002 ໂດຍເປີດກວ້າງໃຫ້ປະຊາຊົນບັນດາເຜົ່າ ນໍາເອົາສິນຄ້າປະເພດຫັດຖະກໍາ ທີ່ສະແດງເຖີງເອກະລັກ ສີໄມ້ລາຍມືທີປານີດ ຂອງປະຊາຊົນບັນດາເຜົ່າ ຊາວຫຼວງພະບາງ ມາວາງຂາຍເປັນລ໊ອກ, ໂດຍຈັດເປັນສອງແຖວ ສ້າງຄວາມສະດວກ ແລະສ້າງຄວາມປະດັບໃຈໃຫ້ກັບແຂກທັງພາຍໃນ ແລະຕ່າງປະເທດ ທີ່ໄດ້ມາທ່ຽວຊົມ, ທັງມີຫຼາຍປະເທດ, ຫຼາຍແຂວງ, ຫຼາຍເມືອງ ມາຖອດຖອນເອົາບົດຮຽນໄປຈັດຕັ້ງປະຕິບັດ. ປັດຈຸບັນຕະຫຼາດກາງຄືນໄດ້ ມີຫຼາຍພາກສ່ວນເຂົ້າມາຄ້າຂາຍ ແລະມີການຂະຫຍາຍຕົວເພີ້ມ ຂື້ນຈິ່ງຈັດສັນບ່ອນຂາຍເປັນ 4 ແຖວ, ໃນນັ້ນ 2 ແຖວຕັ້ງຢູ່ກາງເສັ້ນທາງສີສະຫວ່າງວົງ ແລະອີກ 2 ແຖວ ໄດ້ຈັດສັນໃສ່ ທາງຍ່າງທັງສອງຂ້າງ ລວມມີຮ້ານຂາຍເຄື່ອງທັງໝົດໝົດ 853 ຮ້ານ, ເຫັນວ່າມີຄວາມແອອັດຫຼາຍ ທັງບໍ່ມີຄວາມບໍ່ເປັນລະບຽບ-ຮຽບຮ້ອຍ.

ຈາກສະພາບການທີ່ເກີດຂື້ນ ການນໍາຂອງແຂວງ ກໍ່ຄືນະຄອນ ຫຼວງພະບາງ ໄດ້ຖືເອົາໄລຍະການລະບາດຂອງພະຍາດໂຄວິດ 19 ປັບປຸງຕະຫຼາດກາງຄືນໃໝ່, ເພື່ອໃຫ້ເປັນຕະຫຼາດຕົວແບບຂອງພາກພື້ນ ເພື່ອດຶງດູດນັກທ້ອງທ່ຽວພາຍໃນ ແລະຕ່າງປະເທດໃຫ້ ຫຼາຍຂື້ນ ແລະປົກປັກຮັກສາໄດ້ ເມືອງມໍລະດົກໂລກໃຫ້ ຄົງຄຸນຄ່າ, ໂດຍຜ່ານການຄົ້ນຄວ້າດ້ວຍຄວາມເປັນເອກະພາບ ກ້າວໄປສູ່ການອອກຂໍ້ຕົກລົງຂອງທ່ານເຈົ້າແຂວງ ແລະຮັບຮອງຈາກສະພາປະຊາຊົນແຂວງ ຕາມລະບຽບ-ກົດຫມາຍ, ໃນນັ້ນ ຈະຈັດຈຸດນັ່ງຂາຍສີນຄ້າເປັນລ໋ອກລວມ 2 ແຖວປີ່ນຫຼັງໃສ່ກັນ ເລີ້ມແຕ່ຫນ້າສະຖານີວິທະຍຸກະຈາຍສຽງ ແຂວງຫຼວງພະບາງ ຫາ 3 ແຍກບ້ານຈຸມຄ້ອງ ເຊີ່ງສາມາດຮອງຮັບໄດ້ທັງຫມົດ 443 ຮ້ານ ໂດຍຈະໃຫ້ຜູ້ປະກອບການທັງ 853 ຮ້ານ ໄດ້ນັ່ງຂາຍຜັດປ່ຽນກັນເປັນແຕ່ລະມື້ ເພື່ອຄວາມເປັນເອກະພາບ ແລະຮັບປະກັນໃຫ້ຜູ່ປະກອບການມີລາຍຮັບ ຄືໄລຍະຜ່ານມາ, ພ້ອມນັ້ນໄດ້ແຍກເປັນ 3 ປະເພດສິ້ນຄ້າຄື: ຜ້າໄຫມລາວ ມີ 339 ຮ້ານ, ຫັດຖະກໍາທົ່ວໄປ 242 ຮ້ານ, ເຄື່ອງຫັດຖະກໍາເຜົ່າມົ້ງ 272 ຮ້ານ, ທັງກຳນົດເຕັ້ນໃຫ້ເປັນສີດຽວກັນ ຂະຫນາດຍາວ 2 ແມັດ ກວ້າງ 1 ແມັດ 60 ຊັງຕີແມັດ.
ຂ່າວ: ສົມພອນ ນະຄອນ ຫຼວງພະບາງ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...