spot_img
Homeຂ່າວຕ່າງປະເທດຈີນສາມາດປ່ອຍຈະຫຼວດຂົນສົ່ງບັນທຸກດາວທຽມສຳຫຼວດດວງຕາເວັນ

ຈີນສາມາດປ່ອຍຈະຫຼວດຂົນສົ່ງບັນທຸກດາວທຽມສຳຫຼວດດວງຕາເວັນ

Published on

ຈີນປະສົບຜົນສຳເລັດໃນການປ່ອຍຈະຫຼວດຂົນສົ່ງບັນທຸກດາວທຽມສຳຫຼວດດວງຕາເວັນ ທີ່ມີຊື່ວ່າ “ກັວຟູ່-1” ຂຶ້ນສູ່ວົງໂຄຈອນ.

ໃນວັນທີ 9 ຕຸລາ 2022 ສະຖານີໂທລະທັດ  CCTV ທາງການຈີນ ລາຍງານວ່າ ຈີນປະສົບຜົນສຳເລັດໃນການປ່ອຍຈະຫຼວດຂົນສົ່ງລອງມາສ-2ດີ  (Long March-2D) ສູນດາວທຽມຈິ່ວສວຽນ ບໍລິເວນທະເລຊາຍໂກບີ ເຂດມົງໂກເລຍ ທາງຕາເວັນອອກສຽງເໜືອຂອງປະເທດ ໃນເວລາ 7:43 ໂມງ.

ໂດຍຈະຫຼວດລຳນີ້ ບັນທຸກດາວທຽມສຳຫຼວດດວງຕາເວັນ ທີ່ມີຊື່ວ່າ “ຫໍສັງເກດການດວງຕາເວັນໃນອາວະກາດຂັ້ນສູງ”  (Advanced Space-based Solar Observatory-ASO-S) ຫຼື “ກັວຟູ່-1” ຂຶ້ນສູ່ວົງໂຄຈອນ ເຊິ່ງເປີດເຜີຍວ່າພາລະກິດປ່ອຍດາວທຽມສູ່ວົງໂຄຈອນໃນຄັ້ງນີ້ປະສົບຜົນສຳເລັດໄປດ້ວຍດີ.

ດາວທຽມກັວຟູ່-1 ຈະຢູ່ວົງໂຄຈອນທີ່ຫ່າງຈາກໂລກ 720 ກິໂລແມັດ ຫັນໜ້າເຂົ້າສູ່ຕາເວັນແບບຖາວອນ ໂດຍຈະສັງເກດດວງຕາເວັນລະຫວ່າງປີ 2024- 2025 ຊ່ວງເວລາຕາມວັດຖະຈັກສຸລິຍະ ເມື່ອວົງຈອນຄວາມເຄື່ອນໄຫວຂອງການເກີດປາກົດການຕ່າງໆເທິງຕາເວັນ ເຊັ່ນ ລົມສຸລິຍະ  (Solar wind) ເປວສຸລິຍະ  (Solar flare) ຫຼື ການປົດປ່ອຍມວນໂຄໂລນໍ (Coronal Mass Ejection) ເພື່ອໃຫ້ເຂົ້າໃຈປາກົດການຕ່າງໆ ແລະ ຫຼຸດຜົນກະທົບຄວາມເສຍຫາຍຕໍ່ຄົນເຮົາ ອັນເກີດຈາກປາກົດການເທິງດວງຕາເວັນ.

ບົດຄວາມຫຼ້າສຸດ

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...