spot_img
Homeຂ່າວພາຍ​ໃນຕົວະຍົວະຫຼອກລວງ ເອົາເດັກຕໍ່າກວ່າ 18 ປີ ມາຂາຍບໍລິການທາງເພດ

ຕົວະຍົວະຫຼອກລວງ ເອົາເດັກຕໍ່າກວ່າ 18 ປີ ມາຂາຍບໍລິການທາງເພດ

Published on

ໃນວັນທີ 25 ກໍລະກົດ 2022 ຜ່ານມາ ເຈົ້າໜ້າທີ່ ປກສ ແຂວງຊຽງຂວາງ ໄດ້ຮັບແຈ້ງຈາກພົນລະເມືອງດີ ໄດ້ມີຄົນບໍ່ດີຕົວະຍົວະຫຼອກລວງ ເອົາເດັກຕໍ່າກວ່າ 18 ປີ ມາຂາຍບໍລິການທາງເພດ.

ເມື່ອລົງກວດກາພົບວ່າແມ່ນແທ້ ແລະ ຈັບຜູ້ກະທຳຜິດໄດ້ສອງຄົນ ຄື ນາງ ດວງຈັນ ອາຍຸ 44 ປີ ແລະ ທ້າວ ບຸນ ອາຍຸ 53 ປີ ຜົວ-ເມຍ ທັງສອງເປັນຜົວເມຍກັນ ຢູ່ບ້ານນາໂອ ເມືອງແປກ ແຂວງຊຽງຂວາງ ແລະ ພົບຜູ້ເສຍຫາຍຈຳນວນ 4 ຄົນ ອາຍຸຕໍ່າກວ່າ 18 ປີ ຖືກຕົວະມາຈາກເມືອງໂພນໄຊ ແຂວງຫຼວງພະບາງ.

ດັ່ງນັ້ນ, ເຈົ້າໜ້າທີ່ຈິ່ງ ໄດ້ກັກຕົວຜູ້ກະທຳຜິດທັງສອງຈັບຜົວ-ເມຍ, ທັງສອງສາລະພາບວ່າ: ໄດ້ເຮັດແທ້ ແລະ ມີຜູ້ຮ່ວມຂະບວນການຢູ່ ເມືອງໂພນໄຊ ແຂວງຫຼວງພະບາງ ເຊິ່ງທາງນັ້ນໄດ້ຕິດຕໍ່ມາຫາວ່າ ມີຍິງສາວ 4 ຄົນ ຕ້ອງການຢາກເຮັດວຽກ, ໂດຍໄດ້ຕົວະວ່າຈະໃຫ້ມາຂາຍເຄື່ອງດື່ມ ແລະ ຈະໃຫ້ເງິນ 1.000.000 ກີບຕໍ່ເດືອນ ເມື່ອຕົກລົງກັນໄດ້ແລ້ວທາງຜູ້ຮ່ວມຂະບວນການ ກໍໄດ້ມາສົ່ງຢູ່ທີ່ເມືອງພູກູດ ແຂວງຊຽງຂວາງ.

ເມື່ອມາຮອດຮ້ານ, ນາງ ດວງຈັນກໍໄດ້ບັງຄັບໃຫ້ຍິງສາວຮັບແຂກ ແຕ່ຜູ້ເສຍຫາຍບໍ່ຍອມ.

ທັງສອງຜົວເມຍກໍໄດ້ຮັບໂທດຕາມກົດໝາຍ ຕັດອິດສະລະພາບ ຜູ້ລະ 15 ປີ ພ້ອມປັບໃໝ ຜູ້ລະ 100.000.000 ກີບ ສ່ວນຜູ້ຮ່ວມຂະບວນການກໍໄດ້ຮັບໂທດ.

ຂ່າວ: ປກສ ແຂວງຊຽງຂວາງ

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...