ວັນທີ 24 ສິງຫາ 2022 ເອກອັກຄະລັດຖະທູດຈີນປະຈຳສະຫະປະຊາຊາດ ເນັ້ນໜັກວ່າ ຈະປົກປ້ອງສະເຖຍລະພາບທາງຍຸດທະສາດລະດັບໂລກ ແລະ ລະວັງບໍ່ໃຫ້ກໍ່ເກີດບັນຫາ ແລະ ເພີ່ມຄວາມຮຸນແຮງຂອງການແບ່ງແຍກ.
ສຳນັກຂ່າວປະເທດຈີນ ໄດ້ລາຍງານວ່າ: ທ່ານຈ່າງຈວິ່ນ ຜູ້ຕາງຫນ້າຖາວອນຂອງຈີນປະຈໍາອົງການສະຫະປະຊາຊາດ ກ່າວຕໍ່ກອງປະຊຸມສະພາຄວາມໝັ້ນຄົງກ່ຽວກັບຄວາມຂັດແຍ້ງໃນຢູເຄຣນວ່າ “ວິກິດການຢູເຄຣນ ແລະ ສະຖານະການເຄັ່ງຕຶງຢູ່ສາກົນ ໃນຍຸກສະໄໝນີ້ແມ່ນຕ້ອງການຄວາມສາມັກຄີ ແລະ ການຮ່ວມມືກັນເພື່ອຮ່ວມກັນຕ້ານກັບສິ່ງທ້າທາຍ ຕ້ອງລະມັດລະວັງສິ່ງທີ່ຈະເຮັດໃຫ້ເກີດບັນຫາ ແລະ ຕ້ອງປົກປ້ອງສະເຖຍລະພາບທາງຍຸດທະສາດຂອງໂລກ, ບໍ່ຄວນປ່ອຍໃຫ້ໂລກກ້າວເຂົ້າສູ່ ສົງຄາມເຢັນຄັ້ງໃໝ່”
ທ່ານຈ່າງຈວິ່ນ ກ່າວຕື່ມອີກວ່າ: “ຄວາມປອດໄພຂອງປະເທດຕົນ ບໍ່ຄວນໃຫ້ປະເທດອື່ນໄດ້ຄອບຄອງ”.