spot_img
Homeຂ່າວຕ່າງປະເທດກອງທັບສະຫະລັດອາເມຣິກາສົ່ງເຮືອບັນທຸກເຮືອບິນລຸ້ນໃໝ່ອອກປະຕິບັດການ

ກອງທັບສະຫະລັດອາເມຣິກາສົ່ງເຮືອບັນທຸກເຮືອບິນລຸ້ນໃໝ່ອອກປະຕິບັດການ

Published on

ກອງທັບສະຫະລັດອາເມຣິກາ ສົ່ງເຮືອບັນທຸກເຮືອບິນລຸ້ນໃໝ່ລ່າສຸດ ເຊິ່ງມີຊື່ວ່າ ຢູເອສເອສ ເຈີຣັລ ຟອດ ອອກປະຕິບັດການເປັນຄັ້ງທຳອິດ ແລະ ກຽມຊ້ອມຮົບຮ່ວມກັບ 9 ປະເທດ.

ລາຍງານຈາກສຳນັກຂ່າວ CNN ຂອງສະຫະລັດອາເມຣິກາ ໄດ້ລາຍງານວ່າ: ວັນອັງຄານ ທີ 4 ຕຸລາ 2022 ທີ່ຜ່ານມາ ເຮືອຮົບບັນທຸກເຮືອບິນ ຢູເອສເອສ ເຈີຣັລ ຟອດ ເຊິ່ງເປັນເຮືອລຸ້ນໃໝ່ລ່າສຸດຂອງອາເມຣິກາ ອອກຈາກຖານທັບເຮືອທີ່ເມືອງນໍຟອລ ລັດເວີຈິເນຍ ໄປປະຕິບັດການຄັ້ງທຳອິດ ໂດຍມີແຜນຈະໃຊ້ເພື່ອເຝິກຊ້ອມຮົບທາງທະຫານກັບປະເທດພັນທະມິດໃນອາເມຣິກາເໜືອ ແລະ ເອີຣົບ.

ຕາມການເປີດເຜີຍຂອງກອງທັບເຮືອສະຫະລັດ ຢູເອສເອສ ເຈີຣັລ ຟອດ ເປັນເຮືອບັນທຸກເຮືອບິນອອກແບບໃໝ່ຄັ້ງທຳອິດໃນຮອບ 40 ປີ ໂດຍເລີ່ມກໍ່ສ້າງຢ່າງເປັນທາງການໃນເດືອນພະຈິກ ປີ 2009 ແລະ ໄດ້ຮັບການບັນຈຸເຂົ້າສູ່ກອງທັບເຮືອໂດຍປະທານາທິບໍດີ ໂດນັລ ທຣັມ ໃນປີ 2017 ແຕ່ຍັງບໍ່ເຄີຍອອກໄປປະຈຳການຈົນເຖິງມື້ນີ້ທີ່ໄດ້ອອກໄປປະຈຳການຄັ້ງທຳອິດ.

ການເຝິກຊ້ອມທາງທະຫານທີ່ຈະເກີດຂຶ້ນ ຈະປະກອບດ້ວຍເຈົ້າໜ້າທີ່ກອງທັບຫຼາຍກວ່າ 9.000 ຄົນ ຈາກ 9 ປະເທດຄື ອາເມຣິກາ, ການາດາ ເດນມາກ ຟິນແລນ ຝຣັ່ງ ເຢຍລະມັນ ເນເທີແລນ ແອັດສະປາຍ ແລະ ສະວີເດນ ໂດຍມີເຮືອຮົບເຂົ້າຮ່ວມ 20 ລຳ ແລະ ເຮືອບິນຮົບອີກ 60 ລຳ.

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...