ວັນທີ 29 ກັນຍາ 2022 ນີ້, ກອງບັນຊາການທະຫານແຂວງຫຼວງພະບາງ ໄດ້ເປັນເຈົ້າພາບຈັດກອງປະຊຸມພົບປະແລກປ່ຽນສະພາບ ປະຈຳປີ ລະຫວ່າງ ກອງບັນຊາການທະຫານແຂວງຫຼວງພະບາງ ສປປ ລາວ ກັບ ກອງບັນຊາການທະຫານແຂວງດຽນບຽນ ສສ ຫວຽດນາມ, ໂດຍເປັນປະທານຮ່ວມຂອງ ພັນເອກ ວິລ່ຽມ ວົງທິສານ ຫົວໜ້າການທະຫານ ກອງບັນຊາການທະຫານແຂວງຫຼວງພະບາງ ແລະພັນເອກ ພິເສດ ໂງ ກວາງ ຕ້ວນ ຫົວໜ້າການທະຫານກອງບັນຊາການທະຫານແຂວງດຽນບຽນ ພ້ອມດ້ວຍຄະນະທັງສອງຝ່າຍເຂົ້າຮ່ວມ.

ວາລະກອງປະຊຸມທັງສອງຝ່າຍ ໄດ້ພັດປ່ຽນກັນຂື້ນລາຍງານສະພາບຈຸດພິເສດ ແລະການພັດທະນາເສດຖະກິດ – ສັງຄົມຂອງແຂວງ, ພ້ອມທັງຕີລາຄາຜົນໄດ້ຮັບ ການເຄື່ອນໄຫວປະຕິບັດວຽກງານປ້ອງກັນຊາດ ເຊີ່ງ ພັນເອກ ວິລ່ຽມ ວົງທິສານ ໄດ້ໃຫ້ຮູ້ເຖີງການປະຕິບັດວຽກງານໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ພ້ອມທັງຕີລາຄາໝາກຜົນຂອງການຈັດຕັ້ງປະຕິບັດ ເນຶ້ອໃນບົດບັນທຶກຊ່ວຍຈຳໃນຊຸມປີຜ່ານມາ, ລວມໄປເຖິງການພົວພັນຮ່ວມມື ລະຫວ່າງກົມກອງເພື່ອນລາວ – ຫວຽດນາມ ແລະການຊ່ວຍເຫຼືອດ້ານບຸກຄະນະກອນ-ວັດຖຸອຸປະກອນ ໃນໄລຍະຜ່ານມາ, ພ້ອມທັງວາງທິດທາງແຜນການໃນຊຸມປີ 2023.

ວາລະກອງປະຊຸມ ທັງສອງຝ່າຍໄດ້ເຫັນດີເອກະພາບ ຕີລາຄາສະພາບຄວາມສະຫງົບດ້ານການເມືອງ ຢູ່ຂອບເຂດຊາຍແດນ, ເອກະພາບການຮ່ວມມືແກ້ໄຂ