Homeຂ່າວພາຍ​ໃນຮອງນາຍົກລັດຖະມົນຕີແຕ່ງຕັ້ງຮອງລັດຖະມົນຕີກະຊວງປ້ອງກັນຄວາມສະຫງົບ

ຮອງນາຍົກລັດຖະມົນຕີແຕ່ງຕັ້ງຮອງລັດຖະມົນຕີກະຊວງປ້ອງກັນຄວາມສະຫງົບ

Published on

ກະຊວງປ້ອງກັນຄວາມສະຫງົບ ໄດ້ຈັດພິທີປະກາດການແຕ່ງຕັ້ງຮອງລັດຖະມົນຕີ ກະຊວງປ້ອງກັນຄວາມສະຫງົບ ເພີ່ມອີກ 1 ທ່ານ ໂດຍປັດຈຸບັນກະຊວງປ້ອງກັນຄວາມສະຫງົບ ມີຮອງລັດຖະມົນຕີ 4 ທ່ານ; ເປັນກຽດເຂົ້າຮ່ວມ ໂດຍ ພົອ ວິໄລ ຫຼ້າຄໍາຟອງ ຮອງນາຍົກລັດຖະມົນຕີ, ລັດຖະມົນຕີກະຊວງ ປ້ອງກັນຄວາມສະຫງົບ, ມີບັນດາຄະນະກົມໃຫຍ່, ກົມ, ກອງ, ວິທະຍາຄານ ແລະ ປກສ ນະຄອນຫຼວງ ວຽງຈັນ ເຂົ້າຮ່ວມ ໃນວັນທີ 19 ສິງ ຫາ 2022.

ທ່ານ ດວງຕາ ຈຸມພາວັນ ຜູ້ຊ່ວຍຄະນະຈັດຕັ້ງສູນກາງພັກ ໄດ້ຜ່ານດໍາລັດຂອງທ່ານນາຍົກ ລັດຖະມົນຕີ ສະບັບເລກທີ 217/ນຍ ລົງວັນ 2 ສິງຫາ 2022 ວ່າດ້ວຍການແຕ່ງຕັ້ງ ພົຕ ຄໍາສິ້ງ ຜຸຍຫຼ້າ ມະນີວົງ ເປັນຮອງລັດຖະມົນຕີກະຊວງປ້ອງກັນຄວາມສະຫງົບ, ທັງເປັນຫົວຫນ້າກົມໃຫຍ່ຕໍາຫຼວດ. ໃນໂອກາດນີ້, ພົອ ວິໄລ ຫຼ້າຄໍາຟອງ ໄດ້ສະແດງຄວາມຍ້ອງຍໍຊົມເຊີຍ ແລະ ເຊື່ອຫມັ້ນວ່າ ພົຕ ຄໍາຕິ່ງ ຕຸຍຫຼ້າ ມະນີວົງ ຈະເປັນກໍາລັງແຮງໃນການຊີ້ນໍາ-ນໍາພາວຽກງານຂອງກໍາລັງ ປກສ ໃຫ້ມີຜົນສໍາເລັດ ທັງເປັນ ພະນັກງານການນໍາຂອງກໍາລັງປ້ອງກັນຄວາມສະຫງົບ ທີ່ມີຄວາມຮູ້ຄວາມສາມາດ, ມີຄວາມບຸກບືນ ຫ້າວຫັນຕໍ່ຫນ້າທີ່ການເມືອງຂອງຕົນດ້ວຍຄວາມຮັບຜິດຊອບສູງ, ເຊິ່ງຊ່ວຍເຮັດໃຫ້ກະຊວງປ້ອງກັນຄວາມ ສະຫງົບ ມີຄວາມຫນັກ ແຫນ້ນ, ມີຄວາມເຂັ້ມແຂງ, ມີຄວາມ ປອດໄພ, ມີຄວາມເປັນເອກະພາບໃນການ ຈັດຕັ້ງປະຕິບັດມະຕິ, ຄໍາສັ່ງ, ແນວທາງນະໂຍບາຍຂອງພັກ-ລັດ.

ພ້ອມນີ້, ທ່ານຮອງນາຍົກລັດຖະມົນຕີ ຍັງໄດ້ເນັ້ນຫນັກຕື່ມວ່າ: ດ້ານຄວາມຮັບຜິດຊອບຕໍ່ຫນ້າທີ່ໃຫມ່ ຕ້ອງເອົາໃຈໃສ່ຄື:

  1. ສືບຕໍ່ປັບປຸງທົ່ວກໍາລັງປ້ອງກັນຄວາມສະຫງົບໃຫ້ດີທີ່ສຸດ ແລະ ສ້າງຄວາມສາມັກຄີ ໃຫ້ຫນັກແຫນ້ນທັງເປັນຄັນທຸງນໍາຫນ້າເຮັດໃຫ້ພາຍໃນເປັນປຶກແຜນແຫນ້ນຫນາ, ຮັກສາຄວາມເປັນແບບຢ່າງ ໃຫ້ດີ, ຫຼີກລ່ຽງແນວຄິດກຸ່ມກ້ອນ, ຈຸ້ມເຈື້ອ, ເຊື້ອສາຍ, ອັກຄະຕິ, ແບ່ງແຍກ ແລະ ຕ້ອງເປັນຄົນມີຄວາມຊື່ຕົງ;
  2. ເພີ່ມທະວີຄວາມຮັບຜິດຊອບທາງດ້ານການເມືອງ ຕ້ອງເຮັດໃຫ້ກໍາລັງ ປກສ ຢືດຫມັ້ນອຸດົມການ, ເຮັດ ໃຫ້ກໍາລັງມີນໍ້າໃຈຮັກຊາດ, ມີສະຕິຕໍ່ການຈັດຕັ້ງ, ເຄົາລົບລະບຽບກົດຫມາຍ ແລະ ເຮັດໃຫ້ກໍາລັງໄດ້ ຮັບຄວາມເຊື່ອຫມັ້ນຈາກປະຊາຊົນ;
  3. ຕ້ອງເດັດຂາດ, ມີໄຫວພິບ, ສະຫຼາດຫຼັກແຫຼມບໍ່ໃຫ້ຜິດຕໍ່ແນວ ທາງ ຂອງພັກ, ອົດທົນຜ່ານຜ່າຄວາມຫຍຸ້ງຍາກນາໆປະການ;
  4. ປັບປຸງແບບແຜນວິທີເຮັດວຽກໃຫ້ມີ ຄວາມ ຖືກຕ້ອງ, ສອດຄ່ອງ, ແບ່ງ ຄວາມຮັບຜິດຊອບໃຫ້ເຫມາະສົມ 
  5. ຕ້ອງຮ່ວມກັນປຶກສາຫາ ລືເປັນ ຫມູ່ຄະນະ, ປັບປຸງກໍ່ສ້າງກໍາ ລັງໃຫ້ຫນັກແຫນ້ນທາງດ້ານການເມືອງ-ແນວຄິດ, ຈົງຮັກພັກດີຕໍ່ປະເທດຊາດ, ຕໍ່ ປະຊາຊົນ ແລະ ແກ້ໄຂຂໍ້ຂັດແຍ່ງຕ່າງໆໃຫ້ມີຄວາມເປັນທໍາ.

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...