spot_img
Homeຂ່າວພາຍ​ໃນທູດຫວຽດນາມ ປະຈຳລາວ ເຄື່ອນໄຫວ ຢ້ຽມຢາມ ແລະ ເຮັດວຽກຢູ່ແຂວງອຸດົມໄຊ

ທູດຫວຽດນາມ ປະຈຳລາວ ເຄື່ອນໄຫວ ຢ້ຽມຢາມ ແລະ ເຮັດວຽກຢູ່ແຂວງອຸດົມໄຊ

Published on

ແຂວງອຸດົມໄຊ ໃຫ້ຮູ້ວ່າ: ວັນທີ 17 ຕຸລາ ຜ່ານມາ, ຢູ່ຫ້ອງວ່າການແຂວງອຸດົມໄຊ ທ່ານ ຄໍາພຽງ ຢາຈົງວາ ຮອງເລຂາພັກແຂວງ, ພ້ອມດ້ວຍ ພະແນກການທີ່ກ່ຽວຂ້ອງ ໄດ້ຕ້ອນຮັບການມາຢ້ຽມຢາມ ແລະ ເຮັດວຽກຂອງທ່ານ ຫງວຽນ ບ໋າຮຸງ ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳລາວ ພ້ອມດ້ວນຄະນະ.

ໂອກາດນີ້, ທ່ານ ຄຳພຽງ ຢາຈົງວາ ກໍໄດ້ລາຍງານສະພາບໂດຍຫຍໍ້ກ່ຽວກັບແຂວງອຸດົມໄຊ ດ້ານທີ່ຕັ້ງພູມສັນຖານ, ທ່າແຮງທາງດ້ານການພັດທະນາເສດ ຖະກິດ-ສັງຄົມ, ການທ່ອງທ່ຽວ, ການພົວພັນແບບພິເສດກັບ ສສ ຫວຽດນາມ ແລະ ຕີລາຄາສູງການພົວພັນຮ່ວມມື ລະຫວ່າງສອງປະເທດໃນດ້ານຕ່າງໆໄລຍະຜ່ານມາ ກໍຄື ແຂວງອຸດົມໄຊ ກັບບັນດາແຂວງພາກເໜືອຂອງ ສສ ຫວຽດນາມ ທີ່ນັບມື້ນັບແໜ້ນແຟ້ນ.

ພ້ອມກັນນີ້, ທ່ານ ຫງວຽນ ບ໋າຮຸງ ກໍໄດ້ຕີລາຄາສູງຕໍ່ກັບສາຍພົວພັນລະຫວ່າງສອງປະເທດ ໂດຍສະເພາະ ລະຫວ່າງແຂວງອຸດົມໄຊ ກັບບັນດາແຂວງພາກເໜືອຂອງແຂວງ ສສ ຫວຽດນາມ. ການມາຢ້ຽມຢາມ ແລະ ເຮັດວຽກຂອງຄະນະທູດຄັ້ງນີ້ ກໍເພື່ອເປັນການຊຸກຍູ້ສາຍພົວພັນ ລະຫວ່າງແຂວງພາກເໜືອຂອງລາວ ແລະ ຫວຽດນາມ ໃຫ້ນັບມື້ນັບມີການຂະຫຍາຍຕົວຢ່າງບໍ່ຢຸດຢັ້ງ. ພ້ອມນີ້, ທ່ານຍັງໄດ້ ສະເໜີໃຫ້ແຂວງອຸດົມໄຊ ເກັບກຳບັນດາລາຍຊື່ໂຄງການ ທີ່ຢາກໃຫ້ຕ່າງປະເທດມາລົງທຶນໃນດ້ານຕ່າງໆເຊັ່ນ: ດ້ານການປູກຝັງ, ລ້ຽງສັດ, ອຸດສາຫະກຳ ແລະ ດ້ານອື່ນໆ ເພື່ອໃຫ້ສະຖານທູດໄດ້ນຳໄປສະເໜີຕໍ່ນັກລົງທຶນ ສສ ຫວຽດນາມ ທີ່ມາລົງທຶນຢູ່ແຂວງອຸດົມໄຊ ເພື່ອຊອກຫາຊ່ອງທາງໃນການລົງທຶນ ຕື່ມອີກ.

ແຫຼ່ງຂ່າວ ປະເທດລາວ

ບົດຄວາມຫຼ້າສຸດ

14 ຂໍ້ຫ້າມພາຍໃນບຸນອອກພັນສາ ແລະ ຊ່ວງເຮືອປະເພນີ້່ ທີ່ທ່າວັດຈັນ ເມືອງຈັນທະບູລີ ນະຄອນຫຼວງວຽງຈັນ ຈັດຂຶ້ນໃນ ວັນທີ 04-08 ຕຸລາ 2025

ທ່ານ ແສງສາທິດ ພິມເມືອງ ຕາງໜ້າອົງການປົກຄອງເມືອງຈັນທະບູລີ ປະທານຄະນະກໍາມະການຈັດງານບຸນອອກພັນສາປະວໍລະນາ ແລະ ຊ່ວງເຮືອປະເພນີ ທີ່ທ່າວັດຈັນ ປະຈໍາປີ 2025 ໄດ້ຖະແຫຼງຂ່າວຕໍ່ສື່ມວນຊົນໃນການກະກຽມ ແລະ ຈັດງານບຸນ ລະຫວ່າງ...

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ

ສປປ ລາວ ແລະ ສ ອາເມລິກາ ຈະສືບຕໍ່ແກ້ໄຂບັນຫາທີ່ຍັງຄົງຄ້າງຮ່ວມກັນ ໃນທ້າຍເດືອນກັນຍາ 2025 ຜ່ານມານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ...

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...