1. ແອັບເປິ້ນ
ການເລືອກກິນແອັບເປີ້ນຢ່າງນ້ອຍມື້ລະ 1 ໜ່ວຍໃນໄລຍະຢຸດແທນການດື່ມກາເຟສາມາດກະຕຸ້ນໃຫ້ສົດຊື່ນ ແລະ ເຕັມດ້ວຍພະລັງ ນອກຈາກນີ້ ແອັບເປີ້ນຍັງຊ່ວຍເຮັດໃຫ້ແຂ້ວຂາວ ໃນຂະນະທີ່ ກາເຟມີໂອກາດເຮັດໃຫ້ແຂ້ວເຫລືອງ
2. ນ້ຳເຜິ້ງ
ມີນ້ຳເຜິ້ງແທ້ໆ ຈາກທຳມະຊາດຕິດໂຕະໄວ້ ເວລາເໜື່ອຍໆ ກິນພຽງແຕ່ 1 ບ່ວງນ້ອຍ ກໍຈະຊ່ວຍກະຕຸ້ນພະລັງງານໃຫ້ຮ່າງກາຍກັບມາຄຶກຄື້ນໄດ້ອີກ
3. ກ້ວຍ
ເປັນຫມາກໄມ້ທີ່ນັກກິລາມັກໄວ້ຕິດໂຕ ເພາະກິນພຽງແຕ່ບໍ່ເທົ່າໃດໜ່ວຍກໍຊ່ວຍໃຫ້ຮ່າງກາຍມີພະລັງງານເຫລືອເຟືອ ສ່ວນໜຸ່ມສາວ ຫ້ອງການກິນກ້ວຍມື້ລະ 2 ໜ່ວຍກໍພຽງພໍແລ້ວ
4. ຊາ
ດື່ມຊາໜຶ່ງຈອກ ບໍ່ວ່າຈະເປັນຊາ ຮ້ອນ ຫລື ຊາເຢັນ ຈະຊ່ວຍກະຕຸ້ນໃຫ້ຮ່າງກາຍສົດຊື່ນບໍ່ແພ້ກັນ ທີ່ສຳຄັນຊາ ມີສານແອນຕິອອກຊິແດນສູງ ຄົນຈີນ ຈຶ່ງມັກໃຊ້ຊາເປັນເຄື່ອງດື່ມຊ່ວຍຍຽວຢາຄົົນທີ່ກຳລັງເຈັບໄຂ້ໄດ້ປ່ວຍ ຊາຊ່ວຍປ້ອງກັນພະຍາດຫົວໃຈ ແລະ ພະຍາດມະເຮັງ
5. ເຄື່ອງດື່ມສະມຸດຕີ້
ສະມຸດຕີ້ ທີ່ມີສ່ວນປະສົມຂອງແອັບເປີ້ນ ສະຕໍເບີລີ ຫລື ບຣູເບີລີ ຊ່ວຍໃຫ້ສົດຊື່ນ ແລະ ພ້ອມລຸຍວຽກໄດ້ຢ່າງສົດຊື່ນແບບບໍ່ໜ້າເຊື່ອ
6. ອາຫານວ່າງຈຳພວກຂອງກິນຫລິ້ນທີ່ມີສ່ວນປະສົມຂອງທົ່ວ
ບໍ່ວ່າຈະເປັນຂອງກິນຫລິ້ນທີ່ມີສ່ວນປະສົມຂອງອາວມອນ ຫລື ເນີຍປະສົມຖົ່ວດິນບົດ ພຽງກິນມື້ລະ 1 ກ້ອນ ກໍຈະຊ່ວຍໃຫ້ມີພະລັງງານພ້ອມສະສາງວຽກ ແຖມຂອງກິນຫລິ້ນເຫລົ່ານີ້ຍັງອຸດົມດ້ວຍໄຟເບີ ເຊິ່ງຈະຊ່ວຍໃຫ້ຫລຸດນ້ຳໜັກໄດ້ອີກທາງໜຶ່ງ
7. ແກ່ນຖົ່ວ ແລະ ລູກເກດແຫ້ງ
ໃຜທີ່ເບື່ອອາຫານເພາະເມນູຊ້ຳໆ ແຖມລົດຊາດກໍບໍ່ໄດ້ດັ່ງໃຈເທົ່າໃດ ແກ້ເບື່ອດ້ວຍການກິນແກ່ນຖົ່ວ ແລະ ລູກເກດແຫ້ງທີ່ອຸດົມດ້ວຍໂປຕີນ ແລະ ໄຟເບີໃນລະຫວ່າງມື້ ກໍຈະຊ່ວຍເພີ່ມພະລັງງານແທນການກິນອາຫານມື້ຫລັກໄດ້
8. ໝາກກ້ຽງ
ບໍ່ພຽງມີວິຕາມິນຊີ ແລະ ສານຕໍ່ຕ້ານອານຸມູນອິດສະຫລະສູງ ແຕ່ຍັງມີວິຕາມິນ B6 ເຊິ່ງຊ່ວຍຜະລິດເຮໂມໂກບິນ ທີ່ຈະລຳລຽງອອກຊິເຈນໄປລ້ຽງສ່ວນຕ່າງໆ ຂອງຮ່າງກາຍ ນອກຈາກນີ້ຍັງມີສານ ໄທອາມິນ ທີ່ຈະຊ່ວຍປ່ຽນອາຫານໃຫ້ກາຍເປັນພະລັງງານ